Connect with us

Article

ദിലീപിന്റെ ജാമ്യത്തിനു വേണ്ടി ശ്രമിച്ചത് മഞ്ജു വാര്യർ !..ഇടപെട്ടത് മീനാക്ഷി പറഞ്ഞിട്ടോ? പ്രധാനമന്ത്രിയുമായുള്ള ബന്ധംവെച്ച് സുരേഷ് ഗോപി ഇടപെട്ടോ? നടനെ സഹായിക്കാന്‍ മുന്നിട്ടിറങ്ങിയ സലീം ഇന്ത്യ ഒരു നാള്‍ കുമ്പസാരം നടത്തും. ദിലീപിന് ജാമ്യം കിട്ടാനുള്ള വഴികള്‍ തുറന്ന് കാട്ടി ഞെട്ടിക്കുന്ന വെളിപ്പെടുത്തലുകളുമായി പല്ലിശേരി

Published

on

തിരുവനന്തപുരം: യുവ നടിയെ ആക്രമിച്ച കേസില്‍ വീണ്ടും നിര്‍ണായകമായ വെളിപ്പെടുത്തലുകളുമായി പല്ലിശേരി രംഗത്ത് . ദിലീപിന് ജാമ്യം ലഭിച്ചതെങ്ങനെ എന്ന ചോദ്യം തനിക്ക് വിവിധ കോണുകളില്‍ നിന്നും അഭിമുഖീകരിക്കേണ്ടി വന്നതിനെ കുറിച്ചാണ് പല്ലിശ്ശേരി വീണ്ടും എഴുതിയത്. മമ്മൂട്ടി, മഞ്ജു വാര്യര്‍, കെ ബി ഗണേശ് കുമാര്‍, സുരേഷ് ഗോപി എന്നിവരാണ് ദിലീപിന്റെ ജാമ്യത്തിന് വേണ്ടി ശ്രമിച്ചതെന്ന ചോദ്യങ്ങള്‍ക്ക് മറുപടി നല്‍കുകയായിരുന്നു പല്ലിശ്ശേരി.തന്റെ പ്രതിവാര കോളമായ അഭ്രലോകത്തിലൂടെ പല കാര്യങ്ങളും പല്ലിശ്ശേരി തുറന്നു പറഞ്ഞു. ദിലീപിന്റെ വീ്ട്ടുകാര്യത്തില്‍ അടക്കം വെളിപ്പെടുത്തലുകള്‍ പല്ലിശ്ശേരി നടത്തിയിരുന്നു. ദിലീപിന് ജാമ്യം ലഭിച്ചതെങ്ങനെ എന്ന ചോദ്യം തനിക്ക് വിവിധ കോണുകളില്‍ നിന്നും അഭിമുഖീകരിക്കേണ്ടി വന്നതിനെ കുറിച്ചാണ് പല്ലിശ്ശേരി വീണ്ടും എഴുതിയത്. മമ്മൂട്ടി, മഞ്ജു വാര്യര്‍, കെ ബി ഗണേശ് കുമാര്‍, സുരേഷ് ഗോപി എന്നിവരാണ് ദിലീപിന്റെ ജാമ്യത്തിന് വേണ്ടി ശ്രമിച്ചതെന്ന ചോദ്യങ്ങള്‍ക്ക് മറുപടി നല്‍കുകയായിരുന്നു പല്ലിശ്ശേരി.

ഇക്കാര്യത്തില്‍ വക്കീലിന്റെ മിടുക്കും തെളിവുകള്‍ നോക്കിയുള്ള കോടതിയുടെ ഇടപെടലുമാണ് ജാമ്യത്തിന് ഇടയാക്കിയതെന്ന് പല്ലിശ്ശേരി സമ്മതിക്കുന്നു. അല്ലാതെ മകള്‍ മീനാക്ഷി പറയുന്നത് കേട്ട് മഞ്ജു വാര്യര്‍ ഇടപെട്ടാണ് ജാമ്യം നേടിയതെന്ന വിധത്തിലുള്ള ആരോപണങ്ങളെയും അദ്ദേഹം തള്ളിക്കളഞ്ഞു. ദിലീപ് പുറത്തിറങ്ങിയ ശേഷം ചില മാധ്യമപ്രവര്‍ത്തകര്‍ സ്തുതിഗീതം പാടുന്നതു കൊണ്ട് കേസിന് എന്തെങ്കിലും സംഭവിക്കുമോ എന്നിങ്ങനെയായിരുന്നു ചോദ്യങ്ങള്‍. എന്നാല്‍ പൊലീസ് ഉദ്യോഗസ്ഥര്‍ മിടുക്കരാണെന്ന് അന്തിമ വിജയം പൊലീസിന് തന്നെയാകുമെന്നും പല്ലിശ്ശേരി പറഞ്ഞു വെക്കുന്നു.

സിബിഐ അന്വേഷണം ആവശ്യപ്പെട്ടുള്ള ദിലീപിന്റെ ഹര്‍ജിയെ കുറിച്ചും പരാമര്‍ശിക്കുന്നുണ്ട്. സലിം ഇന്ത്യയെന്ന പേരില്‍ അറിയപ്പെടുന്ന സലിം കേച്ചേരിയാണ് ഹര്‍ജി നല്‍കിയത്. എന്നാല്‍ സലിം ഇന്ത്യയുടെ ഇടപെടല്‍ കൊണ്ടും ദിലീപ് കേസില്‍ നിന്നും രക്ഷപെടില്ലെന്നും. ഇക്കാര്യത്തില്‍ ഒരു നന്ദിവാക്ക് പോലും സലീമിനെ ലഭിക്കില്ലെന്നും സലിം അഭ്രലോകത്തില്‍ പറയുന്നു. പല്ലിശ്ശേരി എഴുതുന്നത് ഇങ്ങനെയാണ്:

ഇവര്‍ ദിലീപിനു ജാമ്യം കൊടുക്കാന്‍ സഹായിച്ചവരോ?
നവംബര്‍ 1. രാവിലെ 9 മണിക്ക് ഒരു കോള്‍ വന്നു. വളരെ വിനയത്തോടെയാണ് ഒരാള്‍. പക്ഷേ, അയാള്‍ പേരു പറഞ്ഞില്ല. അതേ സമയം എന്നെക്കുറിച്ച് എല്ലാ കാര്യങ്ങളും അയാള്‍ക്കറിയാമെന്നു മനസ്സിലായി.1
‘ആരാ’
‘ഞാന്‍ സിനിമാ രംഗത്ത് പ്രവര്‍ത്തുന്ന ഒരാളാണ്. താങ്കളെ എനിക്ക് നന്നായി അറിയാം. ഞാന്‍ ദിലീപേട്ടനു വേണ്ടിയാണ് നിലകൊള്ളുന്നത്. ചാനല്‍ ചര്‍ച്ചകളില്‍ താങ്കളുടെ ധീരമായ അഭിപ്രായങ്ങള്‍ ശ്രദ്ധിച്ചിരുന്നു. ഒന്നു രണ്ടു സംശയം തീര്‍ക്കാനാണ് നേരില്‍ വിളിക്കുന്നത്. ബുദ്ധിമുട്ടില്ലല്ലോ അല്ലേ.
സംസാരിച്ചോളൂ.
എനിക്ക് ചില ചോദ്യങ്ങള്‍ക്ക് ഉത്തരം ലഭിച്ചാല്‍ കൊള്ളാം. ഞാനങ്ങയെ ഇഷ്ടപ്പെട്ടതു കൊണ്ടാണ് വിളിച്ചത്.
നമ്മള്‍ രണ്ടു പേരും രണ്ടു പക്ഷത്തുമാണ്.
ഞാന്‍ ഇടയ്ക്കു കയറി പറഞ്ഞു.
ഞാന്‍ സത്യത്തിന്റെ പക്ഷത്താണ്. ഓക്കെ സാര്‍… അങ്ങനെ വിചാരിച്ചോളൂ… എന്നാല്‍ അങ്ങയുടെ എഴുത്തില്‍ പ്രതിപക്ഷ ബഹുമാനം പോലും ഇല്ലെന്നു തോന്നുന്നു.വായിക്കാറില്ലെ.
ഉവ്വ്, ഞാന്‍ വിലകൊടുത്തു വാങ്ങുന്ന ഒരേയൊരു സിനിമ പ്രസിദ്ധീകരണം സിനിമാ മംഗളമാണ്. ഏറ്റവും പുതിയ ലേഖനവും വായിക്കുകയുണ്ടായി. അതിന്റെയൊക്കെ അടിസ്ഥാനത്തില്‍ എനിക്കുണ്ടായ സംശയമാണ് ചോദിക്കാന്‍ ആഗ്രഹിക്കുന്നത്.
എന്താണറിയേണ്ടത്?
ദിലീപേട്ടന് ജാമ്യം കിട്ടിയപ്പോള്‍ എവിടെയോ കളി നടന്നിട്ടുണ്ട്. എന്ന് അങ്ങ് പറയുകയും എഴുതുകയുമുണ്ടായി.
ഞാന്‍ അങ്ങനെയല്ല പറഞ്ഞതും എഴുതിയതും. പ്രോസിക്യൂഷന്‍ ഭാഗത്തു നിന്നും ബോധപൂര്‍വ്വമായ ഒരു നീക്കം ദിലീപിനു ജാമ്യം കിട്ടാന്‍ സഹായിച്ചു എന്നും ഇക്കാര്യം അന്വേഷണ ഉദ്യോഗസ്ഥര്‍ക്ക് അറിയാമായിരുന്നില്ലെന്നും അതറിഞ്ഞ നിമിഷം അവര്‍ വല്ലാതെ അസ്വസ്ഥരായെന്നുമാണ് പറഞ്ഞത്. ഞാന്‍ പറഞ്ഞതു ശരിയാണെന്ന് ഇപ്പോഴും വിശ്വസിക്കുന്നു.
പക്ഷം സിനിമാ വൃത്തങ്ങളില്‍ അതല്ലല്ലോ പറഞ്ഞു കേള്‍ക്കുന്നത്.
നിങ്ങളെന്താണ് കേട്ടത്?
മമ്മൂട്ടി, മഞ്ജു വാര്യര്‍, കെ. ബി. ഗണേഷ് കുമാര്‍, സുരേഷ് ഗോപി എന്നിവരാണ് ദിലീപിന്റെ ജാമ്യത്തിനു വേണ്ടി ശ്രമിച്ചതെന്നും അതിന്‍ പ്രകാരമാണ് ജാമ്യം ലഭിച്ചതെന്നും രഹസ്യമായ പരസ്യമാണ്.
ഈ രഹസ്യമായ അറിവ് നിങ്ങള്‍ക്ക് എവിടെ നിന്നു കിട്ടി?

മഞ്ചേരി ശ്രീധരന്‍ നമ്പ്യാര്‍ മമ്മൂട്ടിയുടെ വക്കീല്‍ ഗുമസ്തനായിരുന്നെന്നും ആ ബന്ധവും പാര്‍ട്ടി ബന്ധവും ഉപയോഗപ്പെടുത്തി ദിലീപിന്റെ ജാമ്യത്തിനു വഴിയൊരുക്കിയത് മമ്മൂട്ടിയാണെന്നും സിനിമാ വൃത്തങ്ങളില്‍ പാട്ടാണ്. മഞ്ജു വാര്യര്‍ മുഖ്യ മന്ത്രിയുമായി സംസാരിച്ചത് മകള്‍ അമ്മയെ വിളിച്ചു കരഞ്ഞതു കൊണ്ടാണെന്നും എത്രയായാലും മകളുടെ ഭാവി തകരാന്‍ ഒരമ്മയും ആഗ്രഹിക്കില്ലെന്നും അതുകൊണ്ട് കേസിനെ ബാധിക്കാത്ത ഒരു കാര്യമായതു കൊണ്ട് മുഖ്യ മന്ത്രിയെ സ്വാധീനിച്ചെന്നും വാര്‍ത്തകളാണ്.
സുരേഷ് ഗോപി എങ്ങനെ ഈ നാടകത്തില്‍ കഥാപാത്രമായി.
സുരേഷ് ഗോപി പ്രധാനമന്ത്രിയുമായി അടുപ്പത്തിലാണല്ലോ. ആ സ്വാധീനം ഉപയോഗിച്ച് പ്രധാനമന്ത്രി ഇടപെട്ടാണ് ജാമ്യം തരപ്പെടുത്തിയത് പോലും.

അപ്പോള്‍ ഗണേശ് കുമാറാണെന്ന് പ്രചാരണമോ?
ഇടതുപക്ഷ ജനാധിപത്യ മുന്നണിയില്‍ ഗണേശിന്റെ പാര്‍ട്ടി ഘടക കക്ഷിയല്ലെങ്കിലും ആ മുന്നണിയിലെ കാന്റിഡേറ്റ് മെമ്പറാണ് ഗണേശിന്റെ പാര്‍ട്ടി. തെരഞ്ഞടുപ്പില്‍ എല്‍ഡിഎഫ് മുന്നണി സ്ഥാനാര്‍ത്ഥിയായാണ് മത്സരിച്ചു ജയിച്ചത്. അതുകൊണ്ടു തന്നെ മുഖ്യ മന്ത്രിയുമായും മുഖ്യ മന്ത്രി അല്ലാതിരുന്നപ്പോഴും പിണറായി വിജയനുമായി ഗണേശ് കുമാറിനു ബന്ധമുണ്ട്. ആ ബന്ധം ഉപയോഗപ്പെടുത്തുകയും വൈകാതെ സിപിഐഎമ്മില്‍ ചേരാമെന്ന് സമ്മതിക്കുകയും ചെയ്തതു പോലും. 85 ദിവസം ജയിലില്‍ കിടന്നതല്ലെ. അതുകൊണ്ട് ജാമ്യം കൊടുത്താലും ആരും ഒന്നും പറയില്ല. ഒടുവില്‍ മുഖ്യമന്ത്രി പച്ചക്കൊടി കാണിച്ചു. ഒന്നു നിര്‍ത്തി അയാള്‍ വീണ്ടും ചോദിച്ചു.salim-PALLISSERY

ഇതില്‍ എന്തെങ്കിലും സത്യമുണ്ടോ?
എനിക്ക് ചിരി വന്നു. നല്ല തമാശ എന്താ ചിരിക്കുന്നത്.
പിന്നല്ലാതെ ദിലീപ് ജാമ്യം കിട്ടി ഇറങ്ങിയപ്പോള്‍ ഇങ്ങനെയൊക്കെ അവകാശപ്പെടുന്നത് കേട്ടാല്‍ ചിരിക്കാതിരിക്കുന്നതെങ്ങനെ. ഒരു കാര്യം മനസിലാക്കണം. ജാമ്യാപേക്ഷ സമയത്ത് ജാമ്യം കൊടുക്കുന്നതിനു വിരോധേമില്ലാത്ത തെളിവുകള്‍ കോടതിക്കു മുന്നില്‍ എത്തി. അതില്‍ കളികള്‍ നടന്നിട്ടുണ്ടെന്ന് ഞാന്‍ പറയുകയും എഴുതുകയും ചെയ്തിരുന്നു. എന്തു കളി നടന്നാലും അതില്‍ കോടതിക്ക് ഒരു പങ്കുമില്ല. തെളിവുകള്‍ മാത്രമേ കോടതി ശ്രദ്ധിക്കാറുള്ളൂ. ശ്രദ്ധിച്ചിട്ടുള്ളൂ.

