Connect with us

mainnews

കെ.സുരേന്ദ്രനെതിരെ ഹൈക്കോടതി; സുരേന്ദ്രന്‍ എന്തിന് ശബരിമലയില്‍ പോയി? അയ്യപ്പഭക്തര്‍ കാണിക്കുന്ന കാര്യങ്ങളല്ല സുരേന്ദ്രന്‍ കാണിക്കുന്നത്.സുരേന്ദ്രന്റെ റിമാൻഡ് കാലാവധി നീട്ടി.

Published

on

കൊച്ചി:കെ സുരേന്ദ്രനെതിരെ രൂക്ഷവിമര്‍ശനവുമായി ഹൈക്കോടതി. ശബരിമലയിലെ സുരേന്ദ്രന്റെ പ്രവര്‍ത്തികളെ ന്യായീകരിക്കാനാവില്ലെന്ന് വിമര്‍ശിച്ച കോടതി.സുരേന്ദ്രന്‍ എന്തിനാണ് ശബരിമലയില്‍ പോയത് എന്നും ആരാഞ്ഞു. സുരേന്ദ്രന്‍ സുപ്രീംകോടതിവിധി മാനിച്ചില്ലെന്നും കോടതി വിമര്‍ശിച്ചു. ശബരിമലയിലെ അക്രമങ്ങള്‍ക്ക് നേതൃത്വം നല്‍കിയത് സുരേന്ദ്രനാണെന്ന് സര്‍ക്കാര്‍ കോടതിയെ അറിയിച്ചു . ചിത്തിര ആട്ടവിശേഷത്തിനിടെ കുട്ടിയുടെ ചോറൂണിനെത്തിയ സ്ത്രീയെ തടഞ്ഞെന്ന കേസിൽ ബിജെപി നേതാവ് കെ.സുരേന്ദ്രന്റെ റിമാൻഡ് നീട്ടി. 14 ദിവസത്തേക്കു കൂടിയാണു റിമാൻഡ് നീട്ടിയത്. മകന്റെ കുട്ടിയുടെ ചോറൂണിനെത്തിയ ലളിതയെന്ന സ്ത്രീയെ തടഞ്ഞെന്നാണു കേസ്.

അതേസമയം, തന്നെ ആജീവനാന്തം ജയിലിൽ ഇടാനുള്ള ഗൂഢാലോചനയാണു സർക്കാരിന്റേതെന്ന് സുരേന്ദ്രൻ ആരോപിച്ചു. അതിന്റെ ഭാഗമായിട്ടാണു ചായ വാങ്ങിത്തന്ന സിഐയെ സസ്പെൻഡ് ചെയ്തത്. മനപൂർവം പ്രശ്നങ്ങൾ ഉണ്ടാക്കാനാണു ശബരിമലയിൽ ദർശനത്തിനു പോയ തന്നെ പിടിച്ചു ജയിലിൽ ഇട്ടതെന്നും സുരേന്ദ്രൻ പറഞ്ഞു.

ചിത്തിര ആട്ട ദിവസം 52 കാരിയെ സന്നിധാനത്ത് ആക്രമിച്ച സംഭവത്തില്‍ ജാമ്യം തേടി സുരേന്ദ്രന്‍ സമര്‍പ്പിച്ച ഹര്‍ജിയാണ് ഹൈക്കോടതി പരിഗണിച്ചത്.ജാമ്യാപേക്ഷയെ സര്‍ക്കാര്‍ എതിര്‍ത്തു. ശബരിമലയിലെ അക്രമങ്ങള്‍ക്ക് നേതൃത്വം നല്‍കിയത് സുരേന്ദ്രന്‍ ആണെന്ന് സര്‍ക്കാര്‍ കോടതിയെ അറിയിച്ചു.യുവതി പ്രവേശനം വിധി നടപ്പാക്കാതിരിക്കാന്‍ ആള്‍ക്കൂട്ട ആക്രമണത്തിന് സുരേന്ദ്രന്‍ നേതൃത്വംനല്‍കിയെ ന്നും ഇതിന് തെളിവുണ്ടെന്നും പ്രോസിക്യൂഷന്‍ കോടതിയെ അറിയിച്ചു.

രാഷ്ട്രീയ അജണ്ട നടപ്പാക്കാന്‍ ശബരിമലയില്‍ സമരത്തിന് നേതൃത്വം നല്‍കുകയാണ് സുരേന്ദ്രന്‍ ചെയ്തത് . സംഘര്‍ഷത്തിന് നേതാക്കളെ ചുമതലപ്പെടുത്തി സര്‍ക്കുലര്‍ ഇറക്കി. ഫേസ്ബുക്ക് പോസ്റ്റും ചിത്രങ്ങളും അടക്കം രേഖകള്‍ പ്രോസിക്യൂഷന്‍ കോടതിക്ക് കൈമാറി.

