രാഹുൽ ഗാന്ധിയെ അപമാനിക്കുന്നതിനു ഉപയോഗിക്കുന്ന;ബിജെപിയുടെ “പപ്പു’ പ്രയോഗത്തിൽ കത്രികവെച്ച് ഇലക്ഷൻ കമ്മീഷൻ; ഒഴിവാക്കാൻ നിർദേശം

അലഹബാദ്: ബിജെപിക്ക് കനത്ത തിരിച്ചടി …ഗുജറാത്ത് തെരഞ്ഞെടുപ്പിനു മുന്നോടിയായി ബിജെപി തയാറാക്കിയ പരസ്യത്തിൽ കത്രിക വെച്ച് ഇലക്ഷൻ കമ്മീഷൻ. ദൃശ്യമാധ്യമ പരസ്യത്തിൽ ഉടനീളം ഉപയോഗിച്ചിട്ടുള്ള “പപ്പു’ എന്ന വാക്ക് അടിയന്തിരമായി ഒഴിവാക്കണമെന്നാണ് കമ്മീഷന്‍റെ നിർദേശം. ഈ വാക്ക് സമൂഹമാധ്യമങ്ങളിൽ, കോൺഗ്രസ് ഉപാധ്യക്ഷൻ രാഹുൽ ഗാന്ധിയെ അപമാനിക്കുന്നതിനു ഉപയോഗിക്കുന്നതാണെന്നും ഇത്തരത്തിൽ അപകീർത്തിപരമായ പരാമർശങ്ങൾ അനുവദിക്കാനാവില്ലെന്നും ചൂണ്ടിക്കാട്ടിയാണ് കമ്മീഷൻ നടപടി.bjpnnn

ഗുജറാത്ത് ചീഫ് ഇലക്ടറൽ ഓഫീസർ മേധാവിയായുള്ള മീഡിയ കമ്മിറ്റിയും ഇതിനെ എതിർത്തിട്ടുണ്ടെന്ന് ബിജെപി നേതൃത്വം തന്നെ വ്യക്തമാക്കി. ഇതേത്തുടർന്ന് ഈ വാക്ക് മാറ്റുമെന്നും പകരം പുതിയ വാക്ക് ചേർത്ത ശേഷം പരസ്യം അനുമതിക്കായി വീണ്ടും സമർപ്പിക്കുമെന്നും ബിജെപി നേതൃത്വം അറിയിച്ചു. എന്നാൽ, പരസ്യത്തിൽ ഉപയോഗിച്ച “പപ്പു’ എന്ന വാക്ക് ആരെയും അപകീർത്തിപ്പെടുത്തുന്ന തരത്തിലുള്ളതല്ലെന്നും പാർട്ടി നേതാക്കൾ വ്യക്തമാക്കി.

Daily Indian Herald വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1 | Telegram Group | Google News ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക
Top