Connect with us

News

കേരളത്തില്‍ 2004 ആവര്‍ത്തിക്കും!!!വയനാടും കോൺഗ്രസിന് നഷ്ടമാകും.ആദിവാസി-ദളിത് വോട്ടുകൾ ഇടതിലേക്ക്.

Published

on

കോഴിക്കോട് :കോൺഗ്രസിന്റെ ഉരുക്കു കോട്ടയായ വയനാടും നഷ്ടമാകുന്നു .ആദിവാസി ദളിത് വോട്ടുകൾ -പിന്നോക്ക സമുദായങ്ങളുടെ വോട്ടുകളും ഇടത്തിലേക്ക് കേന്ദ്രീകരിക്കുന്നു .ശബരിമല വിഷയത്തിൽ സവർണ്ണ മേധാവിത്വത്തിനൊപ്പം നിൽക്കുന്നു എന്ന ചിന്തയും സ്ത്രീവിരുദ്ധതക്ക് കോൺഗ്രസ് കൂട്ടുനിൽക്കുന്നു എന്ന ചിന്തയും പൊതുസമൂഹത്തിൽ ഉയരുന്നതിനിടെയാണ് ആദിവാസി സമൂഹത്തിൽ നിർണായക ശക്തിയുള്ള സികെ.ജാനുവും പാർട്ടിയും ഇടതിലേക്ക് ചേക്കേറുന്നത് .ഇത് വോട്ടുബാങ്കിൽ നിർണായക സ്വാധീനം ഉണ്ടാക്കും.വയനാട് മണ്ഡലം അടക്കം യു.ഡി എഫിന് നഷ്ടമാകും . സികെ ജാനു നേതൃത്വം കൊടുക്കുന്ന ജനാധിപത്യ രാഷ്ട്രീയ സഭ ഇടതുപക്ഷ ജനാധിപത്യ മുന്നണിയിലേക്ക് എത്തുമ്പോൾ അവർക്ക് സ്വാധീനവും വോട്ടു ബാങ്കിൽ ശക്തിയും ഉള്ള ആദിവാസി -ദളിത് വോട്ടുകൾ ക്രോഡീകരിക്കപ്പെടും .

കോഴിക്കോട് നടന്ന പാർട്ടിയുടെ സംസ്ഥാന നേതൃയോഗത്തിലാണ് എൽഡിഎഫുമായി സഹകരിക്കാൻ സികെ ജാനുവിന്‍റെ പാർട്ടി തീരുമാനിച്ചിരിക്കുന്നത് .ശബരിമല പ്രശ്‌നം ചര്‍ച്ച ചെയ്യുന്നതിനായി മുഖ്യമന്ത്രി പിണറായി വിജയന്‍ വിളിച്ച സമുദായ സംഘടനകളുടെ യോഗത്തില്‍ പങ്കെടുക്കാനും സികെ ജാനു സന്നദ്ധത അറിയിച്ചിട്ടുണ്ട്. അതിന് ശേഷമാണ് സികെ ജാനുവിന്റെ എല്‍ഡിഎഫ് മുന്നണി പ്രവേശന വാര്‍ത്തകള്‍ സജീവമായത്. നവോത്ഥാന പാരമ്പര്യമുള്ള സംഘടനകളും നവോത്ഥാന പാരമ്പര്യമുള്ള സംഘടനകളും ഒന്നിച്ചുനില്‍ക്കണം എന്നായിരുന്നു മുഖ്യമന്ത്രി ആവശ്യപ്പെട്ടത്.യു‍ഡിഎഫുമായി ഇതുവരെ ചർച്ചകൾ ഒന്നും നടത്തിയിട്ടില്ലെന്നും ഇടതുപക്ഷ ജനാധിപത്യ മുന്നണിയുമായി ചേർന്ന് പ്രവർത്തിക്കാൻ തന്നെയാണ് തീരുമാനമെന്നും സികെ ജാനു വ്യക്തമാക്കി. 2016 നിയമസഭാ തെരഞ്ഞെടുപ്പ് മുതൽ സികെ ജാനു നേതൃത്വം നൽകുന്ന ജനാധിപത്യ മഹാസഭ എൻഡിഎ മുന്നണിയിലായിരുന്നു. സുൽത്താൻ ബത്തേരി മണ്ഡലത്തിൽ അവർ എൻഡിഎ സ്ഥാനാർത്ഥിയായി മത്സരിക്കുകയും ചെയ്തിരുന്നു.THAROOR 2019