തുടര്‍ന്നാണ് സുരേന്ദ്രനെതിരെ രൂക്ഷവിമര്‍ശനം കോടതി നടത്തിയത്. സുരേന്ദ്രന്‍ എന്തിനാണ് ശബരിമലയില്‍ പോയത് എന്ന് കോടതി ചോദിച്ചു.സുരേന്ദ്രന്റെ പ്രവര്‍ത്തികളെ ന്യായീകരിക്കാന്‍ ആവില്ല. സുരേന്ദ്രന്‍ സുപ്രീംകോടതി വിധി മാനിച്ചില്ല എന്നും കോടതി വിമര്‍ശിച്ചു. ശബരിമലയില്‍ എത്തുന്ന ഭക്തര്‍ ചെയ്യുന്ന കാര്യങ്ങള്‍ അല്ല സുരേന്ദ്രന്‍ ചെയ്തത്.

ശബരിമലയില്‍ എത്തുന്ന ഭക്തരുടെ പ്രായം പരിശോധിക്കാന്‍ എന്ത് അധികാരമാണുള്ളത് എന്നും കോടതി ചോദിച്ചു.സുരേന്ദ്രന്‍ ഭരണഘടന അവകാശത്തെ കുറിച്ചാണ് പറയുന്നത്. സുരേന്ദ്രന്‍ ഉള്‍പ്പെടെയുള്ളവര്‍ തടഞ്ഞ വര്‍ക്കും ഭരണഘടന അവകാശമുണ്ടെന്നും ഹൈക്കോടതി ഓര്‍മിപ്പിച്ചു.

അതേസമയം ടി.പി.വധക്കേസ് പ്രതികള്‍ക്ക് എല്ലാ സൗകര്യവും കൊടുക്കുന്ന പൊലീസാണ് തനിക്ക് ചായ വാങ്ങി തന്നതിന്റെ പേരില്‍ പൊലീസ് ഉദ്യോഗസ്ഥനെ സസ്‌പെന്‍ഡ് ചെയ്തതെന്ന് ബിജെപി ജനറല്‍ സെക്രട്ടറി കെ.സുരേന്ദ്രന്‍. പത്തനംതിട്ട കോടതിയില്‍ ഹാജരാക്കാന്‍ എത്തിച്ചപ്പോഴായിരുന്നു സുരേന്ദ്രന്‍ മാധ്യമങ്ങളോട് ഇക്കാര്യം പ്രതികരിച്ചത്.

ഏറ്റവും വലിയ ഫാസിസ്റ്റ് മുഖ്യമന്ത്രിയാണ് പിണറായി വിജയന്‍. ജനാധിപത്യം സംരക്ഷിക്കാനാണ് കേരളത്തില്‍ മതില്‍ പണിയേണ്ടത്. തെറ്റായ റിപ്പോര്‍ട്ടാണ് കോടതിയില്‍ പൊലീസ് നല്‍കിയത്. കോടതിയെ പൊലീസ് തെറ്റിദ്ധരിപ്പിച്ചു. തനിക്കെതിരെ ഗൂഡാലോചന നടക്കുന്നു എന്നും സുരേന്ദ്രന്‍ പറഞ്ഞു.

റിമാന്‍ഡ് കാലാവധി 14 ദിവസത്തേക്ക് നീട്ടിയതോടെ സുരേന്ദ്രനെ തിരുവനന്തപുരം സെന്‍ട്രല്‍ ജയിലിലേക്ക് കൊണ്ട് പോയി. ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് ആണ് റിമാന്‍ഡ് നീട്ടിയത്. അതിനിടെ, ശബരിമലയിലും നിലയ്ക്കലിലും സുരേന്ദ്രന്‍ കാണിച്ച കാര്യങ്ങള്‍ ന്യായീകരിക്കാനാവില്ലെന്നും ഏത് സാഹചര്യത്തിലാണ് സുരേന്ദ്രന്‍ അവിടെ പോയതെന്നും ഹൈക്കോടതി പരാമര്‍ശിച്ചു. സുരേന്ദ്രനെ പോലെ ഒരു പാര്‍ട്ടിയുടെ പ്രധാന പദവിയിലിരിക്കുന്നയാള്‍ ഇങ്ങനെ പെരുമാറരുതായിരുന്നു. ഭക്തിയുടെ പേരില്‍ കലാപം അഴിച്ച് വിടരുതെന്നും ഹൈക്കോടതി അഭിപ്രായപ്പെട്ടു.

