പറന്നുയര്വിമാനത്തില് കോക്പിറ്റിനുള്ളില് സംഭവിക്കുന്നതൊക്കെ വെളിപ്പെടുത്തിയിരിക്കുയാണ് ഏതാനും എയര്ഹോസ്റ്റസുമാര്. ഡ്യൂട്ടി ഫ്രീ ഉത്പന്നങ്ങളെക്കുറിച്ചു യാത്രക്കാരോടു കളവുപറഞ്ഞും ടിപ്പുകളും സമ്മാനങ്ങളും സ്വീകരിച്ചു ചിലര്ക്കു വഴിവിട്ട സഹായം ചെയ്തും വിമാനത്തിനുള്ളില് പാലിക്കേണ്ട നിയമങ്ങളും മര്യാദകളും ലംഘിക്കുന്നതു പതിവാണെന്നും എയര്ഹോസ്റ്റസുമാര് സമ്മതിക്കുന്നു. ബ്രിട്ടനില് കഴിഞ്ഞ അഞ്ചുവര്ഷമായി ജോലി ചെയ്യുന്ന 718 എയര് ഹോസ്റ്റസുമാരെ സര്വേ ചെയ്തു തയ്യാറാക്കിയ റിപ്പോര്ട്ടിലാണ് ഈ രഹസ്യങ്ങളുടെ ചുരുളഴിയുന്നത്.
89 ശതമാനവും പല രീതിയില് നിയമം ലംഘിച്ചിട്ടുള്ളവരാണ്. 21 ശതമാനത്തോളം പേര് മറ്റു ജീവനക്കാരുമായി വിമാനത്തിനുള്ളില്വച്ച് ലൈംഗിക ബന്ധത്തില്പ്പോലും ഏര്പ്പെട്ടിട്ടുണ്ട്. 14 ശതമാനം പേര്ക്കു യാത്രക്കാരില്നിന്നും ലൈംഗികാനുഭവമുണ്ട്. കോക്പിറ്റിനുള്ളില് കടന്നു പൈലറ്റുമാര്ക്ക് വഴങ്ങിക്കൊടുത്ത അനുഭവവും പലര്ക്കുമുണ്ട്.
വിമാനത്തിനുള്ളില് വില്ക്കുന്ന വസ്തുക്കളെക്കുറിച്ചുള്ള വിവരങ്ങള് നല്കുമ്പോള് ഇതില് പലതും വലിയ വിലക്കുറവില് ഡ്യൂട്ടി ഫ്രീയില് ലഭിക്കുമെന്ന വിവരം മറച്ചുവെക്കാറുണ്ടെന്ന് എയര്ഹോസ്റ്റസുമാര് പറയുന്നു. ഉത്പന്നങ്ങള് വാങ്ങുന്നവരോടു ചില്ലറയില്ലെന്ന ന്യായം പറഞ്ഞു ബാക്കി നല്കാതെ വര്ഷം തോറും ശരാശരി 300 പൗണ്ടിലേറെ സമ്പാദിക്കാറുണ്ടെന്നും ചില ജീവനക്കാര് പറയുന്നു.
ചില്ലറക്കാര്യത്തില് കള്ളം പറഞ്ഞു യാത്രക്കാരെ പറ്റിക്കുന്നവരില് ഏറെയും ഫ്രാന്സ്, ജര്മനി, സ്പെയിന്, ഇറ്റലി തുടങ്ങിയ യൂറോപ്യന് രാജ്യങ്ങളില്നിന്നുള്ള എയര്ഹോസ്റ്റസുമാരാണ്. ഏഴുശതമാനത്തോളം പേര് യാത്രക്കാരില്നിന്ന് ടിപ്പുകളും സമ്മാനങ്ങളും കൈപ്പറ്റി വഴിവിട്ട സഹായം ചെയ്തുകൊടുക്കാറുണ്ട്.