ശബരിമല സമരത്തെ ഹൈജാക്ക് ചെയ്ത ബിജെപി -സംഘ്പരിവാറിനുമൊപ്പം കോൺഗ്രസിലെ മുന്നോക്ക നായർ സമുദായ വോട്ടുകൾ എത്തപ്പെടും .ശബരിമല വിഷയത്തിൽ കോടതിവിധിയെ അംഗീകരിക്കുന്ന ഈഴവ -ദളിത് സമുദായ ഏകീക കരണം ഇടതുമുന്നണിയിലേക്ക് വോട്ട് ബാങ്ക് ക്രോഡീകരിക്കും മുഖ്യമന്ത്രിക്ക് എതിരെ ചോവൻ എന്നുവിളിച്ച് അവഹേളിയച്ചതും ഈഴവ വോട്ടുകൾ മുഖ്യമന്ത്രിക്കും ഇടതുപക്ഷത്തിനുമായി കേന്ദ്രീകരിക്കും .മുന്നോക്ക നായർ സമുദായത്തിലെ നല്ലൊരു ശതമാനം വിശ്വാസികളും ആചാരങ്ങളും അനുഷ്ഠാനങ്ങളും പരിപാലിക്കണം എന്ന് കരുതുന്നവർ ആണെങ്കിലും കോടതിവിധിയെ എതിർക്കുന്നില്ല.വിശ്വാസികളിൽ പലരും ഇടതുപക്ഷമുന്നണിയുടെ സാമീപനത്തോട് ഒപ്പമാണ്.

കോൺഗ്രസിനെ പിന്തുണക്കുന്ന നായർ -മുന്നോക്ക വോട്ടുകൾ വിഭചിക്കപ്പെടുകയും കൂട്ടത്തോടെ ബിജെപിയിൽ എത്തുകയും ചെയ്യുമ്പോൾ ഇട്ടതിനാണ് ഗുണം ഉണ്ടാകുന്നത് .ഇടതുപക്ഷജത്തെ പിന്തുണക്കുന്ന പിന്നോക്ക വിഭാഗങ്ങളുടെ വോട്ടിൽ ചോർച്ച ഉണ്ടാകുന്നുമില്ല .അതേസമയം ആദിവാസി ദളിത് മേഖലയിൽ കോൺഗ്രസിനെ പിന്തുണക്കുന്ന വോട്ടുകൾ ഇടതിലേക്ക് എത്തുമ്പോൾ സമ്പൂർണ്ണ പരാജയം കോൺഗ്രസിനാകും .കേരളത്തിലെ കോൺഗ്രസ് നേതാക്കളായ കെ സുധാകരനും രമേശ് ചെന്നിത്തലയും തീവ്ര ഹിന്ദുത്വ നിലപാടുമായി മുന്നോട്ട് പോകുമ്പോൾ ന്യുനപക്ഷ സമുദായങ്ങളും ഭീതിയോടെ ആണ് നോക്കിക്കാണുന്നത് .മുസ്ലിം -ക്രിസ്ത്യൻ പരമ്പരാഗതമായ കോൺഗ്രസ് യു.ഡി എഫ് വോട്ടുകളും ഇടതിലേക്ക് കേന്ദ്രീകരിക്കപെടുകയാണ് .അതോടെ ഉരുക്കുകോട്ടയായ വയനാടും യു.ഡി.എഫിന് നഷ്ടപ്പെടാൻ സാധ്യത കൂടുതലാണ് .CPM-BJP-dih