Kerala

വോട്ടെടുപ്പിന് പിന്നാലെ യുഡിഎഫില്‍ പോര്..!! പിരിച്ചെടുത്തു നല്‍കിയ ഫണ്ടുപോലും തന്നില്ലെന്ന് പാലക്കാട് സ്ഥാനാര്‍ത്ഥി

Published

on

പാലക്കാട്: ലോക്സഭാ തിരഞ്ഞെടുപ്പിന്റെ പോളിംഗ് കഴിഞ്ഞ ഉടന്‍ യു.ഡി.എഫില്‍ പൊട്ടിത്തെറി തുടങ്ങി. തനിക്കെതിരെ തിരഞ്ഞെടുപ്പില്‍ ഗൂഢാലോചന നടന്നെന്ന് പാലക്കാട്ടെ യു.ഡി.എഫ് സ്ഥാനാര്‍ത്ഥിയും ഡി.സി.സി. പ്രസിഡന്റുമായ വി.കെ.ശ്രീകണ്ഠന്‍ പ്രതികരിച്ചു. ഇതിന്റെ വിശദാശങ്ങള്‍ തിരഞ്ഞെടുപ്പ് ഫലം വരുന്നതോടെ പുറത്തുവരുമെന്നും അദ്ദേഹം മാദ്ധ്യമങ്ങളോട് പറഞ്ഞു.

ജില്ലയില്‍ പിരിച്ചെടുത്തു നല്‍കിയ ഫണ്ടുപോലും കെ.പി.സി.സിയില്‍ നിന്ന് തന്നില്ലെന്നാണ് ആരോപണം. പാര്‍ട്ടിക്കുള്ളിലല്ല ഗൂഢാലോചന നടന്നതെന്നും ആരാണ് ഗൂഢാലോചന നടത്തിയതെന്ന് ഫലപ്രഖ്യാപനത്തിനു ശേഷം തെളിവ് സഹിതം പുറത്തുവിടുമെന്നും അദ്ദേഹം പറഞ്ഞു.

പാലക്കാട് യുഡിഎഫ് നടത്തിയത് വലിയ മുന്നേറ്റമായിരുന്നു. അതില്‍ വിറളിപൂണ്ട ചിലരാണ് തനിക്കെതിരായ ഗൂഢാലോചന നടത്തിയത്. അത് പാര്‍ട്ടിയിലോ മുന്നണിയിലോ ഉള്ള ആളുകളല്ല. യുഡിഎഫിലും കോണ്‍ഗ്രസിലും എല്ലാവരും ഒറ്റക്കെട്ടായാണ് പ്രവര്‍ത്തിച്ചത്. രാഷ്ട്രീയ എതിരാളികളാണ് ഗൂഢാലോചന നടത്തിയത്. അതു സംബന്ധിച്ച് ഫലപ്രഖ്യാപനത്തിനു ശേഷം പറയുമെന്നും അദ്ദേഹം വ്യക്തമാക്കി.

കെപിസിസിക്കെതിരെ താന്‍ പ്രസ്താവന നടത്തിയെന്ന വാര്‍ത്തയെ അദ്ദേഹം തള്ളിക്കളഞ്ഞു. കെപിസിസി ഫണ്ട് നല്‍കിയില്ലെന്ന് താന്‍ ആരോപിച്ചിട്ടില്ലെന്നും അദ്ദേഹം പറഞ്ഞു. പാലക്കാടിന് കെപിസിസി മുന്തിയ പരിഗണനയാണ് നല്‍കിയതെന്നും അദ്ദേഹം വ്യക്തമാക്കി.

പാലക്കാട് തിരഞ്ഞെടുപ്പ് പ്രചാരണത്തിന് തനിക്ക് ഫണ്ട് കെപിസിസി ഫണ്ട് നല്‍കിയില്ലെന്നും അതാണ് പ്രചാരണത്തില്‍ പിന്നിലാകാന്‍ കാരണമെന്നും വി.കെ. ശ്രീകണ്ഠന്‍ പറഞ്ഞതായി ചില മാധ്യമങ്ങള്‍ റിപ്പോര്‍ട്ട് ചെയ്തിരുന്നു.

Continue Reading

mainnews

വയനാട്ടില്‍ രാഹുല്‍ ഗാന്ധിക്ക് ഭൂരിപക്ഷം കുറയുമോയെന്ന ആശങ്കയില്‍ കോണ്‍ഗ്രസ്..സംസ്ഥാനത്ത് രണ്ട് ദിവസത്തെ പര്യടനത്തിന് രാഹുൽ ഗാന്ധി ഇന്ന് കേരളത്തിൽ

Published

on

കൊച്ചി:കേരളത്തില്‍ യുഡിഎഫിന് ലഭിക്കുന്ന ഏറ്റവും വലിയ ഭൂരിപക്ഷം വയനാട്ടില്‍ രാഹുലിനാകണമെന്ന വാശിയിലാണ് പാര്‍ട്ടി. എന്നാല്‍ തെരഞ്ഞെടുപ്പിന് ഒരാഴ്ച്ച മാത്രം ബാക്കിനില്‍ക്കേ വയനാട്ടില്‍ കാര്യങ്ങള്‍ അത്ര പന്തിയല്ലെന്ന തിരിച്ചറിവിലാണ് യുഡിഎഫ് നേതൃത്വം.വയനാട്ടില്‍ രാഹുല്‍ ഗാന്ധിക്ക് വലിയ ഭൂരിപക്ഷം കിട്ടില്ലെന്ന അഭിപ്രായ സര്‍വേ ഫലങ്ങള്‍ പുറത്തുവന്നതോടെ പ്രചാരണത്തില്‍ കൂടുതല്‍ സജീവമാകാന്‍ കോണ്‍ഗ്രസ് നേതൃത്വം ഒരുങ്ങുന്നു.