പിന്നെ താങ്കള്‍ പറഞ്ഞത് സത്യമാണ്. മമ്മൂട്ടിയും പ്രോസിക്യൂട്ടര്‍ മഞ്ചേരി ശ്രീധരന്‍ നമ്പ്യാരും പരിചയക്കാരും ഗുരു ശിഷ്യ ബന്ധമുള്ളവരുമാണ്. അതിന്റെ പേരില്‍ എന്തെങ്കിലും നടന്നിട്ടുണ്ടെന്ന് ഞാന്‍ വിശ്വസിക്കില്ല. അങ്ങനെ സ്വാധിച്ചിരുന്നെങ്കില്‍ വളരെ മുന്‍പ് തന്നെ ദിലീപിന് ജാമ്യം ലഭിക്കുമായിരുന്നില്ലേ? അതുകൊണ്ട് അങ്ങനെ ഒരു റെക്കമന്റേഷന്‍ നടന്നതായി ഞാന്‍ വിശ്വസിക്കില്ല. മാത്രമല്ല മമ്മൂട്ടിയും ദിലീപും തമ്മില്‍ അത്ര നല്ല ബന്ധത്തിലുമല്ല എന്നാണ് അറിയാന്‍ കഴിഞ്ഞത്. എന്നു വിചാരിച്ച് അവര്‍ തമ്മില്‍ ശത്രുതയിലുമല്ല. ദിലീപിന്റെ ജാമ്യത്തിനു കാരണക്കാരന്‍ മമ്മൂട്ടിയാണെന്ന പുറം പറച്ചില്‍ ആസ്വദിക്കുകയാണ് മമ്മൂട്ടി. അതിന്റെ പേരില്‍ നിഷേധിക്കാനോ സമ്മതിക്കാനോ തയ്യാറായില്ലെങ്കിലും വൈക്കം മുഹമ്മദ് ബഷീറിന്റെ കഥാപാത്രത്തെപ്പോലെ അത് ഞമ്മളാ എന്നു പറയുന്നതിലും ഒരു സുഖമുണ്ട്. മമ്മൂട്ടി നിഷേധിക്കാത്ത സമയം വരെ നമുക്കങ്ങനെ കാണാം.

മഞ്ജു വാര്യര്‍ ആ രീതിയില്‍ ഒരിക്കലും സംസാരിക്കാന്‍ ഇടയില്ല. അങ്ങനെ സംസാരിച്ചാല്‍ തന്നെ മുഖ്യമന്ത്രി അതില്‍ ഇടപെടുമെന്ന് ഞാന്‍ വിശ്വസിക്കില്ല. ദിലീപ് അറസ്റ്റ് ചെയ്യപ്പെടുന്നതിന് മുന്‍പ് സത്യം മനസ്സിലാക്കാതെ പറഞ്ഞ ചില കാര്യങ്ങള്‍ക്ക് അനുഭവിക്കേണ്ടി വന്ന നാണക്കേട് ഇപ്പോഴും ബാക്കിയാണ്. അതുകൊണ്ട് അങ്ങനെ സംഭവിക്കാനും സാധ്യതയില്ല.

മറ്റൊരു വാര്‍ത്ത സുരേഷ് ഗോപി എംപി നേരിട്ട് പ്രധാനമന്ത്രിയെ കണ്ട് കൈയോടെ വിളിച്ചു പറിപ്പിച്ച ദിലീപിന് ജാമ്യം കൊടുപ്പിച്ചു പോലും. വൈകിയ വേളയില്‍ സുരേഷ് ഗോപിയെ താഴ്ത്തിക്കെട്ടാന്‍ ആരോ ഇറക്കിയ ഒരു കഥ. അല്ലെങ്കില്‍ സുരേഷ് ഗോപി ഇക്കാര്യം സമ്മതിക്കുകയോ നിഷേധിക്കുകയോ ചെയ്യേണ്ടതല്ലെ?

ഗണേശ് കുമാറും ദിലീപും തമ്മില്‍ മാനസികമായ അടുപ്പമുള്ള ബന്ധമാണ്. അതില്‍ എല്ലാമുണ്ട്. ഗണേശ് ദിലീപിന് വേണ്ടി ചില കാര്യങ്ങളില്‍ ഇടപെട്ടതു സത്യം. ജാമ്യത്തിനും ശ്രമിച്ചിരിക്കാം. മുഖ്യമന്ത്രിയെ സ്വാധീനിക്കാനും ശ്രമിച്ചിട്ടുണ്ടാകാം. എന്നാല്‍ ആ നമ്പറൊന്നും മുഖ്യമന്ത്രിയുടെ അടുത്ത് ചെലവാകില്ല. തനിക്ക് ദോഷമുണ്ടാക്കുന്ന ഒന്നും മുഖ്യമന്ത്രി ഇനി ചെയ്യില്ല. 5 വര്‍ഷക്കാലം കഴിഞ്ഞ് ക്ലീന്‍ ഇമേജുമായി ഇറങ്ങിപ്പോരണം എന്നു മാത്രമേ ആഗ്രഹമുള്ളൂ.

എന്നാല്‍ ദിലീപിന് ജാമ്യം കൊടുക്കുന്നതിനു വേണ്ടി ചില കളികള്‍ നടന്നിട്ടുണ്ട്. അതില്‍ കോടതിക്കു പങ്കില്ല. മറ്റു പലര്‍ക്കും പങ്കുണ്ട്. പണ സ്വാധീനം വരെ അതെല്ലാം അന്വേഷണ വിധേയമാക്കേണ്ടതാണ്. ആ ജോലി ഞാനല്ല ചെയ്യേണ്ടത്. അന്വേഷണം ഉദ്യോഗസ്ഥരാണ്. ജാമ്യം കിട്ടിയപ്പോള്‍ ദിലീപ് പല രീതിയില്‍ ശക്തനായി. ദിലീപിന്റെ ശക്തി തിരിച്ചറിഞ്ഞതു കൊണ്ടാണല്ലോ പലരും ദിലീപ് വിരുദ്ധനാകാതെ ചാനലുകളില്‍ പോലും സോഫ്റ്റായി ദിലീപ് എതിര്‍ പറഞ്ഞത്. പൂര്‍ണ്ണമായും അനുകൂലമായി സംസാരിക്കാന്‍ ഇപ്പോള്‍ ആളെ കിട്ടാതായിരിക്കുന്നു.താങ്കളും ദിലീപ് പക്ഷത്ത് ചേര്‍ന്നോ?manjud

ഞാന്‍ ഒരു നിലപാട് സ്വീകരിച്ചിട്ടുണ്ട്. അത് എന്റെ സ്ഥാപനത്തിന്റെ മാനേജ്‌മെന്റ് തീരുമാനിച്ച നയമാണ് എഴുത്ത് സത്യസന്ധമായിരിക്കണം. വ്യക്തിപരമാകാന്‍ പാടില്ല. ആ നിലപാട് തന്നെയാണ് ഇപ്പോഴും. പലരും മുഖ സ്തുതി പറഞ്ഞു കൊണ്ടിരിക്കുമ്പോഴും സിനിമാ മംഗളം സത്യത്തിന്റെ ഭാഗത്ത് നില്‍ക്കുന്നതും എഴുതുന്നതും കൈകള്‍ ശുദ്ധമായതു കൊണ്ടാണ്.

ദിലീപിനെതിരെ ഗൂഢാലോചന നടന്നിട്ടുണ്ടെന്നും അതെല്ലാം അന്വേഷിക്കണമെന്നു പറഞ്ഞ് എഴുത്തുകാരും സഹ സംവിധായകനുമായ സലിം ഇന്ത്യ പ്രധാനമന്ത്രിയുടെ ഓഫീസിലേക്ക് എഴുതിയിരുന്നു. ഇപ്പോഴിതാ സലിം ഇന്ത്യ നല്‍കിയ പരാതിയുടെ പേരില്‍ നടപടിയെക്കാന്‍ ചീഫ് സെക്രട്ടറി ആഭ്യന്തര വകുപ്പിനോട് ആവശ്യപ്പെട്ടിരുന്നു. ഇക്കാര്യം താങ്കള്‍ക്ക് അറിവുള്ളതല്ലെ. ഇതുകൊണ്ടു എന്തെങ്കിലും ഗുണം നടി ആക്രമിക്കപ്പെട്ട കേസില്‍ ദിലീപിനുണ്ടാകുമോ?

ഒരിക്കലും ഒരു ഗുണവും ഇതുകൊണ്ട് ഉണ്ടാകാന്‍ സാധ്യതയില്ല. എന്നാല്‍ സലിം ഇന്ത്യയുടെ ആത്മാര്‍ത്ഥതയെ ചോദ്യം ചെയ്യുന്നുമില്ല. കാരണം സലിം ഇന്ത്യയുടെ യഥാര്‍ത്ഥ പേര് സലിം കേച്ചേരി എന്നാണ്. സംവിധാന സഹായിയും നല്ല കഥാകാരനുമാണ് ദിലീപുമായി അടുത്ത ബന്ധമൊന്നും ഇല്ലാതിരുന്നിട്ടും ആദ്യമായി സഹായിക്കാന്‍ മുന്നോട്ടു വന്നു. സഹായിക്കുന്നത് ഡേറ്റ് കിട്ടാനാണെങ്കില്‍ തെറ്റി. അത്തരമൊരു സെന്റിമെന്റ്‌സും ദിലീപിനില്ല. ഉണ്ടെങ്കില്‍ തന്നെ ചിലരോട് മാത്രം ആ ചിലരില്‍ തീര്‍ച്ചയായും സലിം ഇന്ത്യ പെടില്ല. സലിം ഇപ്പോള്‍ അതു സമ്മതിച്ചു തരില്ലെങ്കിലും എന്റെ വാക്കും എഴുത്തും തല്‍ക്കാലം മനസ്സില്‍ സൂക്ഷിച്ചോളൂ. എന്നെങ്കിലും ഒരു തുറന്നു പറച്ചില്‍, കുമ്പസാരം സലിം ഇന്ത്യക്ക് നടത്തേണ്ടി വരും. അത് ദിലീപ് വിരുദ്ധവും നടിയോടുള്ള അനുകൂല ഭാഗവും ആയിരിക്കും.

അതൊരു മണ്ടന്‍ ചിന്താഗതിയല്ല. വൈകുന്നേരം വരെ വെള്ളം കോരിയ അനുഭവമാണ് സലിം ഇന്ത്യയുടേത്. ദിലീപിനു വേണ്ടി ആത്മാര്‍ത്ഥമായി പ്രവര്‍ത്തിക്കുന്നു. അങ്ങനെയുള്ള സലിം ദിലീപിന് എതിരാകുമെന്ന് പറയുന്നത് മണ്ടത്തരമല്ലേ?

ഒരു മാധ്യമ പ്രവര്‍ത്തകന്‍ എന്ന നിലയില്‍ ഞാന്‍ പറഞ്ഞത് എന്നെങ്കിലും സത്യമാകും. ഈ കളിയില്‍ സലിം ഇന്ത്യ ദിലീപിന്റെ കളക്കളത്തില്‍ ഉണ്ടാകില്ല. എത്ര കണ്ട് ആത്മാര്‍ത്ഥതയോടെ സലിം കളിച്ചാലും ദിലീപില്‍ നിന്നും ഒരു നന്ദി വാക്കു പോലും ലഭിക്കാന്‍ സാധ്യതയില്ല. അതിമനോഹരമായി ജീവിതത്തില്‍ അഭിനയിക്കുന്ന നടനാണ് ദിലീപ്. ഇതിന്റെ പകുതി അഭിനയം സിനിമയില്‍ ചെയ്തിരുന്നെങ്കില്‍ അവാര്‍ഡ് ലഭിക്കുമായിരുന്നു.

ദിലീപ് പുറത്തിറങ്ങിയ ശേഷം അന്വേഷണ ഉദ്യോഗസ്ഥന്‍ വെള്ളം കുടിക്കുകയാണല്ലോ?
‘ഓഹോ… എത്ര ലിറ്റര്‍ കുടിച്ചൂ? കണക്കെടുക്കാമായിരുന്നില്ലേ”
പരിഹസിക്കണ്ട. കേസിലെ നിര്‍ണ്ണായക സാക്ഷികള്‍ കൂറുമാറിയില്ലെ. ഇനിയും പലരും മാറും. മാത്രമല്ല. കാവ്യാമാധവനും സിദ്ദിഖും നാദിര്‍ഷായും റിമി ടോമിയും വിചാരണ വേളയില്‍ മൊഴിമാറ്റി പറയുമെന്നും കേള്‍ക്കുന്നു. ഈ കേസ് അങ്ങനെ ഇല്ലാതാകുകയും അല്ലെ.

ആരൊക്കെ കൂറുമാറിയാലും മൊഴി മാറ്റി പറഞ്ഞാലും അന്വേഷണ ഉദ്യോഗസ്ഥന്‍ ആത്മ വിശ്വാസമുള്ളവരാണ്. പ്രധാനപ്പെട്ട തെളിവുകളും സാക്ഷികളും അവരുടെ കയ്യില്‍ ഇപ്പോഴുമുണ്ട്. അതാര്‍ക്കു മുന്നിലും വെളിപ്പെടുത്തിയിട്ടില്ല. ഒരു കാര്യം ഓര്‍ക്കുക സുഹൃത്തെ, മൈതാനം നിറഞ്ഞു കളിച്ചാലും ദിലീപിന് ഗോളടിക്കാനറിയില്ല. അവസാന നിമിഷം തുടരെ തുടരെ ഗോളടിച്ച് ജയിക്കുന്നത് അന്വേഷണ ഉദ്യോഗസ്ഥരായിരിക്കും.

മഞ്ജു വാര്യര്‍ സാക്ഷിയാകാന്‍ ഇല്ലെന്നു പറഞ്ഞത് കേസിന്റെ ശക്തി കുറയിക്കില്ലെ.
മഞ്ജു വാര്യര്‍ പറയേണ്ട കാര്യങ്ങള്‍ പറഞ്ഞിട്ടുണ്ട്. സാക്ഷിയായില്ലെങ്കിലും ആവശ്യമെങ്കില്‍ കോടതി വിളിച്ചാല്‍ പോകാതിരിക്കാന്‍ പറ്റുമോ? അതൊക്കെ കുറ്റപത്രം സമര്‍പ്പിച്ച ശേഷമുള്ള കാര്യങ്ങള്‍.
മഞ്ജു വാര്യരുടെ മനം മാറ്റത്തിനുള്ള കാരണമെന്താണ്?
എന്റെ അറിവില്‍ അങ്ങനെയൊന്നും ഇല്ല. സംശയുണ്ടെങ്കില്‍ നേരിട്ട് ചോദിച്ചേക്ക്.
അതെന്തൊരു വര്‍ത്തമാനാണ്, സാറെന്തിനാ ചൂടാകുന്നത്? മഞ്ജു വാര്യര്‍ സാക്ഷി പറയാന്‍ വന്നാല്‍ ദിലീപിന്റെ വക്കീല്‍ കോടതിയില്‍ വച്ച് ചോദ്യങ്ങള്‍ ചോദിച്ച് കരയിക്കുമത്രെ.
ഇത്രയും കൃത്യമായ വിവരം എങ്ങനെ കിട്ടി.
സാറിനു കിട്ടുന്നത് പോലെ ഇതൊക്കെ അറിയാന്‍ ഞങ്ങള്‍ക്കു സോഴ്‌സുകളുണ്ട്. ശരിയാണോ സാറേ. മഞ്ജു വാര്യരെക്കുറിച്ചുള്ള ഒരു ബോംബ് ദിലീപിന്റെ വശം ഉണ്ടു പോലും.
ഉവ്വ്, ഒരു കടലാസ് ബോംബ് അതു പൊട്ടിയാല്‍ ലോകം തന്നെ നശിക്കും.
സാറ് കളിയാക്കി കൊണ്ടിരുന്നോ… ഞാന്‍ പറഞ്ഞില്ലാന്നു വേണ്ട ആമയും മുയലും ഓടിയതു പോലെ ഇവിടെ ദീലിപെന്ന ആമ ജയിച്ചേക്കും.
ഒരു തെറ്റിദ്ധാരണയുടെ കഥയാണത്. മുയല്‍ തന്നെയാണ് അന്നും ജയിച്ചത്. ഇവിടെയും മുയല്‍ തന്നെ ജയിക്കും. നമുക്കു കാത്തിരിക്കാം. എന്താ?
ഒരു ചോദ്യം കൂടി..
ഇപ്പോള്‍ മിക്ക മാധ്യമ പ്രവര്‍ത്തകരും ചാനലുകാരും ദിലീപ് പുറത്തിറങ്ങിയ ശേഷം സ്തുതിഗീതം പാടുകയാണെന്നറിഞ്ഞില്ലെ.
അവരുടെ കാര്യം എന്നോടു ചോദിക്കണ്ട.. എന്റെ കാര്യം ചോദിക്കൂ പറയാം.
എന്നാണ് സാറും ദിലീപും മുഖാമുഖം കാണുന്നതും അഭിമുഖം ചെയ്യുന്നതും.
ഇന്റര്‍വ്യൂ എടുത്ത ശേഷം പറയാം. ഇപ്പോള്‍ ഡേറ്റ് പറഞ്ഞാല്‍ സസ്‌പെന്‍സ് പോകും.
ഒരു സംശയം, ദിലീപിന്റെ സിനിമകളെക്കുറിച്ച് ഇനി എഴുതില്ലേ?
തീര്‍ച്ചയായും എഴുതും രാമലീലയെക്കുറിച്ച് ഈ കേസിനിടയില്‍ തന്നെയാണ് പ്രസിദ്ധീകരിച്ചത്. കേസും സിനിമാ ഷൂട്ടിംഗും തമ്മില്‍ ബന്ധമില്ല. സംശയമുണ്ടെങ്കില്‍ സിനിമം മംഗളം വരും ലക്കങ്ങള്‍ ശ്രദ്ധിച്ചോളൂ.
മറു തലയ്ക്കല്‍ നിന്നും ചിരി, പിന്നെ സ്വയമെന്നപോലെ പറയുന്നതു കേട്ടു. ഇതുവരെ ഞാന്‍ വിചാരിച്ചത് ദിലീപാണ് കുള്ളനു കഞ്ഞിവെച്ചവന്‍ എന്നായിരുന്നു എന്നാല്‍ ആ സ്ഥാനം ഇപ്പോള്‍ ദിലീപിന്റെ എതിരാളിക്കാണ്.