2004ല്‍ നടന്ന ലോകസഭാ തിരഞ്ഞെടുപ്പില്‍ സംസ്ഥാനത്തെ 20ല്‍ 19 സീറ്റും എല്‍.ഡി.എഫ് സ്വന്തമാക്കിയിരുന്നു. ജനങ്ങളില്‍ നിന്നും തീര്‍ത്തും ഒറ്റപ്പെട്ട യു.ഡി.എഫിന് സമാന തിരിച്ചടി ഉണ്ടാകുമെന്നാണ് സി.പി.ഐ.എം വിലയിരുത്തൽ .വരുന്ന ലോക് സഭ തെരഞ്ഞെടുപ്പില്‍ ജനവിരുദ്ധ ശക്തികള്‍ക്ക് തിരിച്ചടി കിട്ടും. യു.ഡി.എഫിന്റെ ജനദ്രോഹനയങ്ങള്‍ ജനങ്ങള്‍ക്ക് മടുത്തു.ഒപ്പം നില്‍ക്കുന്ന കക്ഷികള്‍ക്കും മടുത്തു.കോണ്‍ഗ്രസ്സില്‍ ചേരി തിരിവ് രൂപപ്പെട്ടിരിക്കുന്നു. പ്രധാന കക്ഷികളെല്ലാം വലിയ ഭിന്നിപ്പിലാണ്. സര്‍ക്കാരിന് കൂട്ടുത്തരവാദിത്വം നഷ്ടപ്പെട്ടു. തമ്മില്‍ തല്ലിന്റെ കൂടാരമായി യുഡിഎഫ് മാറി.യുഡിഎഫിനുള്ളിലെ പ്രശ്‌നങ്ങള്‍ ഇതിന്റെ പ്രതിഫലനമാണ്. യുഡിഎഫ് ഗവണ്‍മെന്റ് ജനങ്ങളില്‍ നിന്നും തീര്‍ത്തും ഒറ്റപ്പെട്ടു. യുഡിഎഫിനുള്ളിലെ ജനവിരുദ്ധത എല്‍ഡിഎഫിന്റെ വിശ്വാസ്യത വര്‍ദ്ധിപ്പിക്കുന്നു.അത് കൊണ്ട് തന്നെ 2004ലെ ലോക് സഭ തെരഞ്ഞെടുപ്പില്‍ നേടിയ മികച്ച വിജയം ഇത്തവണ എല്‍.ഡി.എഫ് ആവര്‍ത്തിക്കും

അതിനാൽ സംസ്ഥാന ഭരണത്തിന്റെ കരുത്തിൽ ഇടതു മുന്നണിയും, ഭരണത്തിന്റെ നെഗറ്റീവ് പരമർശങ്ങളില്ലാത്ത പ്രതിപക്ഷമായി കോൺഗ്രസും, നിയമസഭയിലെ ഒരു സീറ്റ് പത്തായി ഉയർത്താൻ അരയും തലയും മുറുക്കി ബിജെപിയും രംഗത്തിറങ്ങുമ്പോൾ 2019 ൽ കേരളത്തിലെ ലോക്‌സഭാ പോരാട്ടം കനക്കും. കഴിഞ്ഞ തവണ ഭരണ വിരുദ്ധവികാരമുണ്ടായിട്ടു പോലും പന്ത്രണ്ട് സീറ്റ് പിടിച്ചെടുത്ത് ദേശീയ തലത്തിൽ കോൺഗ്രസിന്റെ മാനം രക്ഷിച്ച പ്രകടനം തന്നെയാണ് ഇക്കുറിയും കേരളത്തിൽ നിന്നും പ്രതീക്ഷിക്കുന്നത്. എന്നാൽ, 2004 ന്റെ തുടർ ചലനമാണ് ഇക്കുറി സിപിഎം അടങ്ങുന്ന ഇടതു മുന്നണി ആഗ്രഹിക്കുന്നത്.