ജയം ഉറപ്പാണെങ്കിലും ലക്ഷത്തില്‍ കുറഞ്ഞൊരു ഭൂരിപക്ഷം രാഹുലിന് ക്ഷീണം ചെയ്യും. അതുകൊണ്ട് തന്നെ വയനാട്ടില്‍ കൂടുതല്‍ ശ്രദ്ധ ചെലുത്തണമെന്ന നിര്‍ദേശം ഹൈക്കമാന്‍ഡ് നല്കിയിട്ടുണ്ട്. വരുംദിവസങ്ങളില്‍ കൂടുതല്‍ നേതാക്കളെ വയനാട്ടിലേക്ക് എത്തിക്കാനാണ് യുഡിഎഫ് ലക്ഷ്യമിടുന്നത്. ഇപ്പോള്‍ മറ്റു മണ്ഡലങ്ങളില്‍ ശ്രദ്ധ ചെലുത്തിയിരുന്ന നേതാക്കളെയും വയനാട്ടിലേക്ക് എത്തിക്കും.

വയനാട്ടില്‍ തോല്‍വി ഉറപ്പെങ്കിലും എല്‍ഡിഎഫ് ശക്തമായ പ്രചാരണമാണ് നടത്തുന്നത്. അടിത്തട്ടിലും പ്രവര്‍ത്തനം ശക്തമാണ്. കഴിഞ്ഞദിവസം നടന്ന ഒരു അഭിപ്രായ സര്‍വേയില്‍ രാഹുലിന് 47 ശതമാനം വോട്ടു മാത്രമാണ് പ്രവചിച്ചത്. ഇടതുസ്ഥാനാര്‍ഥി സുനീറിന് 39 ശതമാനവും. അതായത് രാഹുലിന്റെ ഭൂരിപക്ഷം 60,000ത്തില്‍ താഴെ മാത്രം.എ.ഐ ഷാനവാസ് 2009ല്‍ ഒരുലക്ഷത്തിലധികം വോട്ടുകള്‍ക്ക് ജയിച്ച മണ്ഡലത്തില്‍ കോണ്‍ഗ്രസ് അധ്യക്ഷന്‍ അതില്‍ താഴെ മാത്രം ഭൂരിപക്ഷത്തില്‍ ജയിച്ചാല്‍ ക്ഷീണം കോണ്‍ഗ്രസിനാണ്, കേരള നേതൃത്വത്തിനും. അതുകൊണ്ട് തന്നെയാണ് വയനാട്ടിലേക്ക് കൂടുതല്‍ ശ്രദ്ധ ചെലുത്താന്‍ നേതൃത്വം തയാറെടുക്കുന്നത്.

അതേസമയം രാഹുൽ ഗാന്ധി ഇന്ന് കേരളത്തിലെത്തും. രാത്രിയോടെ തിരുവന്തപുരത്ത് എത്തുന്ന അദ്ദേഹം 16, 17 തീയതികളിൽ കേരളത്തിൽ പര്യടനം നടത്തും. കെപിസിസി പ്രസിഡന്‍റ് മുല്ലപ്പള്ളി രാമചന്ദ്രനാണ് ഇക്കാര്യം അറിയിച്ചത്.

ഏപ്രിൽ 15 ന് തിരുവനന്തപുരത്ത് എത്തുന്ന അദ്ദേഹം 16 ന് രാവിലെ പത്തനാപുരത്തും, പത്തനംതിട്ടയിലും, വൈകുന്നേരം ആലപ്പുഴയിലും, തിരുവനന്തപുരത്തും നടക്കുന്ന പൊതു പരിപാടികളിൽ പ്രസംഗിക്കും. തുടർന്ന് അദ്ദേഹം കണ്ണൂരിലേക്ക് പുറപ്പെടും. 17 ന് രാവിലെ 7.30ന് കണ്ണൂർ സാധു ആഡിറ്റോറിയത്തിൽ വച്ച് കാസർഗോഡ്, കോഴിക്കോട്, കണ്ണൂർ ജില്ലകളിൽ നിന്നുള്ള യു.ഡി.എഫ് നേതാക്കളുമായി കൂടിക്കാഴ്ച നടത്തും . തുടർന്ന് വയനാടിലേക്ക് തെരഞ്ഞെടുപ്പ് പര്യടനത്തിനായി പോകുന്ന രാഹുൽ ഗാന്ധി രാവിലെ ബത്തേരിയിലും, തിരുവമ്പാടിലും, വൈകുന്നേരം വണ്ടൂരും, തൃത്താലയും നടക്കുന്ന പൊതു പരിപാടികളിൽ പ്രസംഗിക്കുമെന്ന് മുല്ലപ്പള്ളി രാമചന്ദ്രൻ അറിയിച്ചു.

