മലയാളിയെന്ന് വിശേഷിപ്പിച്ചു, മലര്‍ മിസ് ചൊടിച്ചു; സായിപല്ലവി നേരിടുന്ന ജന്മസ്ഥല പ്രശ്‌നം

തെന്നിന്ത്യന്‍ നായികയായ സായി പല്ലവി മലയാളത്തിലൂടെയാണ് അരങ്ങേറ്റം കുറിച്ചത്. സൂപ്പര്‍ ഹിറ്റായ പ്രേമം ആയിരുന്നു നടിയുടെ ആദ്യ സിനിമ. പ്രേമത്തിലെ മലര്‍ മിസ് എന്ന വേഷം ഏറെ ശ്രദ്ധിക്കപ്പെട്ടപ്പോള്‍ തെലുങ്കിലും തമിഴിലും സായിയെ തേടി നിരവധി അവസരങ്ങള്‍ വന്നു. ഇന്ന് ഏറെ തിരക്കുള്ള ഒരു അഭിനേത്രിയാണ് സായി.

മലയാളത്തില്‍ നായികയായി അരങ്ങേറ്റം കുറിച്ചത് കൊണ്ടാവണം സായി മലയാളിയാണെന്ന് പലരും തെറ്റിദ്ധരിച്ചിരിക്കുന്നത്. കോട്ടഗിരിയില്‍ ജനിച്ച് കോയമ്പത്തൂരില്‍ വളര്‍ന്ന സായി തനി തമിഴ് പെണ്‍കുട്ടിയാണ്.

Daily Indian Herald വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1 | Telegram Group | Google News ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക

ഒരു സിനിമയുടെ പ്രചരണത്തിന്റെ ഭാഗമായി നടന്ന പരിപാടിയ്ക്കിടെ ഒരാള്‍ മലയാളി എന്ന് വിശേഷിപ്പിച്ചത് സായിക്ക് ഇഷ്ടമായില്ല. നീരസം പ്രകടിപ്പിച്ച സായി, താന്‍ മലയാളിയല്ലെന്നും തമിഴ്‌നാട്ടുകാരിയാണെന്നും പറഞ്ഞതായി തെലുങ്ക് മാധ്യമങ്ങള്‍ റിപ്പോര്‍ട്ട് ചെയ്തു.

നാനിക്കൊപ്പം മിഡില്‍ ക്ലാസ് അബ്ബായി എന്ന സിനിമയിലാണ് സായി ഇപ്പോള്‍ അഭിനയിച്ചു കൊണ്ടിരിക്കുന്നത്. വേണു ശ്രീരാമാണ് ചിത്രത്തിന്റെ സംവിധായകന്‍.

സമീര്‍ താഹിറിന്റെ ദുല്‍ഖര്‍ ചിത്രമായ കലിയാണ് സായി പല്ലവി നായികയായ രണ്ടാമത്തെ മലയാള ചിത്രം. കലിയുടെ തെലുങ്ക് പതിപ്പായ ഹേ പിള്ളഗാഡയിലും സായി തന്നെയായിരുന്നു നായിക.

Top