International

തീവ്രവാദം: സൗദിയില്‍ 37 പ്രതികളുടെ തല വെട്ടി..!! ഷിയാ വിഭാഗക്കാരുടെ വധശിക്ഷയാണ് നടപ്പിലാക്കിയത്

Published

on

റിയാദ്: ഇസ്ലാമിക ശരീഅത്ത് നിയമം നിലനില്‍ക്കുന്ന സൗദി അറേബ്യയില്‍ വ്യാഴാഴ്ച തീവ്രവാദ കേസുകളില്‍ പ്രതിയായ 37 ഷിയാ വംശജരുടെ തലവെട്ടിയതായി റിപ്പോര്‍ട്ട്. തീവ്രവാദ നിലപാടുള്ളവരോടുള്ള സന്ദേശമെന്ന നിലയില്‍ ഇതില്‍ ചിലരുടെ തലകള്‍ കമ്പിയില്‍ കുത്തി നിരത്തുകളില്‍ പ്രദര്‍ശിപ്പിച്ചതായും റിപ്പോര്‍ട്ടുണ്ട്.

വാഷിംഗ്ടണില്‍ ഗള്‍ഫ് ഇന്‍സ്റ്റിറ്റ്യൂട്ട് നടത്തുന്ന അലി അല്‍അഹമ്മദ് എന്നയാളെയും വധിച്ചതായി സൗദി ആഭ്യന്തര മന്ത്രാലയം വ്യക്തമാക്കി. അതേസമയം, രാജ്യത്തെ ന്യൂനപക്ഷമായ ഷിയാ വിഭാഗങ്ങളെ കൂട്ടത്തോടെ വധിച്ചത് ഇറാനുമായുള്ള നിലവിലെ തര്‍ക്കങ്ങള്‍ വര്‍ദ്ധിപ്പിക്കാന്‍ ഇടയുണ്ടെന്ന് അന്താരാഷ്ട്ര രംഗത്തെ വിദഗ്ദര്‍ പറയുന്നു.

2016ല്‍ 47 പേരെ തീവ്രവാദ കേസുമായി ബന്ധപ്പെട്ട് വധിച്ചതിന് ശേഷം ആദ്യമായാണ് സൗദി ഇത്രയും പേരെ ഒരുമിച്ച് തലവെട്ടുന്നത്. 1980ന് ശേഷം ഇത്രയും പേരെ ഒരുമിച്ച് വധിച്ചത് അന്ന് ഏറെ അന്താരാഷ്ട്ര ശ്രദ്ധ നേടിയിരുന്നു. പല മനുഷ്യാവകാശ സംഘടനകളും ഇതിനെതിരെ രംഗത്ത് വരികയും ചെയ്തു. ന്യൂനപക്ഷമായ ഷിയാ വിഭാഗക്കാരെ സര്‍ക്കാരിനെതിരെയും രാജകുടുംബത്തിനെതിരെയും സംസാരിച്ചുവെന്ന പേരില്‍ കൊലപ്പെടുത്തുകയാണെന്നാണ് ഇവരുടെ ആരോപണം.

പ്രമുഖ ഷിയാ പണ്ഡിതനുള്‍പ്പെടെ ഉള്ളവരെ വധിച്ചത് അന്ന് പാകിസ്ഥാന്‍, ഇറാന്‍ തുടങ്ങിയ രാജ്യങ്ങളുടെ പ്രതിഷേധത്തിനും കാരണമായിരുന്നു. പിന്നാലെ തെഹ്റാനിലെ സൗദി എംബസി അടച്ചുപൂട്ടുകയും ചെയ്തു. ഇതിന് ശേഷം വഷളായ ഇരുരാജ്യങ്ങളും തമ്മിലുള്ള നയതന്ത്ര ബന്ധം ഇതുവരെ പുനസ്ഥാപിക്കാന്‍ ആയിട്ടില്ല. ഇതിനിടയിലാണ് പുതിയ സംഭവ വികാസങ്ങള്‍.