Continue Reading

mainnews

പാലക്കാടും കാലുവാരൽ ഭീക്ഷണിയിൽ!ഷാഫി പറമ്പില്‍ പാലക്കാട് പ്രചാരണത്തിനില്ല.ഒളിക്യാമറ അഴിമതിക്ക് ശേഷം പ്രവര്‍ത്തിക്കാന്‍ ആളില്ലെന്ന് എം.കെ.രാഘവന്‍.കോണ്‍ഗ്രസ് സ്‌ഥാനാര്‍ത്ഥികള്‍ അങ്കലാപ്പില്‍.

Published

on

തിരുവനന്തപുരം: ഷാഫി പറമ്പിൽ എന്താണ് സ്വന്തം തട്ടകമായ പാലക്കാട് മണ്ഡലത്തിൽ നിന്നും മാറി നിൽക്കുന്നത് ?ഷാഫിയുടെ മണ്ഡലത്തിലെ വലിഞ്ഞു നിൽക്കൽ ദുരൂഹതയുണ്ട് എന്നാണ് പരക്കെ ആക്ഷേപം .വാശിയേറിയ പ്രചാരണത്തിൽ പാലക്കാട് ശ്രീകണ്ഠൻ വിജയത്തിലേക്ക് എത്തുന്നു എന്ന അവസ്ഥയിൽ എത്തിയപ്പോഴാണ് ഷാഫിയുടെ പിന്മാറ്റം എന്നതിൽ ദുരൂഹതയുണ്ട് .എന്തൊക്കയോ ചീഞ്ഞു നാറുന്നു എന്നും മണ്ഡലത്തിൽ നിന്നും ആരോപണം .അവ ഉടൻ പുറത്ത് വരുക തന്നെ ചെയ്യും .

ഷാഫി പറമ്പില്‍ എം.എല്‍.എ ഉള്‍പ്പെടെ പാലക്കാട്‌ ശ്രദ്ധിക്കാതെ ആലത്തൂര്‍ മണ്ഡലത്തിലാണ്‌ ശ്രദ്ധകേന്ദ്രീകരിക്കുന്നതെന്നാണ്‌ പരാതി. എ ഗ്രൂപ്പ്‌ ഇവിടെ പൂര്‍ണ്ണമായും നിസ്സഹകരണത്തിലാണെന്നും സ്‌ഥാനാര്‍ത്ഥിക്കും മറ്റും പരാതിയുണ്ട്‌.എന്നാല്‍ ഡി.സി.സി പ്രസിഡന്റുകൂടിയായ ശ്രീകണ്‌ഠന്‍ സ്വന്തം നിലയില്‍ ആരെയും വിശ്വാസത്തിലെടുക്കാതെ മുന്നോട്ടുപോകുകയാണെന്ന്‌ മറുപക്ഷവും പറയുന്നു. ഘടകകക്ഷികളും ഇക്കാര്യം നേതാക്കളുടെ ശ്രദ്ധയില്‍പ്പെടുത്തിയിട്ടുണ്ട്‌.ഇത്തരം വിഷയങ്ങൾ പാലക്കാട്‌ സ്‌ഥാനാര്‍ത്ഥി വി.കെ. ശ്രീകണ്‌ഠനും അദ്ദേഹത്തിന്റെ പ്രചാരണ മാനേജര്‍മാരും ബന്ധപ്പെട്ടവരെ പരാതിയുമായി സമീപിച്ചിട്ടുണ്ട്‌.

കഴിഞ്ഞ ലോക്‌സഭാ തെരഞ്ഞെടുപ്പില്‍ അന്ന്‌ ജെ.ഡി.യുവിലായിരുന്ന എം.പി. വീരേന്ദ്രകുമാറിനെ ഇതേ ഗ്രൂപ്പ്‌ പോരാണ്‌ ഒരുലക്ഷത്തിലധികം വോട്ടിന്‌ പരാജയപ്പെടുത്തിയത്‌. ഇക്കുറി അത്‌ ആവര്‍ത്തിക്കാന്‍ പാടില്ലെന്ന കര്‍ശന നിര്‍ദ്ദേശമാണ്‌ നേതൃത്വം നല്‍കിയിരിക്കുന്നത്‌. ഇടതു, ബി.ജെ.പി സ്‌ഥാനാര്‍ത്ഥികളെ അപേക്ഷിച്ച്‌ പണത്തിന്റെ ബുദ്ധിമുട്ടും യു.ഡി.എഫിനെ വലയ്‌ക്കുന്നു. എന്നാല്‍ ഇതൊക്കെ പരിഹരിക്കാനുള്ള കഠിനപരിശ്രമത്തിലാണ്‌ മുല്ലപ്പള്ളി രാമചന്ദ്രനും മറ്റ്‌ നേതാക്കളും. പരാതിയുള്ളിടങ്ങളില്‍ നേതാക്കള്‍ നേരിട്ട്‌ എത്തിതന്നെ അത്‌ പരിഹരിക്കുന്നതിന്‌ ശ്രമവും നടത്തുന്നുണ്ട്‌.

