കല്യാണം കഴിഞ്ഞ ഒരാളുമായി ഞാന്‍ ബന്ധത്തിലാണ്;ഗോപി സുന്ദറുമായുള്ള ബന്ധത്തെ കുറിച്ച് ഗായിക അഭയ ഹിരണ്മയി

സംഗീത സംവിധായന്‍ ഗോപീസുന്ദറുമായുള്ള തന്റെ ബന്ധത്തെക്കുറിച്ച് തുറന്നു പറഞ്ഞ് ഗായിക അഭയ ഹിരണ്മയി. തന്റെ ഫേസ്ബുക്ക് പോസ്റ്റിലൂടെയാണ് ഗോപീസുന്ദറുമായുള്ള ബന്ധത്തെ കുറിച്ച് അഭയ മനസു തുറന്നത്. കോയിക്കോട് എന്ന ഗാനം പാടി ഹിറ്റാക്കിയ താരം യാതൊരുവിധ മടിയുമില്ലാതെയാണ് തങ്ങളുടെ ജീവിതനിമിഷങ്ങള്‍ വിവരിക്കുന്നത്. നിരവധി വേദികളില്‍ പ്രത്യക്ഷപ്പെട്ടിട്ടുണ്ടെങ്കിലും തങ്ങളുടെ ഈ ബന്ധത്തെക്കുറിച്ച് തുറന്ന് പറയേണ്ടി വന്നിട്ടില്ലെന്ന് അഭയ വ്യക്തമാക്കുന്നു. ഈ സാഹചര്യത്തിലാണ് ഗോപീസുന്ദറുമായുള്ള ബന്ധം അഭയ തുറന്നുപറയുന്നത്.

അഭയ ഹിരണ്മയിയുടെ ഫേസ്ബുക്ക് പോസ്റ്റിന്റെ പൂര്‍ണരൂപം;

2008 മുതല്‍ 2019 ഞങ്ങള്‍ ഒരുപാട് തവണ വേദികളില്‍ ഒരുമിച്ച് വന്നപ്പോള്‍ പോലും ഞാന്‍ എന്റെ ബന്ധത്തെ കുറിച്ച് തുറന്നുപറയാന്‍ ശ്രമിച്ചിട്ടില്ല. അതെ, കല്യാണം കഴിഞ്ഞ ഒരാളുമായി ഞാന്‍ ബന്ധത്തിലാണ് (നിയപരമായി കല്യാണത്തില്‍ അകപ്പെട്ട ഒരാളുമായി) കഴിഞ്ഞ 8 വര്‍ഷമായി ഞങ്ങള്‍ ഒരുമിച്ച് ജീവിക്കുന്നു.

അതെ, ഞാന്‍ ആരേയും മുമ്പ് വിവാഹം കഴിച്ചിട്ടില്ല. ഞങ്ങള്‍ തമ്മില്‍ 12 വയസ്സിന്റെ വ്യത്യാസമുണ്ട്. അതെ, ശാശീരിക വലിപ്പത്തില്‍ അയാള്‍ വലിയ ആണാണ്. അതിനുമുന്നില്‍ ഞാന്‍ വളരെ ചെറുതും. ഞങ്ങള്‍ തമ്മില്‍ ഒരുപാട് വ്യത്യാസങ്ങള്‍ ഉണ്ട്. എന്നിരുന്നാലും സന്തോഷമായി ജീവിച്ചുപോരുന്നു. ഞങ്ങളുടേതായ നിമിഷങ്ങളില്‍ ജീവിക്കുന്നു.

ഇനി, മഞ്ഞചാനലുകള്‍ക്കും പത്രക്കാര്‍ക്കും വേണമെങ്കില്‍ എന്നെ കീപ്പ്, കാമുകി, എന്നോ കുലസ്ത്രീകള്‍ക്ക് എന്നെ കുടുംബം കലക്കി എന്നോ എന്തുവേണെമെങ്കിലും വിളിക്കാം. ഞാന്‍ ഓടിയോടി ക്ഷീണിച്ചു. ഇനി ഭയപ്പെടാന്‍ വയ്യ. വിധിയെഴുത്തിനായി എന്റെയും ഗോപീ സുന്ദറിന്റെയും പേജ് തുറന്നുവയ്ക്കുന്നു. നിങ്ങളുടെ പൊങ്കാല കാണട്ടെ അല്‌ളെങ്കില്‍ എന്റെ ആറ്റുകാല്‍ പൊങ്കാല ആയിരിക്കും നല്ലത്. എല്ലാവര്‍ക്കും വേണ്ടി പ്രാര്‍ത്ഥിക്കാം.

Latest
Widgets Magazine