Continue Reading

Kerala

മമ്മൂട്ടിയ്ക്ക് ഹുങ്കാണെന്ന് അല്‍ഫോണ്‍സ് കണ്ണന്താനം; മോഹന്‍ലാലിനെ കണ്ടതിലെ വിരോധം

Published

on

കൊച്ചി: നടന്‍ മമ്മൂട്ടിക്കെതിരെ വിമര്‍ശനവുമായി എറണാകുളത്തെ എന്‍ഡിഎ സ്ഥാനാര്‍ത്ഥി അല്‍ഫോന്‍സ് കണ്ണന്താനം രംഗത്ത്. എറണാകുളത്തെ ഇടത് – വലത് മുന്നണി സ്ഥാനാര്‍ഥികള്‍ ആണ് മികച്ചവരെന്ന പരാമര്‍ശത്തിനു പിന്നില്‍ മമ്മൂട്ടിയുടെ ഹുങ്കാണെന്നു കണ്ണന്താനം പറഞ്ഞു.

മോഹന്‍ലാലിനെ കണ്ടു പിന്തുണ തേടിയതിലെ വിരോധമാകാം മമ്മൂട്ടിയുടെ പരാമര്‍ശത്തിനു പിന്നില്‍. എറണാകുളത്ത് വിജയിക്കുമെന്നാണ് പ്രതീക്ഷയെന്നും അല്‍ഫോന്‍സ് കണ്ണന്താനം പറഞ്ഞു.

മമ്മൂട്ടി വോട്ട് ചെയ്തിറങ്ങിയപ്പോള്‍ ഇന്നലെ എറണാകുളത്ത് ഇടത് – വലത് സ്ഥാനാര്‍ഥികളായ ഹൈബി ഈഡനും പി.രാജീവും ഒപ്പമുണ്ടായിരുന്നു. ഇരുവരും നല്ല സ്ഥാനാര്‍ഥികളാണെന്നും തനിക്കൊരു വോട്ടല്ലേ ഉള്ളൂവെന്നും മമ്മൂട്ടി പ്രതികരിച്ചിരുന്നു.

Continue Reading

Kerala

മാപ്പ് പറഞ്ഞിട്ടില്ലെന്ന് ശ്രീധരന്‍ പിള്ള; ടിക്കാറാം മീണയ്‌ക്കെതിരെ കോടതിയെ സമീപിക്കും

Published

on

ലോക്സഭാ തിരഞ്ഞെടുപ്പിന്റെ പ്രചാരണത്തിനിടെ നടത്തിയ വിവാദ പരാമര്‍ശങ്ങളുടെ പേരില്‍ താന്‍ തിരഞ്ഞെടുപ്പ് കമ്മിഷനോട് മാപ്പ് പറഞ്ഞിട്ടില്ലെന്ന് ബി.ജെ.പി സംസ്ഥാന അദ്ധ്യക്ഷന്‍ ശ്രീധരന്‍പിള്ള. താന്‍ മാപ്പ് പറഞ്ഞെന്നുള്ള മുഖ്യ തിരഞ്ഞെടുപ്പ് ഓഫീസര്‍ ടീക്കാറാം മീണയുടെ പരാമര്‍ശം തെറ്റാണ്. ഈ തിരഞ്ഞെടുപ്പിന്റെ അജണ്ട തീരുമാനിച്ചത് ബി.ജെ.പിയാണ്. കേരളത്തേില്‍ ഇരു മുന്നണികളുടെയും പ്രസക്തി നഷ്ടപ്പെട്ടെന്നും ശ്രീധരന്‍ പിള്ള വ്യക്തമാക്കി.