കോഴിക്കോട്‌ മണ്ഡലത്തില്‍ എം.കെ. രാഘവന്‍ ഒളിക്യാമറയില്‍ കുടുങ്ങിയതു പ്രചാരണത്തെയും ബാധിച്ചതായാണു വിലയിരുത്തല്‍. വടകര മണ്ഡലത്തിലെ യു.ഡി.എഫ്‌. പ്രചാരണത്തില്‍ കോണ്‍ഗ്രസിനേക്കാള്‍ ആവേശത്തോടെ രംഗത്തുള്ളതു മുസ്ലിം ലീഗാണ്‌. കൊലപാതകരാഷ്‌ട്രീയം ഉയര്‍ത്തിക്കാട്ടുന്നുണ്ടെങ്കിലും വടകരയിലെ പ്രചാരണത്തില്‍ പി. ജയരാജന്‍ കൈവരിച്ച മേല്‍ക്കൈ മറികടക്കാന്‍ യു.ഡി.എഫിനു കഴിയുന്നില്ലെന്നതാണു കെ. മുരളീധരനെ വലയ്‌ക്കുന്നത്‌.

തിരുവനന്തപുരം മണ്ഡലത്തിലെ പ്രശ്‌നം നേരത്തെതന്നെ ചൂണ്ടിക്കാട്ടിയിരുന്നു. ഡോ: ശശിതരൂരിനെതിരെ ശക്‌തമായി ഒരുവിഭാഗം നേതാക്കള്‍ രംഗത്തുണ്ട്‌. ഇപ്പോള്‍ അതുമായി ബന്ധപ്പെട്ട്‌ സ്‌ഥാനാര്‍ത്ഥിതന്നെ കെ.പി.സി.സിക്കും എ.ഐ.സി.സി ജനറല്‍ സെക്രട്ടറി മുകുള്‍വാസ്‌നിക്കിനും പരാതി നല്‍കി.

ബി.ജെ.പി ഭീഷണിയായ വട്ടിയൂര്‍ക്കാവ്‌, തിരുവനന്തപുരം, നേമം നിയമസഭാ മണ്ഡലങ്ങളിലൊന്നും തന്നെ തരൂരിന്‌ വേണ്ടി വേണ്ടത്ര പ്രവര്‍ത്തനങ്ങള്‍ നടക്കുന്നില്ലെന്ന്‌ മാത്രമല്ല, ഇത്‌ ഏകോപിപ്പിക്കാന്‍ പോലും ആരുമില്ലാത്ത സ്‌ഥിതിയാണ്‌. ഈ മണ്ഡലങ്ങളില്‍ ആദ്യവട്ട നോട്ടീസ്‌ വിതരണം പോലും പൂര്‍ത്തിയായിട്ടുമില്ല. പ്രചാരണത്തിലെ നിസഹകരണം ചൂണ്ടിക്കാട്ടി ഡി.സി.സി.സെക്രട്ടറി തമ്പാനൂര്‍ സതീഷ്‌ രംഗത്തുവന്നതോടെയാണ്‌ വിഷയം പരസ്യമായിരിക്കുന്നത്‌.

കഴിഞ്ഞ ലോക്‌സഭാ തെരഞ്ഞെടുപ്പിലും ഇതേതരത്തിലുള്ള നീക്കം ചെറിയരീതിയിലെങ്കിലും ഈ മണ്ഡലത്തില്‍ നടന്നിരുന്നു. എന്നാല്‍ അന്ന്‌ വട്ടിയൂര്‍ക്കാവില്‍ കെ. മുരളീധരന്റെ സാന്നിദ്ധ്യം ഒരുവിധം തരൂരിന്‌ സഹായകവുമായി. ഇക്കുറി ഈ പ്രവര്‍ത്തനങ്ങള്‍ ഏകോപിപ്പിക്കാന്‍ മുരളിയുമില്ല. അതുകൊണ്ടുതന്നെ വോട്ട്‌ചോര്‍ച്ച തടയുന്നതിന്‌ വലിയ ബുദ്ധിമുട്ട്‌ നേരിടേണ്ടിവരുമെന്ന ആശങ്കയും തരൂര്‍ ക്യാമ്പിലുണ്ട്‌. മണ്ഡലത്തില്‍ വിപരീതമായി എന്തെങ്കിലും സംഭവിച്ചാല്‍ താനായിരിക്കില്ല ഉത്തരവാദിയെന്നും തരൂര്‍ അറിയിച്ചിട്ടുണ്ട്‌. ഒരു വാര്‍ത്താചാനല്‍ നടത്തിയ സ്‌റ്റിംഗ്‌ ഓപ്പറേഷന്‌ ശേഷം മറ്റ്‌ നേതാക്കളില്‍ നിന്നും വേണ്ട പിന്തുണ കിട്ടുന്നില്ലെന്ന്‌ എം.കെ. രാഘവന്‍ നേതൃത്വത്തെ അറിയിച്ചു.