Article

ഉമ്മയുടെ നിലവിളി എന്റെ കാതുകളില്‍ നിന്നൊഴിയുന്നില്ല; പറയൂ സഖാക്കളേ എന്തിനായിരുന്നു നിങ്ങള്‍ അവനെ കൊന്നു കളഞ്ഞത്? ഷുക്കുറിന്റെ സഹോദരന്‍ ദാവൂദ് അരിയില്‍ എഴുതുന്നു

Published

on

ഉമ്മയുടെ നിലവിളി എന്റെ കാതുകളില്‍ നിന്നൊഴിയുന്നില്ല. ഒപ്പം എന്റെ പൊന്നനിയനെ രക്ഷിക്കാനാകാത്തതിന്റെ കഴിവുകേടില്‍ ഞാന്‍ വെന്തുരുകുന്നു ഇപ്പോഴും. എന്റെ അനുജനും ഒരു വേള കരുതിയിരിക്കാം, ചേട്ടന്‍ പത്രപ്രവര്‍ത്തകനല്ലേ, സി പി എമ്മിന്റെ നേതാക്കളെപോലും പരിചയമുണ്ടാകില്ലേ, അങ്ങനെയെങ്കിലും രക്ഷപ്പെടുത്തുമെന്ന്…

കടുത്ത മാനസികസംഘര്‍ഷത്തിലൂടെ കടന്നുപോയിട്ടും മനുഷ്യത്വത്തിന്റെ ഒരു തരിമ്പുപോലും അവര്‍ എന്നോടും കുടുംബത്തോടും കാട്ടിയില്ലെന്ന് ഓര്‍ക്കുമ്പോള്‍…. ഞങ്ങളുടെ ഉപ്പ ഒരു ഉത്തമകമ്മ്യൂണിസ്റായി ജീവിച്ച് മരിച്ച ആളായിരുന്ന കാര്യം ഇപ്പോഴുള്ള സിപിഎം കാര്‍ക്കറിയാമോ? പാര്‍ട്ടിയിലെ പഴയ തലമുറയിലെ ആരെങ്കിലും അതോര്‍മ്മിപ്പിച്ചെങ്കില്‍ അവനെ ഇങ്ങനെ ചെയ്യില്ലായിരുന്നു..

പി ജയരാജന്റെ കാറിനുനേരെ അക്രമം നടത്തിയവരാണെന്നും തോണിയില്‍ രക്ഷപ്പെടുന്ന ഇവര്‍ അരിയില്‍ സ്വദേശികളല്ലെന്നും പറഞ്ഞായിരുന്നു അവരെ തടഞ്ഞുവെച്ചത്. തടഞ്ഞുവെക്കപ്പെട്ട സക്കറിയയും ഹാരിസും എന്നെ വിളിച്ചു. ഏതെങ്കിലും സി പി എം പ്രാദേശിക നേതാക്കളെ വിളിച്ചാല്‍ ഞങ്ങള്‍ക്ക് രക്ഷപ്പെടാന്‍ പറ്റുമെന്നും തളിപ്പറമ്പിലെ പ്രശ്നത്തില്‍ ഉണ്ടെന്ന് കരുതിയാണ് അവര്‍ ഞങ്ങളെ തടഞ്ഞുവെച്ചതെന്നും പറഞ്ഞു.

വീട്ടിലേക്ക് കയറിചെന്നപ്പോള്‍ ഉച്ചയൂണ് ശരിയാക്കി വെച്ച് ഉമ്മ കാത്തിരിപ്പായിരുന്നു. എവിടെ ഷുക്കൂര്‍ അവനെ കാണാനില്ലല്ലോ എന്ന് ചോദിച്ചപ്പോള്‍ ഞാന്‍ ഉമ്മയോട് ചെറുതായി കാര്യം സൂചിപ്പിച്ചു. അപ്പുറത്ത് സി പി എമ്മുകാര്‍ അവനെയും കൂട്ടുകാരെയും തടഞ്ഞുവെച്ചിരിക്കയാണ്. ബേജാറാകേണ്ട. അവര്‍ അവനെ ഒന്നും ചെയ്യില്ല. അവന്‍ നിരപരാധിയാണെന്ന് മനസ്സിലാ യാല്‍ പെട്ടെന്ന് വിടും. അതിനുവേണ്ടിയുള്ള ഇടപാടുകളൊക്കെ ചെയ്യുന്നുണ്ട്. ഭക്ഷണം കഴിക്കാന്‍ നിര്‍ബന്ധിച്ചെങ്കിലും അതിനു നില്‍ക്കാതെ വെറും വെള്ളം മാത്രം കുടിച്ച് പുറത്തേക്കിറങ്ങി.

അക്കരെ അഞ്ചു പേരെ ബന്ദിയാക്കിയ സമയത്തുതന്നെ ഇപ്പുറത്ത് ബോംബും പൊട്ടിയത് അത്ര നല്ല ലക്ഷണമല്ലെന്ന് എനിക്ക് തോന്നി. അതോടെ എന്നില്‍ അതുവരെയുണ്ടായിരുന്ന ആത്മവിശ്വാസത്തിന് പോറലേല്‍ക്കാന്‍ തുടങ്ങി. ഇപ്പുറത്ത് ഭീതി പരത്തുന്നെങ്കില്‍ അവിടെയുള്ള കുട്ടികള്‍ക്ക് എന്തോ അപകടം വരാന്‍ സാധ്യതയുണ്ടെന്ന ആശങ്ക ഉയര്‍ന്നു. മനസ്സ് വല്ലാതെ പിടഞ്ഞുകൊണ്ട് രാജീവന്റെ നമ്പര്‍ സംഘടിപ്പിക്കാനായി മറ്റു ചിലരെയും കൂട്ടി കടയുടെ ഭാഗത്തേക്ക് നടന്നു.

വൈകീട്ടോടെ ഷുക്കൂറിന്റെ വാര്‍ത്തയും എന്റെ ചെവിയില്‍ എത്തി. പിന്നെ തലയ്ക്കുള്ളില്‍ ഒന്നും പ്രവര്‍ത്തിക്കാതായി. വല്ലാത്ത പിടച്ചില്‍ നെഞ്ചിനുള്ളില്‍. അതാകട്ടെ പുറത്തുകാണിക്കാനും പറ്റില്ല. വീട്ടില്‍ ഉമ്മയുണ്ട്. ഉമ്മ ഇടയ്ക്കിടക്ക് കാര്യങ്ങള്‍ തിരക്കുന്നു. എന്തൊക്കെയോ കളവ് ഉമ്മയുടെ മുഖത്ത് നോക്കി പറയുമ്പോള്‍ ഞാന്‍ കുഴഞ്ഞുവീഴുമോ എന്ന് സംശയിച്ചു. സഹോദരി ഫാത്തിമ രണ്ടു ദിവസം മുമ്പായിരുന്നു ഭര്‍ത്താവിന്റെ വീട്ടിലേക്ക് പോയത്. അതിനാല്‍ ഉമ്മയും രണ്ടാമത്തെ അനുജന്‍ ഷഫീഖും മാത്രമാണ് വീട്ടിലുള്ളത്. ഉമ്മ വീണ്ടും ചോദിച്ചപ്പോള്‍ അവന് ചെറിയ പരുക്കുണ്ടെന്നും മംഗലാപുരം ആശുപത്രിയിലാണുള്ളതെന്നും പറഞ്ഞു.

എന്റെ ഉപ്പയും സഹോദരങ്ങളുമൊക്കെ കമ്യൂണിസ്റുകാരായിരുന്നു. പള്ളിയില്‍ പോലും പോകാതെ കമ്യൂണിസ്റ് ശൈലിയില്‍ ജീവിച്ചവര്‍. മത്സ്യബന്ധനം നടത്തി അരിഷ്ടിച്ച് ജീവിച്ച പുതിയ പറമ്പത്ത് മുഹമ്മദിന്റെ മകനെയാണ് ഇവര്‍ കൊന്നതെന്ന് ഓര്‍ക്കണം. ഇപ്പോഴത്തെ എത്ര പാര്‍ട്ടിക്കാര്‍ക്കറിയാം എന്റെ ഉപ്പ മുഹമ്മദിനെ. ഈ ഞാനും എസ് എസ് എസ് എല്‍സി പഠനം വരെ എസ് എഫ് ഐ ആയിരുന്നു. പിന്നീടാണ് ഞാന്‍ എം എസ് എഫ് പ്രവര്‍ത്തകനായത്. ഇപ്പോള്‍ ലീഗ് അനുഭാവി എന്നതിലപ്പുറം ഞാനൊരു സജീവരാഷ്ട്രീയപ്രവര്‍ത്തകനല്ല.

ഷുക്കൂറാകട്ടെ എം എസ് എഫ് പ്രവര്‍ത്തനത്തോടൊപ്പം വിദ്യാഭ്യാസപരമായി പിന്നാക്കം നില്‍ക്കുന്നവരുടെ ഉന്നമനത്തിനായി ഏറെ പ്രവര്‍ത്തിക്കാറുണ്ട്. അവന്റെ പിന്നാലെ കുറെ നല്ല ചെറുപ്പക്കാര്‍ മാന്യമായ നിലയില്‍ ഇത്തരം ഇടപെടലിന് കൂട്ടായുണ്ട്. എസ് എസ് എല്‍ സി തത്തുല്യപരീക്ഷയ്ക്ക് പലരെയും പേര് ചേര്‍ത്ത് അവരെ പരീക്ഷ എഴുതിക്കുന്നതിന് അവന്‍ നേതൃത്വം നല്‍കി. എസ് എസ് എല്‍ സിക്ക് പഠിക്കുന്ന നിര്‍ദ്ദനരായ 39 കുട്ടികള്‍ക്ക് നൈറ്റ് ക്ളാസ് നല്‍കുന്നതും ഷുക്കൂറിന്റെ നേതൃത്വത്തിലായിരുന്നു. അവരുടെ രക്ഷിതാക്കള്‍ക്കും ക്ളാസ് നല്‍കിയിരുന്നു. ദൂരസ്ഥലത്തുനിന്ന് അതിനായി അദ്ധ്യാപകനെ അവന്‍ മോട്ടോര്‍ബൈക്കിലാണ് കൊണ്ടുവരാറും തിരിച്ച് കൊണ്ടുവിടാറും. എല്‍ ഡി ക്ളാര്‍ക്ക് പരീക്ഷ എഴുതിക്കാനായി അഞ്ചെട്ടു കുട്ടികളെ ഇവിടുന്ന് അപേക്ഷ അയപ്പിച്ചിട്ടുണ്ട്.

എം എസ് എഫ് തളിപ്പറമ്പ് മണ്ഡലം ട്രഷറര്‍ ആയതുകൊണ്ടുമല്ല അവന്‍ കൊല്ലപ്പെട്ടത്( വെറും 12 മണിക്കൂര്‍ മുമ്പ് മാത്രമാണ് അവന്‍ ആ പദവിയിലെത്തിയത്) അവന്റെ സാമൂഹ്യ ഇടപെടലിനെയാകും അവര്‍ ഭയപ്പെട്ടത്. അവനെ ഇല്ലാതാക്കിയാല്‍ ഇവിടുത്തെ ലീഗ് പ്രവര്‍ത്തനം നിശ്ചലമാക്കാമെന്നായിരിക്കും അവരുടെ ചിന്ത.

അവന്റെ ഡയറിയിലെ ആദ്യഭാഗത്തുതന്നെ എഴുതിയ കുറിപ്പ് മതി അവനെന്താണെന്ന് വ്യക്തമാകാന്‍. ‘ഇരുട്ടിനെ ശപിക്കുന്നതിനേക്കാള്‍ നല്ലത് ഒരു മെഴുകുതിരിയെങ്കിലും കത്തിച്ചുവെക്കുന്നതാണ് എന്ന ആംനെസ്റിയുടെ വാചകമായിരുന്നു ഡയറിയുടെ ഒന്നാം പേജിലുണ്ടായിരുന്നത്. നന്മ ചെയ്തവനുള്ള പ്രതിഫലം ദൈവം എവിടെവച്ചെങ്കിലും കൊടുക്കുമായിരിക്കും എന്ന മതവിശ്വാസമാണ് ഞങ്ങളെ ഇപ്പോള്‍ സഹനത്തിലേക്ക് നയിക്കുന്നത്. അല്ലെങ്കിലും ഈ ജീവിതം തന്നെ ഒരു വഴിയമ്പലവും വിശ്രമകേന്ദ്രവുമല്ലേ.

‘നിങ്ങള്‍ മാന്യന്മാരായ കുറേ ആളുകള്‍ പറഞ്ഞിട്ടും എന്റെ മോനെ രക്ഷിക്കാനായില്ല. ഇതറിഞ്ഞെങ്കില്‍ ഞാന്‍ പോകുമായിരുന്നു അക്കരേയ്ക്ക്. ഞാന്‍ കേണപേക്ഷിച്ചിരുന്നെങ്കില്‍ അവനെ അവര്‍ വെറുതെ വിടില്ലായാരുന്നോ…. മുറവിളി കൂട്ടിക്കൊണ്ടിരിക്കെ ഉമ്മയുടെ ഹൃദയത്തില്‍ നിന്ന് ചാടിവീണ ആ വാക്കുകള്‍ ഇപ്പോഴും ഉറക്കം കെടുത്തുകയും നിരന്തരം മുറിവേല്‍പ്പിക്കുകയും ചെയ്യുന്നു. ഒരു മാധ്യമപ്രവര്‍ത്തകന്റെ എല്ലാ സ്വാതന്ത്യ്രവും പിടിപാടും സമൂഹത്തെക്കുറിച്ചുള്ള കാഴ്ചപ്പാടും വച്ചുകൊണ്ട് ഞാന്‍ പറഞ്ഞിരുന്നു ഉമ്മയോട്. അവനെ അവരൊന്നും ചെയ്യില്ലെന്ന്. ഉമ്മാ അപ്പുറത്തുള്ളവര്‍, കീഴറയിലുള്ളവര്‍ നല്ല വിവരമുള്ളവരാണ്. ഒരുപാട് വായനശാലകള്‍ അവിടെയുണ്ട്. അവന്‍ നിരപരാധിയാണെന്ന് മനസ്സിലായാല്‍ അവര്‍ അവനെ വെറുതെ വിടും. അതിനുവേണ്ട ആളുകളെയൊക്കെ ഞാന്‍ വിളിക്കുന്നുണ്ട് എന്നൊക്കെ..