താന്‍ പുറത്തിറങ്ങി വിഡ്ഢിത്തം വിളമ്പുകയാണെന്നാണ് മീണ മാദ്ധ്യമങ്ങളോട് പറഞ്ഞത്. അതെന്താണെന്ന് വ്യക്തമാക്കാന്‍ മീണ തയ്യാറാകണം. തനിക്കെതിരെ വൈരാഗ്യ ബുദ്ധിയോടെയാണ് മീണ പ്രവര്‍ത്തിച്ചത്. ഒരു പൊതുപ്രവര്‍ത്തകനോടും തിരഞ്ഞെടുപ്പ് കമ്മിഷന്‍ ഇത്തരത്തില്‍ പെരുമാറാന്‍ പാടില്ല. ഇതിനെതിരെ കോടതിയെ സമീപിക്കുമെന്നും സിവില്‍ ക്രിമിനല്‍ നടപടികള്‍ സ്വീകരിക്കുമെന്നും അദ്ദേഹം വാര്‍ത്താ സമ്മേളനത്തില്‍ വ്യക്തമാക്കി.

മാധ്യമങ്ങളെ വിളിച്ച് വരുത്തി ഇന്ത്യയിലെ ഏറ്റവും വലിയ പാര്‍ട്ടിയുടെ സംസ്ഥാന അധ്യക്ഷന്‍ ഇങ്ങനെയാണ് എന്ന് പറഞ്ഞതിലൂടെ ടിക്കാറാം മീണ സ്വയം ചെറുതാവുകയാണ് ചെയ്തത്. ദുരുദ്ദേശത്തോട് കൂടിയാണ് അദ്ദേഹം പ്രവര്‍ത്തിച്ചത്. അദ്ദേഹത്തിനെതിരേ സിവിലായും ക്രിമിനലായും മാനനഷ്ട കേസ് കൊടുക്കും.

ലേക്സഭാ തിരഞ്ഞെടുപ്പുകളില്‍ നടത്തിയ വിവാദ പാരമര്‍ശങ്ങളുടെ പേരില്‍ താന്‍ മാപ്പ് പറഞ്ഞിട്ടില്ല. മാപ്പ് പറഞ്ഞെന്നുള്ള ടിക്കാറാം മീണയുടെ പരാമര്‍ശം തെറ്റാണ്. ഒരു പൊതു പ്രവര്‍ത്തകനോടും തിരഞ്ഞെടുപ്പ് കമ്മീഷന്‍ ഇത്തരത്തില്‍ പെരുമാറാന്‍ പാടില്ലെന്നും ശ്രീധരന്‍പിള്ള കൂട്ടിച്ചേര്‍ത്തു.

Continue Reading
International5 hours ago

തീവ്രവാദം: സൗദിയില്‍ 37 പ്രതികളുടെ തല വെട്ടി..!! ഷിയാ വിഭാഗക്കാരുടെ വധശിക്ഷയാണ് നടപ്പിലാക്കിയത്

Entertainment7 hours ago

സിക്‌സ് പാക്കില്‍ നിന്നും റൈസ് പാക്കിലേയ്ക്ക്: സുദേവ് നായരുടെ ചിത്രങ്ങള്‍ വൈറലാകുന്നു

Kerala9 hours ago

മമ്മൂട്ടിയ്ക്ക് ഹുങ്കാണെന്ന് അല്‍ഫോണ്‍സ് കണ്ണന്താനം; മോഹന്‍ലാലിനെ കണ്ടതിലെ വിരോധം

Kerala9 hours ago

മാപ്പ് പറഞ്ഞിട്ടില്ലെന്ന് ശ്രീധരന്‍ പിള്ള; ടിക്കാറാം മീണയ്‌ക്കെതിരെ കോടതിയെ സമീപിക്കും

Kerala14 hours ago

വോട്ടെടുപ്പിന് പിന്നാലെ യുഡിഎഫില്‍ പോര്..!! പിരിച്ചെടുത്തു നല്‍കിയ ഫണ്ടുപോലും തന്നില്ലെന്ന് പാലക്കാട് സ്ഥാനാര്‍ത്ഥി

