ഉമ്മൻചാണ്ടിയും രമേശ‌് ചെന്നിത്തലയും പ്രതിക്കൂട്ടിൽ !..അദാനിക്കുവേണ്ടി വിഴിഞ്ഞം കരാർ, കോഴവാങ്ങി ബാർ ലൈസൻസ‌്, കരുണ എസ‌്റ്റേറ്റിന‌് ഭൂമി

കൊച്ചി:അഴിമതിക്കാര്യത്തിൽ മുൻ ഭരണാധികാരികളായ ഉമ്മൻചാണ്ടിയും രമേശ‌് ചെന്നിത്തലയും വീണ്ടും പ്രതിക്കൂട്ടിൽ.വി എം സുധീരൻ പുറത്തേക്കു വിട്ടത് കോൺഗ്രസിന്റെ അടിത്തറ ഇളക്കുന്ന ഭീകരമായ അഴിമതികളെ ശരിവെക്കുന്ന വെളിപ്പെടുത്തലുകളാണ് .ഉമ്മൻ ചാണ്ടിയും രമേശ് ചെന്നിത്തലയും പ്രതിരോധത്തിലായിരിക്കയാണ് .കോഴവാങ്ങി ബാർ ലൈസൻസ‌് നൽകൽ, സംസ്ഥാന താൽപ്പര്യം ബലികഴിച്ച‌് അദാനിക്കുവേണ്ടി വിഴിഞ്ഞം കരാർ ഒപ്പിടൽ, കരുണ എസ‌്റ്റേറ്റിന‌് ഭൂമിനൽകൽ തുടങ്ങിയവയിലെല്ലാം അന്ന‌ുന്നയിച്ച ആരോപണങ്ങളെല്ലാം സുധീരൻ സാധൂകരിച്ചതോടെ മുൻ മുഖ്യമന്ത്രി ഉമ്മൻചാണ്ടിയും രമേശ‌് ചെന്നിത്തലയും ഉൾപ്പെടെ വീണ്ടും പ്രതിക്കൂട്ടിലായി. ഗുരുതരമായ അഴിമതി ആരോപണം ഉയർന്നിട്ടും മറുപടി പറയാതെ രണ്ടുപേരും ഒളിച്ചോടുകയാണ‌്. മറുപടി പറഞ്ഞാൽ തെളിവുസഹിതം സുധീരൻ വീണ്ടും വരുമെന്ന ഭയമാണ‌് ഇതിന‌് കാരണം.

അബ‌്കാരി ചട്ടങ്ങൾ പാലിച്ചില്ലെന്ന‌് പറഞ്ഞാണ‌് യുഡിഎഫ‌് ഭരണകാലത്ത‌് 418 ബാറിന‌് ലൈസൻസ‌് പുതുക്കിനൽകാതിരുന്നത‌്. തുടർന്ന‌് ഉടമകളുമായി ലേലംവിളി തുടങ്ങി. ബാർ അസോസിയേഷൻ വൻതോതിൽ പണംപിരിച്ച‌് ഉന്നതർക്ക‌് കോഴയായി നൽകി. പിന്നീട‌് ഈ ബാറുകൾക്ക‌ുകൂടി ലൈസൻസ‌് നൽകുന്ന കാര്യം മന്ത്രിസഭായോഗം പരിഗണിച്ചപ്പോൾ ഫയൽ നിയമവകുപ്പ‌് കണ്ടില്ലെന്ന‌ു പറഞ്ഞ‌് നിയമമന്ത്രികൂടിയായ കെ എം മാണി ഉടക്കി. ഇതോടെ സംഭവം വിവാദമായി. ഇതിനിടെ ബാർ ഉടമകൾ മാണിയെയും കണ്ട‌് കരാർ ഉറപ്പിച്ചുവെന്ന ആരോപണമുയർന്നു. വീണ്ടും മന്ത്രിസഭായോഗം ലൈസൻസ‌് പുതുക്കിനൽകാൻ തീരുമാനിക്കാനിരിക്കെ ശക്തമായ പ്രതിപക്ഷ പ്രതിഷേധം ഉയർന്നു. ലൈസൻസ‌് നൽകരുതെന്ന‌് അന്നത്തെ കെപിസിസി പ്രസിഡന്റായ വി എം സുധീരനും ആവശ്യപ്പെട്ടു. 2014ലെ ലോക‌്സഭാ തെരഞ്ഞെടുപ്പ‌് കഴിയുന്നതുവരെ ലൈസൻസ‌് പുതുക്കിനൽകരുതെന്നായിരുന്നു ആവശ്യം.

തന്റെ ഇമേജ‌് കൂട്ടുമെന്ന‌് മനസ്സിലാക്കിയ സുധീരൻ ലോക‌്സഭാ തെരഞ്ഞെടുപ്പിനുശേഷവും നിലപാട‌് ആവർത്തിച്ചു. ഇതോടെ കോൺഗ്രസിലും യുഡിഎഫിലും പ്രതിസന്ധി മൂർച്ഛിച്ചു. കോഴ നൽകിയ ബാറുടമകൾ വാളോങ്ങി. എങ്കിലും സുധീരൻ അടങ്ങിയില്ല. തുടർന്നാണ‌് സുധീരനെ വെട്ടാൻ ഉമ്മൻചാണ്ടി കടുംവെട്ട‌് നടത്തിയത‌്. ഫൈവ‌് സ‌്റ്റാർ ബാറുകൾക്കും ക്ലബ്ബുകൾക്കുമൊഴികെയുള്ള ബാർ ലൈസൻ‌സ‌് റദ്ദാക്കുകയായിരുന്നു.