കെഞ്ചിനോക്കിയിട്ടും പൊന്നനിയനെ വിട്ടില്ല

പ്രതീക്ഷകളെയെല്ലാം ചവുട്ടിയെരിച്ചാണ് അവര്‍ അവനെ ഇല്ലാതാക്കിയത്. അന്ന് ഞാന്‍ പറഞ്ഞ കാര്യങ്ങള്‍ ഉള്ളില്‍ വച്ചായിരുന്നു മൃതദേഹത്തിനു മുന്നില്‍ വച്ച് ഉമ്മ പറഞ്ഞത്. ഉമ്മയുടെ നിലവിളി എന്റെ കാതുകളില്‍ നിന്നൊഴിയുന്നില്ല. ഒപ്പം എന്റെ പൊന്നനിയനെ രക്ഷിക്കാനാകാത്തതിന്റെ കഴിവുകേടില്‍ ഞാന്‍ വെന്തുരുകുന്നു ഇപ്പോഴും. എന്റെ അനുജനും ഒരു വേള കരുതിയിരിക്കാം, ചേട്ടന്‍ പത്രപ്രവര്‍ത്തകനല്ലേ, സി പി എമ്മിന്റെ നേതാക്കളെപോലും പരിചയമുണ്ടാകില്ലേ, അങ്ങനെയെങ്കിലും രക്ഷപ്പെടുത്തുമെന്ന്… ഒന്നു കൂടി എന്തെങ്കിലും തരത്തില്‍ ഞാന്‍ ഇടപെട്ടിരുന്നെങ്കില്‍ അവനെ രക്ഷിക്കാന്‍ കഴിയുമായിരുന്നോ?

ഇത്രമാത്രം സംസ്‌ക്കാരശൂന്യരായിരുന്നോ സി പി എമ്മുകാര്‍ എന്ന് ഞാന്‍ കരുതിയിരുന്നില്ല അതുവരെ. പക്ഷെ ഇത്ര വലിയ അനുഭവം എന്റെ മുന്നിലേക്ക് വന്നുപെട്ടതോടെ പല ബോധ്യവും പൊളിഞ്ഞുവീണു. കടുത്ത മാനസികസംഘര്‍ഷത്തിലൂടെ കടന്നുപോയിട്ടും മനുഷ്യത്വത്തിന്റെ ഒരു തരിമ്പുപോലും അവര്‍ എന്നോടും കുടുംബത്തോടും കാട്ടിയില്ലെന്ന് ഓര്‍ക്കുമ്പോള്‍…. ഞങ്ങളുടെ ഉപ്പ ഒരു ഉത്തമകമ്മ്യൂണിസ്റായി ജീവിച്ച് മരിച്ച ആളായിരുന്ന കാര്യം ഇപ്പോഴുള്ള സി പി എം കാര്‍ക്കറിയാമോ? പാര്‍ട്ടിയിലെ പഴയ തലമുറയിലെ ആരെങ്കിലും അതോര്‍മ്മിപ്പിച്ചെങ്കില്‍ അവനെ ഇങ്ങനെ ചെയ്യില്ലായിരുന്നു…

ഷുക്കൂറിനെയും മറ്റു നാലുപേരെയും അക്കരെ വള്ളുവന്‍കടവില്‍ ബന്ദിയാക്കിയെന്ന വിവരം അറിഞ്ഞ നിമിഷം മുതല്‍ ഏകദേശം ഒന്നര മണിക്കൂറോളം ഞാനനുഭവിച്ച വേദന എഴുത്തിലൂടെ പരിഭാഷപ്പെടുത്താന്‍ ഏറെ പരിമിതിയുണ്ട്. മരണത്തിനും ജീവിതത്തിനും ഇടയിലൂടെ നൂല്‍പ്പാലം കെട്ടി, അതിലൂടെയുള്ള ഓട്ടത്തില്‍ പലരോടും കാലു പിടിക്കുന്ന തരത്തില്‍ കെഞ്ചിനോക്കി. ഒരു ഗുണവുമുണ്ടായില്ല.

രാവിലെ 11.30 ഓടെയാണ് ഷുക്കൂര്‍ വീട്ടില്‍ നിന്ന് യാത്രയായത്. സുഹൃത്തുക്കള്‍ ചിലര്‍ കണ്ണപുരത്തേക്ക് തോണിയില്‍ പോകുന്നത് കണ്ട് അതിലേക്ക് കയറാന്‍ പോകുമ്പോഴാണ് ഞാന്‍ കണ്ടത്. എവിടേക്കാണെന്ന് ചോദിച്ചപ്പോള്‍ ‘സപ്ളിമെന്ററി പരീക്ഷയ്ക്ക് അപേക്ഷ കൊടുക്കണം എന്ന് മാത്രമാണ് മറുപടി. അങ്ങനെയാണ് അവന്റെ സംസാരരീതി. എല്ലാം ഷാര്‍പ്പായി പറയും. അമിതമായി പറയുകയുമില്ല. ഞാന്‍ നിരുത്സാഹപ്പെടുത്തിയില്ല. അവന്‍ ബി എ അറബിക്ക് പൂര്‍ത്തിയാക്കിയതാണ്. എന്നാല്‍ സെക്കന്റ് ലാഗ്വേജ് കിട്ടിയിരുന്നില്ല. ഒരു തവണ സപ്ളിമെന്ററി എഴുതിയെങ്കിലും തോറ്റു. അത് വീണ്ടും എഴുതിയാലേ എന്തെങ്കിലും തരത്തില്‍ അവന്‍ രക്ഷപ്പെടൂ. അപേക്ഷിക്കാനുള്ള അവസാന തിയ്യതി ഫെബ്രുവരി 23 ആയിരുന്നു.

അരിയില്‍ പള്ളിക്കുസമീപം അപ്പോള്‍ പി ജയരാജന്റെ കാറിനുനേരെ ആക്രമണം നടന്നെന്ന വാര്‍ത്ത അറിഞ്ഞതിനാലാണ് തളിപ്പറമ്പിലേക്ക് പോകാതെ ചെറുകുന്നിലേക്ക് പോകാന്‍ തീരുമാനിച്ചത്. വള്ളുവന്‍കടവില്‍ തോണിയിറങ്ങിയാല്‍ കീഴറയില്‍നിന്ന് ചെറുകുന്നിലേക്ക് ബസ്സുണ്ടാകും. സുഹൃത്തുക്കള്‍ മറ്റെന്തോ ആവശ്യാര്‍ത്ഥം ചെറുകുന്നിലേക്ക് പോകുകയാണ്. ഒപ്പമുണ്ടായിരുന്ന അയൂബിന് ചെറുകുന്ന് മിഷന്‍ ആശുപത്രിയിലും പോകണം. എന്നാല്‍ മൂന്ന് പേര്‍ക്ക് പോകാന്‍ കഴിയുന്ന തോണിയില്‍ അവര്‍ അഞ്ചു പേര്‍ പോകുമ്പോള്‍ എന്തോ തടസ്സം പറയണമെന്ന് എന്റെ മനസ്സ് ആഗ്രഹിച്ചിരുന്നു. യാത്ര മുടക്കേണ്ടെന്നതിനാല്‍ അത് പറഞ്ഞില്ല.

പിന്നീട് അര മണിക്കൂറെങ്കിലും കഴിഞ്ഞ് കാണും. അവിടെയുള്ള ഷുക്കൂറിന്റെ സുഹൃത്തുക്കള്‍ പറഞ്ഞു നമ്മുടെ ഷുക്കൂറിനെയും മറ്റു നാലുപേരെയും അപ്പുറത്ത് സി പി എമ്മുകാര്‍ ഒരു വീട്ടില്‍ ബന്ദിയാക്കിയിരിക്കയാണെന്ന്. പി ജയരാജന്റെ കാറിനുനേരെ അക്രമം നടത്തിയവരാണെന്നും തോണിയില്‍ രക്ഷപ്പെടുന്ന ഇവര്‍ അരിയില്‍ സ്വദേശികളല്ലെന്നും പറഞ്ഞായിരുന്നു അവരെ തടഞ്ഞുവെച്ചത്. തടഞ്ഞുവെക്കപ്പെട്ട സക്കറിയയും ഹാരിസും എന്നെ വിളിച്ചു. ഏതെങ്കിലും സി പി എം പ്രാദേശിക നേതാക്കളെ വിളിച്ചാല്‍ ഞങ്ങള്‍ക്ക് രക്ഷപ്പെടാന്‍ പറ്റുമെന്നും തളിപ്പറമ്പിലെ പ്രശ്നത്തില്‍ ഉണ്ടെന്ന് കരുതിയാണ് അവര്‍ ഞങ്ങളെ തടഞ്ഞുവെച്ചതെന്നും പറഞ്ഞു. മാധ്യമപ്രവര്‍ത്തകന്‍ എന്ന നിലയില്‍ ടി വി രാജേഷ് എം എല്‍ എ യെ പരിചയമുണ്ട്. രാജേഷിനെ വിളിച്ചാലോ എന്ന് ആദ്യം ആലോചിച്ചെങ്കിലും അത് വേണ്ടെന്ന് സ്വയം തീരുമാനമെടുത്തു. പ്രാദേശിക സി പി എമ്മുകാരെ ബന്ധപ്പെടാമെന്ന് കരുതി.

ഉമ്മയോട് കാര്യം പറയാതെ വീട്ടില്‍ നിന്ന് ഇറങ്ങി. അടുത്ത വീട്ടിലെത്തി ചില നാട്ടുകാരുമായി കാര്യം ചര്‍ച്ച ചെയ്തു. മത്സ്യത്തൊഴിലാളിയായ പവിത്രേട്ടന്‍ സി പി എം അനുഭാവിയും വള്ളുവന്‍കടവ് സ്വദേശിയുമാണ്. അവിടത്തുകാരുമായി നല്ല ബന്ധമാണ്. സുഹൃത്തുക്കള്‍ വഴി അദ്ദേഹവുമായി ബന്ധപ്പെട്ടു. അദ്ദേഹം ശ്രമിക്കാമെന്ന് പറഞ്ഞു. വലിയ പ്രതീക്ഷയാണ് പവിത്രേട്ടന്റെ വാക്കുകളില്‍ കണ്ടത്. 15 മിനിട്ടിനു ശേഷം അദ്ദേഹത്തെ ബന്ധപ്പെട്ടു. കാര്യം പറഞ്ഞിട്ടുണ്ടെന്നും വിടുമോ എന്ന് അറിയില്ലെന്നുമുള്ള നിസ്സഹായ മറുപടിയായിരുന്നു പിന്നീട് കിട്ടിയത്. അതോടെ അടുത്ത ഇടപെടലിനെക്കുറിച്ചായി ആലോചന.

ഉച്ചയൂണ് വിളമ്പി ഉമ്മ കാത്തിരുന്നു

വീട്ടിലേക്ക് കയറിചെന്നപ്പോള്‍ ഉച്ചയൂണ് ശരിയാക്കി വെച്ച് ഉമ്മ കാത്തിരിപ്പായിരുന്നു. എവിടെ ഷുക്കൂര്‍ അവനെ കാണാനില്ലല്ലോ എന്ന് ചോദിച്ചപ്പോള്‍ ഞാന്‍ ഉമ്മയോട് ചെറുതായി കാര്യം സൂചിപ്പിച്ചു. അപ്പുറത്ത് സി പി എമ്മുകാര്‍ അവനെയും കൂട്ടുകാരെയും തടഞ്ഞുവെച്ചിരിക്കയാണ്. ബേജാറാകേണ്ട. അവര്‍ അവനെ ഒന്നും ചെയ്യില്ല. അവന്‍ നിരപരാധിയാണെന്ന് മനസ്സിലായാല്‍ പെട്ടെന്ന് വിടും. അതിനുവേണ്ടിയുള്ള ഇടപാടുകളൊക്കെ ചെയ്യുന്നുണ്ട്. ഭക്ഷണം കഴിക്കാന്‍ നിര്‍ബന്ധിച്ചെങ്കിലും അതിനു നില്‍ക്കാതെ വെറും വെള്ളം മാത്രം കുടിച്ച് പുറത്തേക്കിറങ്ങി.

അതിനിടയില്‍ വിവരമറിഞ്ഞ് ലീഗിന്റെ പ്രാദേശികനേതാവ് വിളിച്ചു. പൊലീസിനെ വിളിക്കണോ എന്ന് അദ്ദേഹം ചോദിച്ചെങ്കിലും രക്ഷപ്പെടാനുള്ള ചില വഴികള്‍ തേടുന്നുണ്ടെന്ന് ഞാന്‍ അറിയിച്ചു. അക്കരെയുള്ള പല സി പി എം അനുഭാവികളെയും അതിനകം ബന്ധപ്പെടുന്നുണ്ടായിരുന്നു. അപ്പോഴാണ് ഷുക്കൂറിന്റെ വിളി വരുന്നത്. ഞങ്ങളെ ഇറക്കുന്ന കാര്യം എന്തായെന്നും സി പി എം അനുഭാവിയായ രാജീവേട്ടനെ വിളിക്കണമെന്നുമാണ് അവന്‍ പറഞ്ഞത്. ചെറുകുന്ന് പഞ്ചായത്ത് വൈസ്പ്രസിഡന്റിന്റെ നമ്പര്‍ അവന് കൊടുത്തു. ദാവൂദിന്റെ സഹോദരനാണെന്ന് പറഞ്ഞ് വിളിച്ചാല്‍ മതിയെന്നും പറഞ്ഞു. അദ്ദേഹം സി പി എമ്മുകാരനാണ്. (അവന്‍ അദ്ദേഹത്തെ വിളിച്ചിരുന്നോ, എന്തായിരുന്നു മറുപടി എന്ന് അറിയില്ല) രാജീവന്‍ ചെമ്മീന്‍ കെട്ട് നടത്തുന്ന സി പി എം അനുഭാവിയാണ്. ഇന്നാട്ടുകാരുമായി നല്ല ആത്മബന്ധമുള്ളയാളാണ്. അക്കരെയുള്ള സി പി എമ്മുമാകാരുമായും നല്ല ബന്ധമാണയാള്‍ക്ക്. രാജീവന്റെ ഫോണ്‍ നമ്പര്‍ സംഘടിപ്പിക്കലായി അടുത്ത നീക്കം.

അതിനായി ധര്‍മ്മക്കിണറിനു സമീപത്തെ ചാലില്‍ ഇബ്രാഹിമിന്റെ വീട്ടില്‍ ലാന്റ്ഫോണില്‍ വിളിച്ചു. അദ്ദേഹത്തിന്റെ ഉമ്മയാണ് ഫോണ്‍ എടുത്തതെങ്കിലും അവര്‍ എറെ ഭീതിയോടെയാണ് സംസാരിച്ചത് പുറത്ത് ബോംബ് പൊട്ടിയിട്ടുണ്ടെന്നും മറ്റും പറഞ്ഞ് അവര്‍ നിലവിളിക്കാന്‍ തുടങ്ങിയതോടെ ഞാന്‍ ഫോണ്‍ വച്ചു.

കടവിലേക്ക് മടങ്ങിവരാത്ത രാജീവന്‍

അക്കരെ അഞ്ചു പേരെ ബന്ദിയാക്കിയ സമയത്തുതന്നെ ഇപ്പുറത്ത് ബോംബും പൊട്ടിയത് അത്ര നല്ല ലക്ഷണമല്ലെന്ന് എനിക്ക് തോന്നി. അതോടെ എന്നില്‍ അതുവരെയുണ്ടായിരുന്ന ആത്മവിശ്വാസത്തിന് പോറലേല്‍ക്കാന്‍ തുടങ്ങി. ഇപ്പുറത്ത് ഭീതി പരത്തുന്നെങ്കില്‍ അവിടെയുള്ള കുട്ടികള്‍ക്ക് എന്തോ അപകടം വരാന്‍ സാധ്യതയുണ്ടെന്ന ആശങ്ക ഉയര്‍ന്നു. മനസ്സ് വല്ലാതെ പിടഞ്ഞുകൊണ്ട് രാജീവന്റെ നമ്പര്‍ സംഘടിപ്പിക്കാനായി മറ്റു ചിലരെയും കൂട്ടി കടയുടെ ഭാഗത്തേക്ക് നടന്നു. അതിനിടയിലാണ് തോണി തുഴഞ്ഞുപോകുന്ന രാജീവനെ ഒരാള്‍ കണ്ടത്. അതോടെ ഉച്ചത്തില്‍ രാജീവേട്ടനെ വിളിച്ചു. ആദ്യമൊക്കെ വലിയ തിരക്ക് അഭിനിയിച്ച് കേള്‍ക്കാന്‍ നിന്നില്ല. ഒരു കാര്യം പറയാനുണ്ടെന്നും ഫോണ്‍ നമ്പര്‍ വേണമെന്നും പറഞ്ഞപ്പോള്‍ ഉച്ചത്തില്‍ ഫോണ്‍ നമ്പര്‍ പറഞ്ഞുതന്നു. ഫോണിലൂടെ വിളിച്ച് കാര്യം പറഞ്ഞു. എന്തെങ്കിലും സഹായം ചെയ്യണമെന്ന് പറഞ്ഞിട്ടും വിമുഖത കാട്ടുകയായിരുന്നു. കാലു പിടിക്കുന്ന തരത്തില്‍ കേണപേക്ഷിച്ചപ്പോള്‍ ശ്രമിക്കാമെന്ന് പറഞ്ഞ് ഫോണ്‍ കട്ട് ചെയ്യുകയും അയാള്‍ ധൃതി പിടിച്ച് വീട്ടിലേയ്ക്ക് പോകുകയും ചെയ്തു.