അതുപോലെ തിരുവനന്തപുരം, കോഴിക്കോട്‌, പാലക്കാട്‌ , വടകര മണ്ഡലങ്ങളില്‍ നിന്ന്‌ സ്‌ഥാനാര്‍ത്ഥികളില്‍ നിന്നുള്‍പ്പെടെ നിരവധി പരാതികളാണ്‌ കെ.പി.സി.സിക്ക്‌ ലഭിക്കുന്നത്‌. മാത്രമല്ല, പ്രചാരണ കമ്മിറ്റികളില്‍ വേണ്ടത്ര പ്രാതിനിധ്യം ലഭിക്കുന്നില്ലെന്ന പരാതികള്‍ ഘടകകക്ഷികള്‍ക്കുമുണ്ട്‌.കോണ്‍ഗ്രസിന്റെ മുതിര്‍ന്ന നേതാക്കളും ഗ്രൂപ്പ്‌ നേതാക്കളും പ്രചാരണത്തിന്‌ ഇറങ്ങുന്നില്ലെന്നാണു പരാതി.

വയനാട്ടിലെ സ്‌ഥാനാര്‍ഥിയായി രാഹുല്‍ ഗാന്ധിയുടെ വരവ്‌ മറ്റു മണ്ഡലങ്ങളിലും തരംഗമാകുമെന്നായിരുന്നു കോണ്‍ഗ്രസിന്റെ അവകാശവാദം. എന്നാല്‍, വയനാട്ടിലെ റോഡ്‌ ഷോ വന്‍വിജയമായതിനപ്പുറം മറ്റു മണ്ഡലങ്ങളില്‍ കാര്യമായ സ്വാധീനം ചെലുത്തിയിട്ടില്ലെന്നാണു സ്‌ഥാനാര്‍ഥികളുടെ പരാതി.സംഘടനാപരമായ ദൗര്‍ബല്യവും ഗ്രൂപ്പ്‌ പ്രശ്‌നങ്ങളും ഇക്കുറിയും കോണ്‍ഗ്രസിനെ വലയ്‌ക്കുന്നു. വയനാട്‌ രാഹുല്‍ഗാന്ധി മത്സരത്തിനെത്തിയതോടെ സമീപ മണ്ഡലങ്ങളിലെ നേതാക്കള്‍ അവിടെ ശ്രദ്ധകേന്ദ്രീകരിക്കുന്നുവെന്ന്‌ മറ്റ്‌ സ്‌ഥാനാര്‍ത്ഥികള്‍ക്ക്‌ പരാതിയുമുണ്ട്‌.തെരഞ്ഞെടുപ്പില്‍ വിപരീതഫലമുണ്ടായാല്‍ കര്‍ശന നടപടിയുണ്ടാകുമെന്ന്‌ ഡി.സി.സികള്‍ക്ക്‌ കെ.പി.സി.സി പ്രസിഡന്റ്‌ മുല്ലപ്പള്ളി രാമചന്ദ്രന്റെ അന്ത്യശാസനം.

കൂടുതൽ വാർത്തകൾക്കായി ഡെയിലി ഇന്ത്യൻ ഹെറാഡ്  Facebook പേജ് ലൈക്ക് ചെയ്യൂ. https://www.facebook.com/DailyIndianHeraldnews/

Continue Reading
International6 hours ago

തീവ്രവാദം: സൗദിയില്‍ 37 പ്രതികളുടെ തല വെട്ടി..!! ഷിയാ വിഭാഗക്കാരുടെ വധശിക്ഷയാണ് നടപ്പിലാക്കിയത്

Entertainment7 hours ago

സിക്‌സ് പാക്കില്‍ നിന്നും റൈസ് പാക്കിലേയ്ക്ക്: സുദേവ് നായരുടെ ചിത്രങ്ങള്‍ വൈറലാകുന്നു

Kerala9 hours ago

മമ്മൂട്ടിയ്ക്ക് ഹുങ്കാണെന്ന് അല്‍ഫോണ്‍സ് കണ്ണന്താനം; മോഹന്‍ലാലിനെ കണ്ടതിലെ വിരോധം