അന്ന‌് ക്ലിഫ‌്ഹൗസിൽ ചേർന്ന യോഗത്തിൽ കീശയിൽ കരുതിയ ഒറ്റക്കടലാസ‌് എടുത്ത‌് ഉമ്മൻചാണ്ടി തന്റെ ‘അബ‌്കാരിനയം’ പ്രഖ്യാപിച്ചപ്പോൾ എല്ലാവരും ഞെട്ടി. പ‌ക്ഷേ, എല്ലാ നേതാക്കളും വേദനയും ഞെട്ടലും ഉള്ളിലൊതുക്കി തീരുമാനം മദ്യനിരോധനത്തിനുള്ള മഹത്തായ ചുവടുവയ‌്പായി വ്യാഖ്യാനിച്ചു. എന്നാൽ, മദ്യനയം തട്ടിപ്പാണെന്നും സുധീരനെ വെട്ടാൻ ഉമ്മൻചാണ്ടി നടത്തിയ തട്ടിപ്പാണെന്നും എൽഡിഎഫ‌് തുറന്നുകാട്ടി. കോഴയിടപാടും ഓരോന്നായി ചൂണ്ടിക്കാട്ടി. അന്നുന്നയിച്ച അഴിമതിയും ഉമ്മൻചാണ്ടിയുടെ ഇരട്ടത്താപ്പും ഇപ്പോൾ പച്ചയായി സുധീരൻ സാധൂകരിക്കുകയാണ‌്.

ആരുമായി ആലോചിക്കാതെ ഉമ്മൻചാണ്ടി അദാനി ഗ്രൂപ്പുമായി വിഴിഞ്ഞം കരാർ ഒപ്പിട്ടപ്പോഴും എൽഡിഎഫ‌് ശക്തമായ വിമർശമാണ‌് ഉന്നയിച്ചത‌്. കരാർ സംസ്ഥാനതാൽപ്പര്യത്തിനെതിരാണെന്ന‌് വ്യവസ്ഥകൾ വേർതിരിച്ച‌് അവതരിപ്പിച്ച‌് ചൂണ്ടിക്കാട്ടി. എന്നാൽ, വിമർശനത്തെ വഴിതിരിച്ചുവിടാനായിരുന്നു ഉമ്മൻചാണ്ടി ശ്രമിച്ചത‌്. ഇതിനായി ഉമ്മൻചാണ്ടി ഹൈക്കമാൻഡിനെപ്പോലും തള്ളിയെന്നാണ‌് സുധീരൻ പറയുന്നത‌്. പാലക്കാട‌് കരുണ എസ‌്റ്റേറ്റിന‌് ഭൂമി പതിച്ചുനൽകിയത‌ുതൊട്ട‌് യുഡിഎഫ‌് ഭരണകാലത്ത‌് നടന്ന കടുംവെട്ടുകളെയെല്ലാം സുധീരൻ തള്ളിപ്പറഞ്ഞുവെന്നുമാത്രമല്ല, അഴിമതിക്കഥകളും എണ്ണമിട്ട‌് നിരത്തുന്നുമുണ്ട‌്.

ചെന്നിത്തല അടുത്ത മുഖ്യമന്ത്രി..ഉമ്മൻ ചാണ്ടിക്ക് എതിരെ കടുത്ത ആരോപണം.യുവനേതാക്കളെ വച്ച് ഉമ്മന്‍ചാണ്ടി തന്നെ ഒതുക്കി, പി.ജെ. കുര്യന്‍ ഐ ഗ്രൂപ്പിലേക്ക്‌ കരുണാകരനെ പുറത്താക്കാൻ ഉമ്മൻ ചാണ്ടിയെ ചെന്നിത്തലയും ഹസനും തുണച്ചു.ഉമ്മന്‍ ചാണ്ടി മാപ്പ് പറയണം: മുന്‍മന്ത്രി ടി എച്ച് മുസ്തഫ കോൺഗ്രസിലെ ഗ്രൂപ്പ് പ്രവർത്തനത്തിന്റെ നാഥൻ ഉമ്മൻ ചാണ്ടി .ബിജെപിയെ വളർത്താനുള്ള ഗൂഢ അജണ്ട.ഉമ്മന്‍ ചാണ്ടിക്കെതിരെ ഗുരുതര ആരോപണങ്ങളുമായി വിഎം സുധീരന്‍ ഇരട്ടചങ്കന്‍ പറയുന്നതു മാത്രം തലയിലേറ്റണ്ട ഗതികേടില്ല ഞങ്ങളുടെ പാര്‍ട്ടിയില്‍ ശബ്ദിക്കാനുള്ള സ്വാതന്ത്ര്യമുണ്ട്: വിടി ബല്‍റാം രാജ്യസഭാ സീറ്റ് മാണിക്ക് നല്‍കിയത് തെറ്റായിപ്പോയി: കുറ്റം ഏറ്റുപറഞ്ഞ് കുമ്പസാരിച്ച് ചെന്നിത്തല
Latest
Widgets Magazine