അന്ന് പോയ രാജീവന്‍ പിന്നീട് ഇതുവരെയും ഇവിടേക്ക് മടങ്ങിവന്നിട്ടില്ല. അതിനാല്‍ തന്നെ രാജീവന് അന്നത്തെ വിഷയത്തില്‍ എന്തോ പങ്കുണ്ടെന്ന സംശം ഉറപ്പാണ്. ഉച്ചയ്ക്ക് അത്തരമൊരു നേരത്ത് ചെമ്മീന്‍ കെട്ടിന്റെ പലക വലിക്കാന്‍ വരേണ്ട ആവശ്യമുണ്ടായിരുന്നില്ല. ചെമ്മീന്‍ കെട്ട് ഉപേക്ഷിക്കാനായി വന്നതാണെന്ന് അതുമായി ബന്ധപ്പെട്ട് പരിചയമുള്ളവര്‍ പറഞ്ഞറിഞ്ഞു. എത്രമാത്രം ആത്മബന്ധമാണ് ഈ നാട്ടുകാരുമായി രാജീവനുണ്ടായിരുന്നത്. പ്രശ്നം നടന്നശേഷം ഇപ്പോഴും പല സി പിഎമ്മുകാരും അനുഭാവികളുമൊക്കെയും ഇവിടങ്ങളില്‍ ജോലിക്കുവരുന്നു. എത്രപേര്‍ ഇവിടെ ഇപ്പോഴും ജീവിക്കുന്നു. എന്നിട്ടും രാജീവന്‍ തിരിച്ചുവരാത്തതില്‍ വലിയ വിഷമം തോന്നി.

എല്ലാ ശ്രമവും പാളുന്നതുപോലെ. അങ്ങനെ ഭക്ഷണം പോലും കഴിക്കാതിരിക്കുമ്പോഴാണ് അപ്പുറത്തുനിന്ന് അയൂബ് അടക്കം മൂന്നുപേരും മര്‍ദ്ദനമേറ്റ പരുക്കുകളോടെ തോണിയില്‍ എത്തിയത്. അതോടെയാണ് അക്കരെ എന്തൊക്കെയോ നടന്നതായി അറിവുണ്ടായത്. വൈകീട്ടോടെ ഷുക്കൂറിന്റെ വാര്‍ത്തയും എന്റെ ചെവിയില്‍ എത്തി. പിന്നെ തലയ്ക്കുള്ളില്‍ ഒന്നും പ്രവര്‍ത്തിക്കാതായി. വല്ലാത്ത പിടച്ചില്‍ നെഞ്ചിനുള്ളില്‍. അതാകട്ടെ പുറത്തുകാണിക്കാനും പറ്റില്ല. വീട്ടില്‍ ഉമ്മയുണ്ട്. ഉമ്മ ഇടയ്ക്കിടക്ക് കാര്യങ്ങള്‍ തിരക്കുന്നു. എന്തൊക്കെയോ കളവ് ഉമ്മയുടെ മുഖത്ത് നോക്കി പറയുമ്പോള്‍ ഞാന്‍ കുഴഞ്ഞുവീഴുമോ എന്ന് സംശയിച്ചു. സഹോദരി ഫാത്തിമ രണ്ടു ദിവസം മുമ്പായിരുന്നു ഭര്‍ത്താവിന്റെ വീട്ടിലേക്ക് പോയത്. അതിനാല്‍ ഉമ്മയും രണ്ടാമത്തെ അനുജന്‍ ഷഫീഖും മാത്രമാണ് വീട്ടിലുള്ളത്. ഉമ്മ വീണ്ടും ചോദിച്ചപ്പോള്‍ അവന് ചെറിയ പരുക്കുണ്ടെന്നും മംഗലാപുരം ആശുപത്രിയിലാണുള്ളതെന്നും പറഞ്ഞു.

‘എന്നാല്‍ നീ എന്താ ഇവിടെ നില്‍ക്കുന്നത് അവന്റെ അടുത്തേക്ക് പോകാതെ. പണമില്ലാത്തതാണ് പ്രശ്നമെങ്കില്‍ നിന്റെ പെങ്ങളുടെ സ്വര്‍ണം എടുത്തോ എന്നും പറഞ്ഞു. അതോടെ വീട്ടില്‍ നില്‍ക്കാന്‍ പറ്റില്ലെന്ന സ്ഥിതിയായി. മംഗലാപുരത്തേക്ക് പോകയാണെന്ന് പറഞ്ഞ് അന്ന് രാത്രി അടുത്ത വീട്ടിലാണ് കഴിഞ്ഞത്. ഉറക്കമില്ലാത്ത രാത്രി പിന്നിട്ട് നേരെ വെളുത്തതോടെ വീട്ടില്‍ ദുരന്തവിവരം അറിയിച്ചു.

അത് ഷുക്കൂറായിരുന്നില്ല

എന്റെ കഴിവില്ലായ്മയാണോ അവനെ രക്ഷിക്കാന്‍ കഴിയാതിരുന്ന തെന്ന കുറ്റബോധം എന്നെ നിരന്തരം പിടികൂടിക്കൊണ്ടിരുന്നു. എന്റെ അനുജന്‍ ഒരിക്കലും തീവ്രവാദിയായിരുന്നില്ല. മാന്യനും നല്ല സാമൂഹ്യബോധവുമുള്ള ജനാധിപത്യരീതിയില്‍ ഇടപെടുന്ന വ്യക്തിയായിരുന്നു. എന്നിട്ടും പി ജയരാജനും മറ്റും അവനെ ക്രിമിനലാക്കി ചിത്രീകരിച്ചപ്പോള്‍ മറ്റൊരു ആഘാതമായി ഞങ്ങള്‍ക്ക് അത്. ജയരാജന്റെ കാറിനു മുന്നിലൂടെ പോകുന്ന മറ്റേതോ ചെറുപ്പക്കാരന്റെ ഫോട്ടോ കാണിച്ച് അത് ഷൂക്കൂറാണെന്ന് വരുത്തിതീര്‍ക്കാന്‍ നടത്തിയ ശ്രമം പാളി. അരിയില്‍ പള്ളിക്കു സമീപം സംഭവം നടക്കുന്ന വേളയില്‍ ഷുക്കൂര്‍ വീട്ടില്‍ തന്നെയുണ്ടായിരുന്നു. വഴിയെ പോകുന്നയാളല്ല കൊല്ലപ്പെട്ടതെന്നാണ് ജയരാജന്‍ മാധ്യമങ്ങളോട് പറഞ്ഞത്. അവര്‍ പറഞ്ഞത് തെറ്റായിരുന്നു എന്ന് പിന്നീട് വെളിപ്പെട്ടെങ്കിലും അത് തിരുത്താന്‍ സി പി എം തയ്യാറായില്ല. ഇത്രമാത്രം അധ:പതിച്ചുപോയോ അവര്‍. സത്യത്തില്‍ ഒരു നിരപരാധിയെ കൊന്നു എന്ന കാര്യം മറച്ചുവെക്കാനാണ് അക്കഥ പ്രചരിപ്പിച്ചത്.

എന്റെ ഉപ്പ കമ്മ്യൂണിസ്റായിരുന്നു, എന്നിട്ടും

എന്റെ ഉപ്പയും സഹോദരങ്ങളുമൊക്കെ കമ്യൂണിസ്റുകാരായിരുന്നു. പള്ളിയില്‍ പോലും പോകാതെ കമ്യൂണിസ്റ് ശൈലിയില്‍ ജീവിച്ചവര്‍. മത്സ്യബന്ധനം നടത്തി അരിഷ്ടിച്ച് ജീവിച്ച പുതിയ പറമ്പത്ത് മുഹമ്മദിന്റെ മകനെയാണ് ഇവര്‍ കൊന്നതെന്ന് ഓര്‍ക്കണം. ഇപ്പോഴത്തെ എത്ര പാര്‍ട്ടിക്കാര്‍ക്കറിയാം എന്റെ ഉപ്പ മുഹമ്മദിനെ. ഈ ഞാനും എസ് എസ് എസ് എല്‍സി പഠനം വരെ എസ് എഫ് ഐ ആയിരുന്നു. പിന്നീടാണ് ഞാന്‍ എം എസ് എഫ് പ്രവര്‍ത്തകനായത്. ഇപ്പോള്‍ ലീഗ് അനുഭാവി എന്നതിലപ്പുറം ഞാനൊരു സജീവരാഷ്ട്രീയപ്രവര്‍ത്തകനല്ല. മാധ്യമപ്രവര്‍ത്തകന്‍ മാത്രമാണ്. എന്നാലും സി പി എം അനുഭാവിയായ എന്റെ ഉപ്പയെ പഴമക്കാര്‍ക്ക് അറിയാം. പണ്ട് ഉപ്പയ്ക്ക് തിമിരം ബാധിച്ചപ്പോള്‍ ഗള്‍ഫിലുള്ള ചില ലീഗ് അനുഭാവികള്‍ പണം പിരിച്ചു കൊടുത്തു. എന്നാല്‍ ഉപ്പ അത് വാങ്ങിയില്ല. ചെറിയ പണമായാലും എന്റെ പാര്‍ട്ടിക്കാര്‍ തന്നാലേ ഞാന്‍ സ്വീകരിക്കൂ എന്നായിരുന്നു ഉപ്പയുടെ നിലപാട്. അരിയിലെ ഏറ്റവും ദരിദ്രകുടുംബമായിരുന്നു ഞങ്ങളുടേത്. മക്കളെ ആരെയും മത്സ്യത്തൊഴിലില്‍ പിന്‍തുടര്‍ച്ചക്കാരാക്കാതെ കഷ്ടപ്പെട്ട് പണമുണ്ടാക്കി പഠിപ്പിക്കുകയായിരുന്നു. വിദ്യാഭ്യാസപരമായും സാമ്പത്തികമായും പിന്നാക്കം നില്‍ക്കുന്ന ഉപ്പയുടെയും ഉമ്മയുടെയും വാശിയായരുന്നു അത്. ആയിടയില്‍ പെങ്ങളുടെ വിവാഹവും നടത്തി. 2004 ഡിസംബറില്‍ തൊണ്ടയ്ക്ക് കാന്‍സര്‍ വന്ന് മരിക്കുന്നതുവരെ ഉപ്പ കമ്യൂണിസ്റായിരുന്നു. ഉമ്മ നല്ല മതവിശ്വാസിയായിരുന്നു. അതിനാല്‍ ഞങ്ങളും അതേവഴി പിന്തുടര്‍ന്നെങ്കിലും ഇല്ലാത്തവനോട് അടങ്ങാത്ത കൂറ് പുലര്‍ത്തുന്ന ഉപ്പയുടെ ദര്‍ശനവും ഉള്ളില്‍ സൂക്ഷിച്ചിരുന്നു. മതവിശ്വാസിയാണെന്ന് വച്ച് ഞങ്ങളാരും തീവ്രവാദികളല്ല.

ഗ്രാമവും ഷുക്കൂറും ഇടപെടലുകളും

നല്ല സാമൂഹ്യബോധ്യം ഉള്ളതിനാല്‍തന്നെ പല പ്രവര്‍ത്തനങ്ങളും ഏറ്റെടുത്തുന്ന നടത്തുന്ന ചെറുപ്പക്കാരനാണ് നാട്ടുകാര്‍ക്ക് ഷുക്കൂര്‍. അതിനാല്‍ അവനെ ആളു മാറി കൊന്നതാണെന്ന് ഇപ്പോള്‍ ഞാന്‍ ധരിക്കുന്നില്ല. അരിയില്‍ മുസ്ളീം സമുദായത്തിന് ഭൂരിപക്ഷമുള്ള പ്രദേശമാണ്. ഇതില്‍ ഏറിയ പേരും ലീഗ് പ്രവത്തകരും അനുഭാവികളുമാണ്. മറ്റ് പാര്‍ട്ടികള്‍ക്കുമുണ്ട് സ്വാധീനം. ഷുക്കൂറാകട്ടെ എം എസ് എഫ് പ്രവര്‍ത്തനത്തോടൊപ്പം വിദ്യാഭ്യാസപരമായി പിന്നാക്കം നില്‍ക്കുന്നവരുടെ ഉന്നമനത്തിനായി ഏറെ പ്രവര്‍ത്തിക്കാറുണ്ട്. അവന്റെ പിന്നാലെ കുറെ നല്ല ചെറുപ്പക്കാര്‍ മാന്യമായ നിലയില്‍ ഇത്തരം ഇടപെടലിന് കൂട്ടായുണ്ട്. എസ് എസ് എല്‍ സി തത്തുല്യപരീക്ഷയ്ക്ക് പലരെയും പേര് ചേര്‍ത്ത് അവരെ പരീക്ഷ എഴുതിക്കുന്നതിന് അവന്‍ നേതൃത്വം നല്‍കി. എസ് എസ് എല്‍ സിക്ക് പഠിക്കുന്ന നിര്‍ദ്ദനരായ 39 കുട്ടികള്‍ക്ക് നൈറ്റ് ക്ളാസ് നല്‍കുന്നതും ഷുക്കൂറിന്റെ നേതൃത്വത്തിലായിരുന്നു. അവരുടെ രക്ഷിതാക്കള്‍ക്കും ക്ളാസ് നല്‍കിയിരുന്നു. ദൂരസ്ഥലത്തുനിന്ന് അതിനായി അദ്ധ്യാപകനെ അവന്‍ മോട്ടോര്‍ബൈക്കിലാണ് കൊണ്ടുവരാറും തിരിച്ച് കൊണ്ടുവിടാറും. എല്‍ ഡി ക്ളാര്‍ക്ക് പരീക്ഷ എഴുതിക്കാനായി അഞ്ചെട്ടു കുട്ടികളെ ഇവിടുന്ന് അപേക്ഷ അയപ്പിച്ചിട്ടുണ്ട്.

അവരുടെ ബാര്‍കോഡുകള്‍ പോലും അവന്റെ ഡയറിയില്‍ കുറിച്ചിട്ടുണ്ട്. വിദ്യാഭ്യാസത്തിലൂടെ മാത്രമേ ഉന്നതിയിലെത്താന്‍ കഴിയൂ എന്നായിരുന്നു അവന്റെ നിലപാട്. പഠനത്തിനിടയിലും രാത്രിയോ പകലോ ഇല്ലാതെ ഇത്തരം ഇടപെടല്‍ നടത്തുന്നതിനു പുറമെ ഗ്രാമസഭയിലും അവന്റെ ഇടപെടല്‍ ശക്തമായിരുന്നു. ഈ ഭാഗത്തെ ചെമ്മണ്‍ റോഡിന്റെ പുരോഗതിക്കും മറ്റു വികസനപ്രവര്‍ത്തനങ്ങള്‍ക്കും എം എല്‍ എ തലത്തില്‍ വരെ ഇടപെടുമായിരുന്നു. അവകാശത്തിനു വേണ്ടിയുള്ള ഇത്തരം പ്രവര്‍ത്തനത്തിന്റെ പ്രതിഫലമായാണ് അവര്‍ അവന് മരണം നല്‍കിയത്. എം എസ് എഫ് തളിപ്പറമ്പ് മണ്ഡലം ട്രഷറര്‍ ആയതുകൊണ്ടുമല്ല അവന്‍ കൊല്ലപ്പെട്ടത്( വെറും 12 മണിക്കൂര്‍ മുമ്പ് മാത്രമാണ് അവന്‍ ആ പദവിയിലെത്തിയത്) അവന്റെ സാമൂഹ്യ ഇടപെടലിനെയാകും അവര്‍ ഭയപ്പെട്ടത്. അവനെ ഇല്ലാതാക്കിയാല്‍ ഇവിടുത്തെ ലീഗ് പ്രവര്‍ത്തനം നിശ്ചലമാക്കാമെന്നായിരിക്കും അവരുടെ ചിന്ത.