Kerala9 hours ago

മാപ്പ് പറഞ്ഞിട്ടില്ലെന്ന് ശ്രീധരന്‍ പിള്ള; ടിക്കാറാം മീണയ്‌ക്കെതിരെ കോടതിയെ സമീപിക്കും

Kerala14 hours ago

വോട്ടെടുപ്പിന് പിന്നാലെ യുഡിഎഫില്‍ പോര്..!! പിരിച്ചെടുത്തു നല്‍കിയ ഫണ്ടുപോലും തന്നില്ലെന്ന് പാലക്കാട് സ്ഥാനാര്‍ത്ഥി

International15 hours ago

യാത്രാമൊഴി നൽകി ശ്രീലങ്ക; മുന്നറിയിപ്പ് അവഗണിച്ചതിന് നൽകിയത് വലിയവില

fb post16 hours ago

ഉയർന്ന പോളിംഗ് ആചാരാനുഷ്ഠാനങ്ങളിൽ വ്രണിത ഹൃദയരായ വീട്ടമ്മമാർ പ്രതികരിച്ചതോ? ബാലചന്ദ്രമേനോൻ എഴുതുന്നു

Kerala16 hours ago

ശക്തമായ പോളിംഗ് ബിജെപിയ്ക്ക് സാധ്യതയേറുന്നോ…? കൂട്ടിയും കിഴിച്ചും ഒരുമാസം

National2 days ago

വോട്ടിന് മുൻപ് അമ്മയുടെ അനുഗ്രഹം തേടി പ്രധാനമന്ത്രി

Kerala3 days ago

പ​യ്യ​ന്നൂ​രി​ൽ അ​ൻ​പ​തു​കാ​ര​നെ ട്രെ​യി​നി​ൽ നി​ന്നും ത​ള്ളി​യി​ട്ടു

National3 weeks ago

നരേന്ദ്ര മോദിയെ വരാണസിയില്‍ നേരിടാന്‍ പ്രിയങ്ക..!! പ്രതിപക്ഷ ഐക്യസ്ഥാനാര്‍ത്ഥി ആയാല്‍ ഫലം പ്രവചനാതീതം

International6 hours ago

തീവ്രവാദം: സൗദിയില്‍ 37 പ്രതികളുടെ തല വെട്ടി..!! ഷിയാ വിഭാഗക്കാരുടെ വധശിക്ഷയാണ് നടപ്പിലാക്കിയത്

Kerala16 hours ago

ശക്തമായ പോളിംഗ് ബിജെപിയ്ക്ക് സാധ്യതയേറുന്നോ…? കൂട്ടിയും കിഴിച്ചും ഒരുമാസം

fb post16 hours ago

ഉയർന്ന പോളിംഗ് ആചാരാനുഷ്ഠാനങ്ങളിൽ വ്രണിത ഹൃദയരായ വീട്ടമ്മമാർ പ്രതികരിച്ചതോ? ബാലചന്ദ്രമേനോൻ എഴുതുന്നു

Kerala2 weeks ago

ലോക്‌സഭ ഇലക്ഷൻ: കേരളത്തില്‍ ഇടത് തരംഗം; എന്‍ഡിഎയ്ക്കും സീറ്റ്; ഏറ്റവും പുതിയ സര്‍വേഫലം പറയുന്നത് ഇങ്ങനെ

National2 days ago

വോട്ടിന് മുൻപ് അമ്മയുടെ അനുഗ്രഹം തേടി പ്രധാനമന്ത്രി

Crime2 weeks ago

സീരിയല്‍ നടിക്ക് പീഡനം..!! മലയാളത്തില്‍ അമ്മവേഷം ചെയ്യുന്ന നടിയെ ഭീഷണിപ്പെടുത്തി യുവാവ് പീഡനത്തിനിരയാക്കി

International15 hours ago

യാത്രാമൊഴി നൽകി ശ്രീലങ്ക; മുന്നറിയിപ്പ് അവഗണിച്ചതിന് നൽകിയത് വലിയവില

Kerala14 hours ago

വോട്ടെടുപ്പിന് പിന്നാലെ യുഡിഎഫില്‍ പോര്..!! പിരിച്ചെടുത്തു നല്‍കിയ ഫണ്ടുപോലും തന്നില്ലെന്ന് പാലക്കാട് സ്ഥാനാര്‍ത്ഥി

Crime2 weeks ago

അമ്മ നടിയെ പീഡിപ്പിച്ചത് ഹോട്ടലിലും വീട്ടിലുംവച്ച്..!! ദൃശ്യങ്ങള്‍ വാട്‌സാപ്പില്‍ പ്രചരിപ്പിച്ചു

Trending

Copyright © 2019 Dailyindianherald