ജോണ്‍ വിജയിന്റെ ലൈംഗീക വൈകൃതം തുറന്ന് കാട്ടി ശ്രീരഞ്ജിനി; രാത്രിയില്‍ ഫോണ്‍ സെക്‌സിന് ശ്രമിച്ചെന്ന് ആരോപണം

ചെന്നൈ: മീടൂ വെളിപ്പെടുത്തലില്‍ തമിഴ് നടന്‍ ജോണ്‍ വിജയ് കുടുങ്ങി. നടിയും അവതാരകയുമായ ശ്രീരഞ്ജിനിയാണ് ജോണ്‍ വിജയ്‌ക്കെതിരെ ആരോപണവുമായി രംഗത്തെത്തിയത്. ഒരുക്കല്‍ താനുമായി ഫോണ്‍ സെക്‌സിന് ശ്രമം നടത്തിയ ആളാണ് ജോണ്‍ വിജയ് എന്ന് ശ്രീരഞ്ജിനി വെളിപ്പെടുത്തി.

ലൈംഗിക വൈകൃതത്തിന് അടിമയാണ് ജോണ്‍ വിജയ്. മറ്റു പല പെണ്‍കുട്ടികളോടും ഇയാള്‍ ഇങ്ങനെ പെരുമാറിയിട്ടുണ്ട്. മറ്റ് പെണ്‍കുട്ടികളുടെ അറിവിലേക്കാണ് ഈ വെളിപ്പെടുത്തല്‍ നടത്തുന്നതെന്നും ശ്രീരഞ്ജിനി തന്റെ ട്വിറ്ററില്‍ കുറിച്ചു.

നാല് വര്‍ഷം മുമ്പാണ് സംഭവം. ‘2014-ല്‍ അയാളുടെ ടെലിവിഷന്‍ അഭിമുഖം ഞാന്‍ നടത്തിയിരുന്നു. പിന്നീട് ഒരു മാസത്തിന് ശേഷം അയാള്‍ എന്നെ വിളിച്ചു. ആ അഭിമുഖം എപ്പോള്‍ ടെലികാസ്റ്റ് ചെയ്യുമെന്ന് ചോദിച്ചു. എന്നാല്‍ സമയം വൈകിയതിനാല്‍ അടുത്തദിവസം വിളിക്കാന്‍ ഞാന്‍ പറഞ്ഞു. പക്ഷേ അയാള്‍ ഫോണ്‍ വെയ്ക്കാന്‍ തയ്യാറായില്ല. ഫോണ്‍ സെക്സിലേയ്ക്ക് കടക്കാന്‍ ശ്രമം നടത്തി. ശല്യമായതോടെ അയാളുടെ ഭാര്യയോട് പറയുമെന്ന് പറഞ്ഞ് ഭീഷണിപ്പെടുത്തി. അപ്പോള്‍ അയാള്‍ ഫോണ്‍ കട്ട് ചെയ്തു’. ശ്രീരഞ്നി പറയുന്നു. ഇത്തരം കാര്യങ്ങള്‍ അയാള്‍ തമാശയെന്ന രീതിയിലാണ് ചെയ്യുന്നതെന്നും ശ്രീരഞ്ജിനി കൂട്ടിച്ചേര്‍ക്കുന്നു.

Latest
Widgets Magazine