പെങ്ങളുടെ ഭര്‍ത്താവിന് വെളിച്ചെണ്ണ വില്‍പ്പനയാണ് ജോലി. മരിക്കുന്നതിന്റെ തലേന്നാള്‍ രാത്രി അരിയില്‍ സി പി എം ബ്രാഞ്ച് സെക്രട്ടറി(ഇതേ സെക്രട്ടറിയാണ് ബന്ദിയാക്കപ്പെട്ട കൂട്ടത്തില്‍ നിന്ന് അബ്ദുള്‍സലാം വിളിച്ചപ്പോള്‍ നിങ്ങള്‍ അനുഭവിച്ചോ എന്ന് പറഞ്ഞത്)ആവശ്യപ്പെട്ട പ്രകാരം അദ്ദേഹത്തിന്റെ വീട്ടില്‍ വെളിച്ചെണ്ണ എത്തിച്ചത് ഷുക്കൂറാണ്. സെക്രട്ടറിയുടെ ഭാര്യയാണ് വീട്ടിലുണ്ടായിരുന്നത്. കയ്യില്‍ പണമില്ലല്ലോ എന്ന് ആ സ്ത്രീ പറഞ്ഞപ്പോള്‍ ഉള്ളപ്പോള്‍ പിന്നെ തന്നാല്‍ മതിയെന്നാണ് അന്ന് ഷുക്കൂര്‍ പറഞ്ഞത്.

കാറ്റാടിമരങ്ങളും ബദാംമരങ്ങളും ഷൂക്കൂറിനെ തേടുന്നു

ഇത് കേരളം തന്നെയാണോ എന്ന സന്ദേഹവും അവന്റെ മരണത്തിനുശേഷം എന്നില്‍ ശക്തമാകുകയാണ്. അഫ്ഘാനിസ്ഥാനിലും ഗുജറാത്തിമൊക്കെ കണ്ടിരുന്നത് ഇവിടെയും നടന്നിരിക്കുന്നു എന്ന് എത്രപേര്‍ വിശ്വസിക്കും. ഇവര്‍ ബന്ദികളായ ശേഷം മണിക്കൂറുകള്‍ക്കിടയില്‍ പൊലീസിനെ പലരും വിളിച്ചിരുന്നു എന്നാണ് അറിവ്. 1.20ന് അവിടെയുണ്ടായിരുന്ന ഒരു കോണ്‍ഗ്രസ് നേതാവ് വിളിച്ചിട്ടുണ്ട്. കണ്ണപുരം എസ് ഐ ഉച്ചയ്ക്ക് അവിടെയുണ്ടായിരുന്നില്ലേ? എന്നിട്ടും അവരില്‍ നിന്ന് സഹായമെത്താന്‍ വല്ലാതെ വൈകിയതെന്തേ? പൊലീസില്‍നിന്നും മറ്റുമുണ്ടാകുന്ന ഇത്തരം നിസ്സംഗതയാണ് തീവ്രവാദസംഘടനകള്‍ മുതലെടുക്കുന്നത്. ഞങ്ങളുടെ ആളായിരുന്നെങ്കില്‍ ഷുക്കൂര്‍ കൊല്ലപ്പെടില്ലെന്നാണ് തീവ്രദ സംഘടനകള്‍ ഇപ്പോള്‍ പ്രചരിപ്പിക്കുന്നത്. എന്നാല്‍ ഇവിടുത്തെ കുട്ടികളാരും തന്നെ തീവ്രവാദസംഘടനയോട് യോജിപ്പുള്ളവരല്ല. എന്നിട്ടുമെന്തിനാണ് അത്തരമൊരു മുദ്രകുത്തല്‍ ഉണ്ടാകുന്നത്. ഭരണകൂടത്തിലും പൊലീസിലും മുസ്ളീംകള്‍ക്ക് വിശ്വാസം നഷ്ടപ്പെടുന്നു എന്ന് വരുത്തിതീര്‍ക്കേണ്ടത് തീവ്രവാദസംഘടനകളുടെ ആവശ്യമാണ്. അതിനുള്ള സാഹചര്യം സി പി എം ഒരുക്കുകയാണോ?

ഷുക്കൂറിന് ഒരിക്കലും ക്രിമിനല്‍ ആകാനാകില്ല. അവന്‍ വളര്‍ന്ന സാഹചര്യവും കുടുംബവും അത്തരത്തിലല്ല. കാഞ്ഞിരങ്ങാട്ടെ ഒരു സ്ഥാപനത്തില്‍ ഡി ടി പി പഠിക്കാന്‍ പോയപ്പോള്‍ അവനാ സ്ഥാപനത്തില്‍ 27 മരങ്ങള്‍ നട്ടിരുന്നതായി അവിടുത്തെ അദ്ധ്യാപകന്‍ പറഞ്ഞറിഞ്ഞു. ഒരു നല്ല പരിസ്ഥിതി സ്നേഹിയുമായിരുന്നു അവന്‍. ഇവിടെയും ഈ ചെമ്മണ്‍ പാതയോരത്ത് കാറ്റാടി മരങ്ങളും ബദാം മരവും നട്ടിരുന്നു. അതില്‍ മൂന്നെണ്ണം ഇപ്പോഴും നന്നായി വളര്‍ന്നുമുറ്റിയിട്ടുണ്ട്. അതിലൊന്നിന് ചുറ്റും വേലി കെട്ടി സംരക്ഷിച്ചിട്ടുണ്ട് അവന്റെ സുഹൃത്തുക്കള്‍. നല്ല വായനാശീലമുണ്ടായിരുന്നു. വീട്ടിലുള്ള ബുക്കുകളില്‍ ഏറെയും അവന്റേതാണ്.

രക്തദാനമാണ് അവന്റെ മറ്റൊരു സാമൂഹ്യ ദൗത്യം. നിരവധി പേര്‍ക്ക് രക്തം നല്‍കിയിട്ടുണ്ട്. രക്തദാനം നല്‍കിയതിന്റെ പേരില്‍ ചില ആശുപത്രിയില്‍ നിന്ന് ലഭിച്ച സര്‍ട്ടിഫിക്കറ്റും അവന്‍ സൂക്ഷിച്ചിരുന്നു. തുടര്‍ച്ചയായി രക്തദാനം നല്‍കവെ ഉമ്മ ഇടപെട്ടിരുന്നു. ‘അല്ലാഹു തന്ന രക്തമല്ലേ ആവശ്യമുള്ളവര്‍ക്ക് കൊടുത്തില്ലെങ്കില്‍ അത് ദൈവദോഷമാകും എന്നായിരുന്നു അവന്റെ മറുപടി. അവന്റെ ഡയറിയിലെ ആദ്യഭാഗത്തുതന്നെ എഴുതിയ കുറിപ്പ് മതി അവനെന്താണെന്ന് വ്യക്തമാകാന്‍. ‘ഇരുട്ടിനെ ശപിക്കുന്നതിനേക്കാള്‍ നല്ലത് ഒരു മെഴുകുതിരിയെങ്കിലും കത്തിച്ചുവെക്കുന്നതാണ് എന്ന ആംനെസ്റിയുടെ വാചകമായിരുന്നു ഡയറിയുടെ ഒന്നാം പേജിലുണ്ടായിരുന്നത്. നന്മ ചെയ്തവനുള്ള പ്രതിഫലം ദൈവം എവിടെവച്ചെങ്കിലും കൊടുക്കുമായിരിക്കും എന്ന മതവിശ്വാസമാണ് ഞങ്ങളെ ഇപ്പോള്‍ സഹനത്തിലേക്ക് നയിക്കുന്നത്. അല്ലെങ്കിലും ഈ ജീവിതം തന്നെ ഒരു വഴിയമ്പലവും വിശ്രമകേന്ദ്രവുമല്ലേ. ഇനി അവന്റെ ഓര്‍മ്മയെ എങ്കിലും അപമാനിക്കാതെ വിട്ടുകൂടെ എന്ന പ്രാര്‍ത്ഥനയാണുള്ളത്.

(2012 ഫെബ്രുവരി 20 നാണ് അരിയില്‍ ഷുക്കൂര്‍ കൊല്ലപ്പെടുന്നത്. കണ്ണപുരം കീഴറയിലെ വള്ളുവന്‍ കടവിനടുത്ത് വെച്ച് രണ്ടര മണിക്കൂറോളം ബന്ദിയാക്കി വെച്ച ശേഷം ഷുക്കൂറിനെ വെട്ടിക്കൊലപ്പെടുത്തുകയാിയരുന്നു. കൂടെയുണ്ടായിരുന്ന സക്കരിയക്ക് ഗുരുതരമായി വെട്ടേറ്റു. ഈ കേസിലാണ് സിപിഎമ്മിലെ മുതിര്‍ന്ന നേതാവായ പി ജയരാജനെതിരെ സിബിഐ കോടതി കുറ്റപത്രം സമര്‍പ്പിച്ചിരിക്കുന്നത്. ജയരാജനെതിരെ കൊലപാതക കുറ്റവും ഗൂഢാലോചനയുമാണ് ചുമത്തിയിരിക്കുന്നത്).

(ചന്ദ്രിക ദിനപത്രത്തിന്റെ കണ്ണൂര്‍ ലേഖകനാണ് ഷുക്കൂറിന്റെ സഹോദരനായ ദാവൂദ് അരിയില്‍).

Continue Reading

Article

വിധവകള്‍ ലൈംഗീകാസക്തി അടിച്ചമര്‍ത്തി വയ്ക്കണോ? എഴുത്തുകാരി ഊര്‍മ്മിള ദാസിന്റെ ചോദ്യം വീണ്ടും ഉയരുന്നു

Published

on

സ്ത്രീ സ്വാതന്ത്ര്യത്തെക്കുറിച്ചും അവകാശങ്ങളെക്കുറിച്ചും കേരളത്തില്‍ നിരന്തരം ചര്‍ച്ച നടക്കുന്ന അവസരമാണിത്. ശബരിമല വിഷയവുമായി ബന്ധപ്പെട്ട് ആര്‍ത്തവത്തെക്കുറിച്ചും സ്ത്രീ ശരീരത്തിന്റെ പ്രത്യേകതകളും എല്ലാം ചര്‍ച്ചയാകുന്നതിനൊപ്പം വര്‍ഷങ്ങള്‍ക്കുമുമ്പ് എഴുത്തുകാരി ഊര്‍മ്മിള ദാസ് ഉയര്‍ത്തിയ ചോദ്യങ്ങളും പ്രസക്തമാകുകയാണ്. വിധവകളുടെ ശാരീരിക ആവശ്യങ്ങളും അവയുടെ നിറവേറ്റലും സമൂഹത്തില്‍ ഉയര്‍ന്നുവരികയാണ്.

40 വയസുള്ള വിധവയായ സ്ത്രീയാണ് ഞാന്‍, എനിക്ക് 20വയസുള്ള മകനുമുണ്ട്. എനിക്കും നിങ്ങളെ പോലെ ലൈംഗികാസക്തികളുണ്ട്. അത് ഞാന്‍ അടിച്ചമര്‍ത്തി വയ്ക്കണോ..? സമൂഹത്തിന് നേര്‍ക്ക് ചാട്ടുളി പോലെ ഉയരുകയാണ് എഴുത്തുകാരിയായ ഊര്‍മ്മിളയുടെ ചോദ്യം. അതേ സമയം ഒരു സ്ത്രീയ്ക്ക് ഇങ്ങെനെ ഒക്കെ പറയാമോ എന്നതരത്തിലുള്ള ചര്‍ച്ചകള്‍ ആരംഭിച്ചുകഴിഞ്ഞു. എന്നാല്‍ സാധാരണ സ്ത്രീയെന്ന നിലയ്ക്ക് കപടസദാചാരത്തിന്റെ പൊയ്മുഖമണിയാതെയുള്ള തുറന്ന് പറച്ചില്‍ നടത്തിയ ഊര്‍മ്മിളയെ വലിയൊരുവിഭാഗം അഭിനന്ദിക്കുന്നുമുണ്ട്.

ഏതാനും ദിവസ്സം മുമ്പാണ് ഊര്‍മ്മിളാ ദാസിന്റെ ലേഖനം പുറത്ത് വന്നത്. തികച്ചു യാഥാസ്ഥിതികമായ കുടുംബത്തില്‍ മാതാവ് മരണപ്പെട്ടതിനെ തുടര്‍ന്ന് പിതാവിന്റെ സംരക്ഷണയിലായിരുന്നു ഊര്‍മ്മിളയുടെ ബാല്യം. പോലീസുകാരനായ പിതാവ് കാന്‍സര്‍ ബാധിതനുമായിരുന്നു. തന്നെക്കാള്‍ ഒരുവയസ് മാത്രം കുറവുള്ള സഹോദനോടായിരുന്നു പിതാവിനും മറ്റ് ബന്ധുക്കള്‍ക്കും സ്നേഹവും അടുപ്പവും കാണിച്ചിരുന്നത്.

ആര്‍ക്കും വേണ്ടാത്ത ജന്മമെന്ന നിലയ്ക്കായിരുന്നു ബാല്യം. കൗമാരം അതിലേറെ അവഗണനകളുടെ ഭാരംപേറിയതായിരുന്നു. ചിത്രരചന ആതായിരുന്നു ഊര്‍മ്മിളയുടെ ഏക അശ്വാസം. മകനെ ഒരു നിലയിലെത്തിക്കുക എന്നത് മാത്രമായിരുന്നു പിതാവിന്റെ ചിന്ത. അതോടെ മകളെന്ന ചിന്ത പോലും ആ പിതാവ് മറന്നുഇതിനിടയില്‍ പൂര്‍ണ്ണ സമയവും മദ്യത്തിന് അടിമയായ ഒരാളാളെ ഭര്‍ത്താവായി കണ്ടെത്തിനല്‍കിയതോടെ ചെറുപ്രായത്തില്‍ തന്നെ ഊര്‍മ്മിളയുടെ ജീവിതം കൂടുതല്‍ ദുരിതപൂര്‍ണ്ണവുമായി. ഏറെക്കഴിയും മുമ്പ് ഒരു കുഞ്ഞിന് ജന്മംനല്‍കിയതോടെ അവളുടെ ഏല്ലാ സ്വപ്നങ്ങളും കെട്ടടങ്ങുകയായിരുന്നു.

മുഴുക്കുടിയനായ ഭര്‍ത്താവുമായി ഒരുമിച്ച് പോകുക പ്രയാസകരമായതോടെ ഊര്‍മ്മിള മറ്റൊരു വീട്ടിലേക്ക് കുഞ്ഞുമായി താമസം മാറി. കുഞ്ഞിനെ എങ്ങനെ പോറ്റുമെന്നത് ചോദ്യചിഹ്ന്മയി തന്നെ മുന്നില്‍ നിന്നസമയം.18കാരിയായ ഒരു പെണ്‍കുട്ടി സമൂഹത്തിന് മുന്നില്‍ പല ചോദ്യങ്ങളും ഉയര്‍ത്തി. എങ്കിലും അവള്‍ തോല്‍ക്കാനൊരുക്കമായിരുന്നില്ല.ഇതിനിടെ ലഭിച്ച ചെറിയൊരു ജോലിയില്‍ നിന്നും ലഭിക്കുന്ന വരുമാനം കൊണ്ട് തന്റെ മുടങ്ങിയ പഠനം പുനരാരംഭിക്കും, കുഞ്ഞിന്റെ കാര്യങ്ങള്‍ നോക്കാനും അവള്‍ ശ്രമിച്ചുപോന്നു. മറ്റൊരു വിവാഹം പലരും നിര്‍ദ്ദേശിച്ചെങ്കിലും അദ്യവിവാഹ ബന്ധം ഒഴിയാതെ നിലനിന്നത് സമുഹത്തിന് മുന്നില്‍ വിവാഹിത എന്ന ലേബലില്‍ തന്നെ തുടരാന്‍ അവളെ പ്രേരിപ്പിച്ചു.