International15 hours ago

യാത്രാമൊഴി നൽകി ശ്രീലങ്ക; മുന്നറിയിപ്പ് അവഗണിച്ചതിന് നൽകിയത് വലിയവില

fb post16 hours ago

ഉയർന്ന പോളിംഗ് ആചാരാനുഷ്ഠാനങ്ങളിൽ വ്രണിത ഹൃദയരായ വീട്ടമ്മമാർ പ്രതികരിച്ചതോ? ബാലചന്ദ്രമേനോൻ എഴുതുന്നു

Kerala16 hours ago

ശക്തമായ പോളിംഗ് ബിജെപിയ്ക്ക് സാധ്യതയേറുന്നോ…? കൂട്ടിയും കിഴിച്ചും ഒരുമാസം

National2 days ago

വോട്ടിന് മുൻപ് അമ്മയുടെ അനുഗ്രഹം തേടി പ്രധാനമന്ത്രി

Kerala3 days ago

പ​യ്യ​ന്നൂ​രി​ൽ അ​ൻ​പ​തു​കാ​ര​നെ ട്രെ​യി​നി​ൽ നി​ന്നും ത​ള്ളി​യി​ട്ടു

National3 weeks ago

നരേന്ദ്ര മോദിയെ വരാണസിയില്‍ നേരിടാന്‍ പ്രിയങ്ക..!! പ്രതിപക്ഷ ഐക്യസ്ഥാനാര്‍ത്ഥി ആയാല്‍ ഫലം പ്രവചനാതീതം

Kerala16 hours ago

ശക്തമായ പോളിംഗ് ബിജെപിയ്ക്ക് സാധ്യതയേറുന്നോ…? കൂട്ടിയും കിഴിച്ചും ഒരുമാസം

International5 hours ago

തീവ്രവാദം: സൗദിയില്‍ 37 പ്രതികളുടെ തല വെട്ടി..!! ഷിയാ വിഭാഗക്കാരുടെ വധശിക്ഷയാണ് നടപ്പിലാക്കിയത്

fb post16 hours ago

ഉയർന്ന പോളിംഗ് ആചാരാനുഷ്ഠാനങ്ങളിൽ വ്രണിത ഹൃദയരായ വീട്ടമ്മമാർ പ്രതികരിച്ചതോ? ബാലചന്ദ്രമേനോൻ എഴുതുന്നു

Kerala2 weeks ago

ലോക്‌സഭ ഇലക്ഷൻ: കേരളത്തില്‍ ഇടത് തരംഗം; എന്‍ഡിഎയ്ക്കും സീറ്റ്; ഏറ്റവും പുതിയ സര്‍വേഫലം പറയുന്നത് ഇങ്ങനെ

National2 days ago

വോട്ടിന് മുൻപ് അമ്മയുടെ അനുഗ്രഹം തേടി പ്രധാനമന്ത്രി

International15 hours ago

യാത്രാമൊഴി നൽകി ശ്രീലങ്ക; മുന്നറിയിപ്പ് അവഗണിച്ചതിന് നൽകിയത് വലിയവില

Crime2 weeks ago

സീരിയല്‍ നടിക്ക് പീഡനം..!! മലയാളത്തില്‍ അമ്മവേഷം ചെയ്യുന്ന നടിയെ ഭീഷണിപ്പെടുത്തി യുവാവ് പീഡനത്തിനിരയാക്കി

Kerala14 hours ago

വോട്ടെടുപ്പിന് പിന്നാലെ യുഡിഎഫില്‍ പോര്..!! പിരിച്ചെടുത്തു നല്‍കിയ ഫണ്ടുപോലും തന്നില്ലെന്ന് പാലക്കാട് സ്ഥാനാര്‍ത്ഥി

Kerala1 week ago

300 ബൂത്ത് നിശ്ചലം…!! തരൂര്‍ തോറ്റാല്‍ മൂന്ന് പ്രമുഖര്‍ പുറത്താകും; തിരുവനന്തപുരത്ത് വമ്പന്‍ കളികള്‍

Trending

Copyright © 2019 Dailyindianherald