ഏറെ നാളുകള്‍ക്കം നിയമപരമായുണ്ടായിരുന്ന ഭര്‍ത്താവ് മരണപ്പെട്ടു. ഇതോടെ വിധവ എന്ന ചാര്‍ത്തിലേക്ക് ചെറുപ്രായത്തില്‍ തന്നെ അവളും അകപ്പെട്ടു. സമുഹം വിധവകള്‍ക്ക് ചാര്‍ത്തിനല്‍കിയ മുദ്രകള്‍ എടുത്തണിയാന്‍ ഊര്‍മ്മിളയും നിര്‍ബന്ധിതയായി. തന്റെ വികാരങ്ങളും ചിന്തകളും സമൂഹം കെട്ടിയടക്കപ്പെട്ട ശീലങ്ങള്‍ക്കുള്ളില്‍ തളക്കപ്പെട്ടു. ഇതുവരെയുള്ള ജീവിതകാലത്ത് മറ്റൊരാളുടെയും സ്വകാര്യ ജീവിതത്തില്‍ എത്തിനോക്കാത്ത തനിക്ക് മറ്റുള്ളവരില്‍ നിന്നും തിരിച്ച് അപ്രകാരം ആഗ്രഹിച്ചാല്‍ എന്താണ് തെറ്റെന്ന് ഊര്‍മ്മിള ചോദിക്കുന്നു.

ചോരയും നീരുമുള്ള സ്ത്രീയെന്ന നിലയ്ക്ക് തനിക്കും വികാരങ്ങളും ആഗ്രഹങ്ങളും ഉണ്ട്. അത് തടഞ്ഞ് വയ്ക്കാന്‍ സമൂഹത്തിനെന്താണ് അധികാരം. ഒരു മാതാവെന്ന നിലയ്ക്കുള്ള എല്ലാ കടമകളും താന്‍ ഭംഗിയായി നിര്‍വഹിക്കുന്നുണ്ട്. ഭാരത സമൂഹത്തില്‍ വിധവകള്‍ക്ക് പുനര്‍വിവാഹമെന്നത് എുപ്പമുള്ള കാര്യവുമല്ല. ഇത്തരം സാഹചര്യങ്ങളില്‍ മിക്കവരും ഇത്തരക്കാരായസ്ത്രീകളോട് സെക്സ് പരമായി സംസാരിക്കാന്‍ താല്‍പര്യം കാട്ടാറുമില്ല.അവര്‍ക്ക് അവരുടേതായ വികാരങ്ങള്‍ പ്രകടിപ്പിക്കുന്നതിനെ സമൂഹം വെറുക്കുന്നതെന്തിനാണ്. ഞാന്‍ എന്റെ സെക്സ് പരമായ ചിന്തകള്‍ തുറന്ന് പറഞ്ഞപ്പോള്‍ തന്നെ സമൂഹം അതിന് എത്ര യാഥാസ്ഥിതികമായാണ് കണ്ടെതെന്ന് എനിക്കറിയാം. അപ്പോള്‍ മറ്റ് വിധവകളുടെയും, വിവാഹമോചിതരുടെയും അനുഭം എങ്ങനെയായിരിക്കും. സമൂഹം ചിന്താഗതി മാറ്റേണ്ട സമയമം അതിക്രമിച്ചിരിക്കുന്നു. വിധവകളും മനുഷ്യരാണ്. അവര്‍ക്കും ജീവിക്കണംമറ്റ് മനുഷ്യരെ പോലെ.. ഊര്‍മ്മിള പറഞ്ഞുവെക്കുന്നു.

Continue Reading

Article

കത്തോലിക്കാ സഭ: സ്വവര്‍ഗ്ഗ രതിയിൽ തുടങ്ങുന്ന മേലാളന്മാരുടെ പാപചരിത്രം; അധികാരിയായി വാഴുന്ന ബിഷപ്പുമാരും അടിമയായ് കഴിയുന്ന വിശ്വാസികളും

Published

on

കത്തോലിക്കാ സഭയുടെ കുത്തഴിഞ്ഞ ചരിത്രത്തിന്റെ നാള്‍വഴികള്‍ ഞെട്ടിക്കുന്നതാണ്. ലോകം മുഴുവന്‍ സമാധാനം വിളംബരം ചെയ്യുന്ന സഭയ്ക്കകത്തെ ചെയ്തികള്‍ മാപ്പര്‍ഹിക്കാത്തതായിരുന്നെന്ന് തെളിവ് സഹിതം വിവരിക്കുകയാണ് ലേഖകന്‍. കത്തോലിക്ക സഭ എന്തുകൊണ്ട് സന്യാസിനിമാരെ പീഡിപ്പിക്കുകയും ക്രൂരത ചെയ്ത ബിഷപ്പുമാരെ വെറുതേ വിടുകയും ചെയ്യുന്നു സാജന്‍ ജോസ് എഴുതിയ കുറിപ്പ്

തുടക്കകാലത്തെ പീഡനപര്‍വ്വങ്ങള്‍ക്കൊടുവില്‍ കത്തോലിക്കാസഭയില്‍ ഏതാണ്ട് പന്ത്രണ്ടാം നൂറ്റാണ്ടെത്തിയപ്പോഴേക്കും കെടുകാര്യസ്ഥത അതിന്റെ ഉച്ചസ്ഥായിയിലെത്തിയിരുന്നു. അധികാരദാഹവും ധൂര്‍ത്തും സുഖലോലുപതയും അരമനകളിലഴിഞ്ഞാടിയ ആ കാലത്താണ് പിന്നീട് കത്തോലിക്കാ സഭ വിശുദ്ധനായി പ്രഖ്യാപിച്ച അസ്സീസിയിലെ ഫ്രാന്‍സ്സിസിന്റെ കടന്നുവരവ്. ലാളിത്യമായിരുന്നു അദ്ദേഹത്തിന്റെ മുഖമുദ്ര. സമ്പത്തിന്റെയും അധികാരത്തിന്റെയും സുഖലോലുപതയില്‍ കെട്ടിമറിഞ്ഞ കത്തോലിക്കാസഭയിലെ സമര്‍പ്പിതര്‍ക്ക് അന്യമായിപ്പോയിരുന്ന ദാരിദ്ര്യം, ബ്രഹ്മചര്യം, അനുസരണം മുതലായ സുവിശേഷാധിഷ്ഠിത വ്രതങ്ങളെക്കുറിച്ചു പറയാനാണ് പക്ഷിമൃഗാദികളിലും പ്രകൃതിയിലും ദൈവത്തെ കാണാന്‍തക്ക ഹൃദയവിശാലതയുണ്ടായിരുന്ന ഫ്രാന്‍സിസ് എന്ന ഈ അസ്സീസിക്കാരന്‍ തന്റെ ജീവിതമത്രയും ചിലവഴിച്ചത്. തങ്ങളുടെ പ്രത്യയശാസ്ത്രങ്ങളോട് ഒത്തുപോകാത്ത സഹജീവിയെ ആഴിയിലെറിഞ്ഞും കുന്തമുനയില്‍ കോര്‍ത്തും രണ്ടായി വലിച്ചു കീറിയും കൊന്നുതള്ളികൊണ്ടിരുന്ന കത്തോലിക്കാസഭയുടെ ചരിത്രത്തിലെ ഇരുണ്ട നൂറ്റാണ്ടുകളിലൊന്നിലാണ് ഫ്രാന്‍സിസിന്റെ ഉപവിയുടെ പാഠങ്ങള്‍ കത്തോലിക്കര്‍ ശ്രദ്ധിച്ചു തുടങ്ങിയത്. ക്രിസ്തുവിന്റെ ഉദ്ഘോഷിക്കുന്നവന്‍ വീടും നാടുമുപേക്ഷിച്ച് ഒരു അവധൂതനെപ്പോലെ അവന്റെ വഴിയേ നടക്കുക, ഒന്നും കൂടെയുണ്ടാവരുത്, എതിര്‍ക്കുന്നവനെ ശപിക്കാതെ പിന്‍വാങ്ങുക തുടങ്ങിയ പ്രവാചക സമാനമായ ചര്യകള്‍ അനുവര്‍ത്തിക്കാന്‍ ഫ്രാന്‍സ്സിസ് അസ്സീസ്സി സമര്‍പ്പിതരെ ഉത്ബോധിപ്പിച്ചു. സ്വന്തമെന്ന് പറയാന്‍ യാതൊരുവിധ കെട്ടുപാടുകളുമില്ലാത്ത അത്തരം നിഷ്‌കാമകര്‍മ്മികളെയാണ് ഫ്രാന്‍സിസ് അസ്സിസി സമര്‍പ്പിതര്‍ എന്ന് വിളിച്ചത്.

അധികാരത്തിന്റെ കൈവയ്പ് വഴിയായി ചാര്‍ത്തിക്കൊടുത്ത പൗരോഹിത്യമെന്ന പട്ടക്കാരന്‍ പദവിയ്ക്ക് മേപ്പറഞ്ഞ വ്രതക്രിയകള്‍ ഒരിക്കലും അനുപൂരകങ്ങളാവുമായിരുന്നില്ല. കാരണം എല്ലാം ത്യജിച്ച ഒരു സന്യാസിക്ക് ആജ്ഞാപിക്കാനാവില്ല, ഒന്നിന്റെയും മുകളില്‍ അധികാരം സ്ഥാപിക്കാനുമാവില്ല. അവിടെ സര്‍വ്വതും സ്നേഹമയമാണ്. ഫ്രാന്‍സ്സിസ് അസീസ്സിയുടെ വാക്കുകളൊന്നും പ്രാവര്‍ത്തികമാക്കാന്‍ അന്നത്തെ സഭാ നേതൃത്വത്തിനു കഴിഞ്ഞില്ല. അധികാരത്തിന്റെ ലഹരിനുണഞ്ഞവരുടെ തോളെല്ലുകള്‍ ദാരിദ്ര്യവ്രതമെന്ന കുരിശ് ചുമക്കാന്‍ ത്രാണിയില്ലാതെ ജീര്‍ണ്ണിച്ച് ബലഹീനങ്ങളായിരുന്നു. പില്‍ക്കാലങ്ങളില്‍ വന്ന പോപ്പ് ക്ലെമന്റ് ഏഴാമന്‍, പോപ്പ് പോള്‍ മൂന്നാമന്‍, പോപ്പ് ഗ്രിഗറി പതിമൂന്നാമന്‍, പോപ്പ് ലിയോ പന്ത്രണ്ടാമന്‍, പോപ്പ് ജൂലിയസ് രണ്ടാമന്‍ ആദിയായവര്‍ക്ക് പല രഹസ്യബന്ധങ്ങളില്‍ നിന്നായി ഒന്നിലധികം മക്കളുണ്ടായിരുന്നത്രെ. പോപ്പ് പോള്‍ രണ്ടാമന്‍, പോപ്പ് സിക്സ്റ്റസ് നാലാമന്‍, പോപ്പ് ലിയോ പത്താമന്‍ (പതിനഞ്ചാം നൂറ്റാണ്ടില്‍ വത്തിക്കാനിലെ ബസലിക്ക പുതുക്കിപ്പണിയുന്നതിലേയ്ക്ക് ഫണ്ട് കണ്ടെത്തുന്നതിനായി പണം വാങ്ങി പാപവിമോചനം നല്‍കിയ ആളാണ് ടിയാന്‍), പോപ്പ് ജൂലിയസ് മൂന്നാമന്‍ തുടങ്ങിയവര്‍ സ്വവര്‍ഗ്ഗരതിക്കാരായിരുന്നെന്നും ചരിത്രം പറയുന്നു.

ആയതുകൊണ്ട് യാദൃശ്ചികതയൊന്നുമില്ലാതെ, കത്തോലിക്കാസഭയിലെ അധികാരശ്രേണിയെന്ന മഹാവ്യാളിയുടെ തുറന്നിരുന്ന വായയില്‍ നിന്ന് പടര്‍ന്ന അഗ്നികുണ്ഠത്തില്‍ അസ്സിസ്സിക്കാരന്‍ ഫ്രാന്‍സിസ്സിന്റെ നല്ല വാക്കുകളൊക്കെ വെന്തു വെണ്ണീറായി, അല്ലെങ്കില്‍ ദാരിദ്ര്യവും ബ്രഹ്മചര്യവും അനുസരണവുമൊക്കെ ചില ഇടങ്ങളിലേക്ക് മാത്രമായി ഒതുക്കപ്പെട്ടു. വീണ്ടും പഴയകഥകളൊക്കെത്തന്നെ മുടക്കമില്ലാതെ തുടര്‍ന്നു കൊണ്ടേയിരുന്നു. ഏറ്റവുമൊടുവില്‍ 1996-ന്റെ തുടക്കത്തില്‍ തന്റെ ‘വിശുദ്ധീകരിക്കപ്പെട്ട ജീവന്‍’ (Vita Consecrata), എന്ന ചാക്രിക ലേഖനത്തില്‍ ജോണ്‍ പോള്‍ രണ്ടാമന്‍ മാര്‍പ്പാപ്പ സമര്‍പ്പിതരായ വ്യക്തികള്‍ ക്രിസ്തുവിനെ തങ്ങളുടെ ജീവിതത്തിന്റെ മുഴുവന്‍ അര്‍ഥമാക്കി മാറ്റിയെടുക്കണമെന്നും, മാത്രമല്ല, ഈ ലക്ഷ്യം മുന്‍നിര്‍ത്തി തങ്ങളെത്തന്നെ പുനര്‍നിര്‍മ്മിക്കാന്‍ പരിശ്രമിക്കുകയും അതുവഴി ക്രിസ്തുവിന്റെ പ്രതിപുരുഷരെന്ന് സ്വയം അവകാശപ്പെടുന്ന പുരോഹിതന്‍ ദാരിദ്ര്യത്തിന്റെയും ബ്രഹ്മചര്യത്തിന്റെയും അനുസരണത്തിന്റെയും മാര്‍ഗ്ഗം സ്വികരിക്കണമെന്നും പറയുന്നുണ്ട്.

കാര്യങ്ങള്‍ ഇങ്ങനെയൊക്കെയാണെങ്കിലും, ഇപ്പറഞ്ഞ ദാരിദ്ര്യവും ബ്രഹ്മചര്യവും അനുസരണവുമൊക്കെ കന്യാസ്ത്രീകള്‍ക്കും സന്യാസം സ്വികരിച്ച മറ്റുള്ളവര്‍ക്കും മാത്രമാണ് എന്നൊരു പൊതുധാരണയുണ്ടാക്കുന്നതില്‍ കത്തോലിക്കാസഭയിലെ പൗരോഹിത്യത്തിന്റെ ആണ്‍കോയ്മ നാളിതുവരെ വിജയിച്ചിട്ടുണ്ട്. പൗരോഹിത്യം എന്നാല്‍ സ്വര്‍ഗ്ഗത്തില്‍ നിന്നും നേരിട്ട് ചാര്‍ത്തിക്കൊടുത്തിരിക്കുന്ന ഏതോ മാനേജീരിയല്‍ ജോലിയാണെന്ന ചിന്ത നല്ലരീതിയില്‍ വിശ്വാസികളിലും അവരുണ്ടാക്കിയെടുത്തു. ക്രിസ്തു ഒന്നും നോക്കി നടത്തിയില്ല, ഒന്നിന്റെയും അധിപനുമല്ലായിരുന്നു, യാതൊന്നും സ്വരുക്കൂട്ടിയുമില്ല. അപ്പോള്‍ ക്രിസ്തുവിന്റെ പ്രതിപുരുഷന്മാരെന്ന് സ്വയം ഊറ്റം കൊള്ളുന്നവര്‍ യേശുവിന്റെ ജീവിതകാലത്തെ പ്രധാനപുരോഹിതര്‍ മുന്നോട്ട് വച്ച അതേ ജഡികാഗ്രഹങ്ങളുടെ പ്രചാരകരാകുന്നത് എങ്ങനെയാണ് സാധുകരിക്കാനാവുക? അവര്‍ പിന്തുടരേണ്ടത് ക്രിസ്തു പറഞ്ഞ ദാരിദ്ര്യത്തിന്റെ പാതയല്ലേ? ലളിതമായ ഈ ചോദ്യം ചോദിച്ചാല്‍ മിക്കവാറും ക്രൈസ്തവപുരോഹിതരും ഒരു പുറത്തില്‍ കുറയാതെ ഉപന്യസിക്കും. വിശദീകരണങ്ങള്‍ക്കൊടുവില്‍, ദൈവത്തിന്റെ വിളിക്കപ്പുറം ലോകത്തിന്റെ വിളികള്‍ക്കായി കാതോര്‍ത്തിരിക്കുന്ന പുരോഹിതരും പുരോഹിതശ്രേഷ്ഠരും കോടികള്‍ മൂല്യമുള്ള ആസ്തികള്‍ വാങ്ങിക്കൂട്ടും, വിദേശനിര്‍മ്മിത ആഡംബര വാഹനങ്ങള്‍ സ്വന്തമാക്കാന്‍ മത്സരിക്കും, സാധിക്കുമെങ്കില്‍ ബിസിനസ് ക്ലാസ്സിന്റെ സുഖശീതളിമ നല്‍കുന്ന സ്വകാര്യതയില്‍ യാത്ര ചെയ്യും. ഏതെങ്കിലുമൊരു വിശ്വാസി ഇതിലെങ്ങാനും പരാതിപ്പെട്ടതായി അറിവില്ല. ഇനിയാരെങ്കിലും അത്തരമൊരു സാഹസത്തിന് മുതിര്‍ന്നാല്‍ ഒറ്റപ്പെടുത്തലായിരിക്കും പരിണതഫലം.

വളരെ സ്നേഹമുള്ള ഒരു ഇടവകവികാരിയുടെ ഞായറാഴ്ച പ്രസംഗം മുന്‍പ് കേള്‍ക്കാനിടയായി. ചോദ്യം ചോദിച്ച് ടിയാനെ ബുദ്ധിമുട്ടിക്കുന്ന ചില തിരുത്തല്‍വാദികള്‍ ഇടവകയിലുണ്ട് എന്നത് അദ്ദേഹത്തിന്റെ രോഷം കണ്ടാല്‍ മനസ്സിലാവുമായിരുന്നു. നീയൊന്നും മരിച്ചാല്‍ പോലും ആരും തിരിഞ്ഞുകയറില്ല എന്നതാണ് കുര്‍ബാനപ്രസംഗത്തിന്റെ രത്നച്ചുരുക്കം. മരണശേഷം നല്ല ഗംഭീരമായൊരു ചരമപ്രസംഗവും നാലാള് കൂടി പരേതന്റെ അപദാനങ്ങള്‍ പാടിപ്പറയുന്ന ഒരത്യുഗ്രന്‍ മഞ്ചഘോഷയാത്രയുമൊക്കെയുള്ള ഒരു മരണാനന്തരോത്സവം സ്വപ്നം കണ്ട് സ്വര്‍ഗ്ഗത്തെ നോക്കി യാത്ര ചെയ്യുന്ന ഒരു വിശ്വാസി നിശ്ചയമായും ഭയപ്പെടും, പിന്നെ മെത്രാന്റെ ബെന്‍സിനെപ്പറ്റിയോ അച്ചന്റെ അക്യൂറയെപ്പറ്റിയൊ കമാന്നു മിണ്ടില്ല. എന്നാല്‍, ഒരു കന്യാസ്ത്രി സ്വയം ജോലിചെയ്ത് സമ്പാദിച്ച പണത്തിന്റെ ഒരു പങ്കെടുത്ത് താനെഴുതിയ പുസ്തകം പ്രസിദ്ധീകരിക്കുകയോ ഇന്നത്തെ മാര്‍ക്കറ്റില്‍ കിട്ടാവുന്ന ഏറ്റവും ലളിതമെന്ന് പറയാവുന്ന ഒരു വാഹനം വാങ്ങുകയോ ചെയ്യുമ്പോള്‍ അത് അനുസരണക്കേടായി, അവര്‍ ദാരിദ്ര്യവ്രതമനുസരിക്കാത്ത തന്റേടിയായ തന്നിഷ്ടക്കാരിയായി. ഇവിടെ മുന്‍പ് പറഞ്ഞ അതേ നിശബ്ദവിശ്വാസികള്‍ക്ക് ജീവന്‍ വയ്ക്കുകയാണ്. തുടര്‍ന്ന് ഒറ്റതിരിച്ചു നിര്‍ത്തിയുള്ള കൂട്ടയാക്രമണമാണ്. ആരെയും ഭയക്കാനില്ല ഈ ആള്‍ക്കൂട്ടത്തിന്. യജമാനരുടെ പ്രീതിക്ക് പാത്രമാവാം എന്നത് നേരിട്ടുള്ള ഒരു പ്രതിഫലവുമാണ്. പതിയെ അവരായിരിക്കുന്ന മുന്തിയ സദസ്സുകളിലേയ്ക്ക് ക്ഷണക്കത്തും ലഭിച്ചേക്കാം.

ക്രിസ്ത്യന്‍ പുരോഹിതരുടെയും മെത്രാന്മാരുടെയും വാഹന, വസ്തുഭ്രമത്തെക്കുറിച്ച് ഭൂമിമലയാളത്തിലാര്‍ക്കും വിശദികരിച്ചു കൊടുക്കണ്ടതില്ല. മെത്രാന്മാരുടെ വാസസ്ഥലങ്ങളെ ഇന്നലെവരെ നമ്മള്‍ അരമനകള്‍ എന്നാണ് പരാമര്‍ശിച്ചിരുന്നത്. ഇന്നിപ്പോള്‍ ജനത്തിന് വിവരം വച്ചു തുടങ്ങിയോ എന്ന ശങ്കയുണ്ടായപ്പോള്‍ മെത്രാന്റെ വീട് എന്നൊക്കെ ലളിതവത്ക്കരിച്ച് പറയാന്‍ തുടങ്ങിയിട്ടുണ്ട്. പ്രവര്‍ത്തിയില്‍ വലിയ മാറ്റമൊന്നുമില്ലെങ്കിലും പറച്ചിലിലെ മാറ്റണമെങ്കിലും ശ്ലാഘനീയമാണ്. ഫ്രാന്‍സിസ് മാര്‍പ്പാപ്പ ചെറിയൊരു ഫിയറ്റില്‍ സഞ്ചരിക്കുമ്പോള്‍ നമ്മുടെ മെത്രാന്മാര്‍ എസ് ക്ലാസ്സ് ബെന്‍സിലും സെവന്‍ സീരിസ് ബി എം ഡബ്ല്യുവിലും ഇടയനടുത്ത് സന്ദര്‍ശനം നടത്തും, പള്ളികളില്‍ വന്ന് ലാളിത്യത്തിന്റെ മൊഴിമുത്തുകള്‍ ഉപമകളിലൂടെ കാതുകൂര്‍പ്പിച്ചിരിക്കുന്ന ചെമ്മരിയാടുകളോടായി മൊഴിയും.

ഈ കുറിപ്പെഴുതിക്കൊണ്ടിരുന്നപ്പോള്‍ ഓര്‍മ്മയിലെത്തിയ ദാരിദ്ര്യവ്രതത്തിന്റെ ഒരു സമീപകാല സംഭവം പറയണമെന്ന് തോന്നുന്നു. മരപ്പണിക്കാരന്റെ മകനായി ജനിച്ച്, ഊരുതെണ്ടിയായി ജീവിച്ച് മരക്കുരിശിലേറിയ ക്രിസ്തുവിനെ പഠിപ്പിക്കുന്ന സാന്‍ഫ്രാന്‍സിക്സോയുടെ പ്രാന്തപ്രദേശത്തുള്ള ഒരു സീറോ മലബാര്‍ പള്ളിയിലെ വികാരിക്ക് തലചായ്ക്കാന്‍ നാല് മുറികളുള്ള വീടാണ് പള്ളിക്കൊരു കല്ലേറ് ദൂരെ ഇടവകക്കാര്‍ കണ്ടെത്തിയിരിക്കുന്നത്. വിലയോ തുച്ഛം, വെറും ഏഴ് കോടിയോളം ഇന്ത്യന്‍ രൂപ മാത്രം. ഇതുകണക്കെ നമ്മളൊന്നും അറിയാത്ത ആയിരക്കണക്കായ സമാനവ്യവഹാരങ്ങള്‍! നേരിട്ടറിയാവുന്നത് പറഞ്ഞുവെന്നേയുളളു. കാണാതെ വിശ്വസിക്കുന്നവര്‍ ഭാഗ്യവാന്മാര്‍. അതേസമയം ദോമൂസ് സാന്ത മാര്‍ത്ത അപ്പാര്‍ട്മെന്റിലെ 201-ആം മുറിയിലാണ് ഇവരുടെയൊക്കെ ഭൂമിയിലെ തമ്പുരാന്‍ പോപ്പ് ഫ്രാന്‍സിസിന്റെ വാസം. ആയതിനാല്‍, ഇതേ സഭയില്‍ ജനിച്ച് അതേ ക്രിസ്തുവിനെ പ്രഘോഷിക്കുന്ന സിസ്റ്റര്‍ ലൂസി കളപ്പുരയ്ക്കെതിരെ പുരോഹിതാധിപത്യത്തിന്റെ ആജ്ഞാനുവര്‍ത്തികളായി തിട്ടൂരമിറക്കിയ ഫ്രാന്‍സിസ്‌കന്‍ ക്ലാരിസ്റ്റ് ജനറാളമ്മയ്ക്ക് ഉളുപ്പുണ്ടോ എന്ന ചോദ്യമില്ല, കാരണം അങ്ങനെയൊരു ചോദ്യത്തിന് ഈ പ്രസ്ഥാനത്തില്‍ പ്രസക്തിയില്ല. എന്നാല്‍ ചോദ്യം, പിരിവിടാന്‍ മാത്രം വിധിക്കപ്പെട്ട സാദാ വിശ്വാസികളോടാണ്. എന്നാണ് നിങ്ങള്‍ക്ക് നേരം വെളുക്കുക? അതോ നിങ്ങള്‍ ഉറക്കം നടിക്കുകയാണോ? എന്താണ് നിങ്ങള്‍ അപഗ്രഥിച്ചെടുത്ത കത്തോലിക്കാ മതബോധത്തിന്റെ പൊരുള്‍? ശരിതെറ്റുകളെ വേര്‍തിരിച്ചറിയാനാവാത്തൊരു രണ്ടു വയസ്സുകാരനാണോ നീ വിശ്വസിക്കുന്ന ദൈവം?

Continue Reading
Entertainment44 mins ago

ശരീരഭാഗം ഓപ്പറേഷൻ നടത്തി സൗന്ദര്യമുള്ളതാക്കാൻ നിർദ്ദേശം: അവഗണിച്ച നടിക്ക് ചാൻസ് നഷ്ടപ്പെട്ടു

Kerala1 hour ago

വീഴാൻ പോകുന്നതായി അഭിനയിച്ച് നെഞ്ചത്ത് കൈവച്ചു..!! കല്ലട ബസിലെ ദുരനുഭവം വിവരിച്ച് യുവതി

Kerala3 hours ago

എട്ട് ജില്ലകളില്‍ യെല്ലോ അലര്‍ട്ട്..!! സംസ്ഥാനത്തെ വലയ്ക്കാന്‍ ചുഴലിക്കാറ്റ്

Crime3 hours ago

കോടതി മുറിക്കുള്ളില്‍ വധഭീഷണി…!! കെവിന്‍ വധക്കേസ് പ്രതികള്‍ക്കെതിരെ കേസെടുക്കാന്‍ കോടതി

Kerala7 hours ago

കേരളത്തില്‍ എല്‍.ഡി.എഫ് 18 സീറ്റില്‍ വിജയിക്കും;ബിജെപി അക്കൗണ്ട് തുറക്കില്ലെന്നും കോടിയേരി

International10 hours ago

ശ്രീലങ്കന്‍ സ്‌ഫോടനം: സ്ത്രീകളടക്കം ആറുപേരുടെ ചിത്രങ്ങള്‍ പുറത്ത് വിട്ടു

Kerala11 hours ago

രാഹുൽ ഗാന്ധിയുടെ ഭക്ഷണം പരിശോധിക്കാനെത്തി; പോലീസുകാരനെതിരെ നടപടി

Kerala11 hours ago

കെവിന്‍ വധക്കേസില്‍ ഇന്ന് നിര്‍ണ്ണായക ദിവസം; സാക്ഷി പറയാന്‍ നീനു കോടതിയില്‍

International11 hours ago

ശ്രീലങ്കയില്‍ സ്‌ഫോടനം നടത്തിയവര്‍ക്ക് ഇന്ത്യയിലും അനുയായികള്‍..? സൂത്രധാരന്റെ അച്ഛനും പിടിയില്‍

Entertainment12 hours ago

ചെറിയ പ്രായം, നല്ല ശമ്പളം കല്യാണം കഴിക്കാന്‍ തീരുമാനിച്ചു: ജീവിതത്തെക്കുറിച്ച് ലന തുറന്ന് പറയുന്നു

National4 weeks ago

നരേന്ദ്ര മോദിയെ വരാണസിയില്‍ നേരിടാന്‍ പ്രിയങ്ക..!! പ്രതിപക്ഷ ഐക്യസ്ഥാനാര്‍ത്ഥി ആയാല്‍ ഫലം പ്രവചനാതീതം

National2 days ago

ചാവേറുകള്‍ കോടീശ്വരന്മാര്‍..!! പോലീസെത്തിയപ്പോൾ ഭാര്യയും പൊട്ടിത്തെറിച്ചു; ശ്രീലങ്കന്‍ ആക്രമണത്തിന്റെ ചുരുളഴിയുന്നു

International2 days ago

തീവ്രവാദം: സൗദിയില്‍ 37 പ്രതികളുടെ തല വെട്ടി..!! ഷിയാ വിഭാഗക്കാരുടെ വധശിക്ഷയാണ് നടപ്പിലാക്കിയത്

International10 hours ago

ശ്രീലങ്കന്‍ സ്‌ഫോടനം: സ്ത്രീകളടക്കം ആറുപേരുടെ ചിത്രങ്ങള്‍ പുറത്ത് വിട്ടു

Kerala1 day ago

തരൂരിന് അരലക്ഷം ഭൂരിപക്ഷമെന്ന് ഇന്റലിജന്‍സ് റിപ്പോര്‍ട്ട്…!! വടകരയിലെ സ്ഥിതി ഇരുമുന്നണികള്‍ക്കും ആശങ്കയുണര്‍ത്തുന്നത്

Kerala1 day ago

കെ സുരേന്ദ്രന് 27,000 വോട്ടിന്റെ ഭൂരിപക്ഷം..!! ഉയര്‍ന്ന വോട്ടിംഗ് ശതമാനത്തില്‍ മുന്നണികള്‍ കണക്കെടുക്കുമ്പോള്‍

Kerala11 hours ago

രാഹുൽ ഗാന്ധിയുടെ ഭക്ഷണം പരിശോധിക്കാനെത്തി; പോലീസുകാരനെതിരെ നടപടി

Entertainment12 hours ago

ചെറിയ പ്രായം, നല്ല ശമ്പളം കല്യാണം കഴിക്കാന്‍ തീരുമാനിച്ചു: ജീവിതത്തെക്കുറിച്ച് ലന തുറന്ന് പറയുന്നു

Kerala2 days ago

കുമ്മനം രാജശേഖരനെതിരെ പിന്നാക്ക ന്യൂനപക്ഷ വോട്ടുകള്‍ ഏകീകരിച്ചെന്ന് നിരീക്ഷകര്‍..!! പത്തനംതിട്ടയിലും പ്രവചനാതീതം

Kerala1 day ago

നികുതിയായി നല്‍കാനുള്ളത് 15 കോടി…!! ബസുകളില്‍ നിരവധി ക്രമക്കേടുകള്‍; അനധികൃത കടത്തും പിടിച്ചു

Trending

Copyright © 2019 Dailyindianherald