Connect with us

Football

ബലന്‍ ഡി ഓര്‍ സാധ്യത പട്ടികയില്‍ നിന്ന് മെസി പുറത്തേക്ക്; റാങ്കിംഗില്‍ പുതിയ താരപ്രഭ

Published

on

ലോകകപ്പിലെ മോശം പ്രകടനത്തെ തുടര്‍ന്ന് ബലന്‍ ഡി ഓര്‍ സാധ്യത പട്ടിക റാങ്കിംഗില്‍ മെസി താഴേക്ക്. ആദ്യ മൂന്ന് സ്ഥാനങ്ങളില്‍ അര്‍ജന്റീനിയന്‍ താരത്തിന് ഇടമില്ല. ക്രിസ്റ്റ്യാനോ റൊണാള്‍ഡോ, മെസി, മുഹമ്മദ് സലാ എന്നിവരാണ് ആദ്യ മൂന്ന സ്ഥാനങ്ങളില്‍ ഉണ്ടായിരുന്നത്. എന്നാല്‍ ലോകകപ്പിന് ശേഷം ക്രിസ്റ്റ്യാനോ ഒന്നാം സ്ഥാനം നിലനിര്‍ത്തിയെങ്കിലും മറ്റു രണ്ട് പേരുടേയും സ്ഥാനം താഴേക്ക് പോകുകയായിരുന്നു.

അതേസമയം, ലൂക്കാ മോഡ്രിച്ച്, കിലിയന്‍ എംബാപ്പെ എന്നിവര്‍ ആദ്യ മൂന്നിലേക്ക് കയറി. ലോകകപ്പിലെ തകര്‍പ്പന്‍ പ്രകടനമാണ് എംബാപ്പെയേയും മോഡ്രിച്ചിനേയും മെസിയെ പിന്തള്ളാന്‍ സഹായിച്ചത്. ക്രിസ്റ്റ്യാനോ പട്ടികയില്‍ ഒന്നാമതാണ്. മോഡ്രിച്ചും എംബാപ്പെയും യഥാക്രമം രണ്ടും മൂന്നും സ്ഥാനങ്ങളിലുണ്ട്. മെസി നാലാമതാണ്. അവസാനഘട്ടത്തിലേക്ക് ആദ്യ മൂന്ന് സ്ഥാനക്കാരെയാണ് പരിഗണിക്കുക. ആദ്യ മൂന്നില്‍ തിരിച്ചെത്താന്‍ മെസിക്ക് ഇനിയും സമയമുണ്ട്. സീസണില്‍ മികച്ച തുടക്കവും സ്പാനിഷ് കോപ്പയും നേടിയാല്‍ മെസിക്ക് ആദ്യ മൂന്നില്‍ തിരിച്ചെത്താം.

ലോകകപ്പില്‍ ഒരു ഗോളും മാത്രം തേടിയാണ് താരം റഷ്യ വിട്ടത്. നാണംകെട്ട തോല്‍വി വഴങ്ങി പ്രീക്വാര്‍ട്ടറില്‍ തന്നെ അര്‍ജന്റീനക്ക് നാട്ടിലേക്ക് മടങ്ങേണ്ടി വന്നു.അതേസമയം, റഷ്യന്‍ ലോകകപ്പിലെ മികച്ച താരത്തിനുള്ള ഗോള്‍ഡന്‍ ബോള്‍ പുരസ്‌കാരം ക്രൊയേഷ്യന്‍ നായകന്‍ ലൂക്കാ മോഡ്രിച്ച് സ്വവന്തമാക്കി. ബല്‍ജിയം ക്യാപ്റ്റന്‍ ഏഡന്‍ ഹസാര്‍ഡ്, ഫ്രഞ്ച് താരം അന്റോയിന്‍ ഗ്രീസ്മന്‍ എന്നിവരെ പിന്തള്ളിയാണ് മോഡ്രിച്ച് ലോകകപ്പിന്റെ താരമായത്. ക്രൊയേഷ്യയെ ഫൈനലിലെത്തിച്ച മികവാണ് മോഡ്രിച്ചിനെ മികച്ച താരമാക്കിയത്.

ഫ്രഞ്ച് താരം കിലിയന്‍ എംബപെ മികച്ച യുവതാരത്തിനുള്ള പുരസ്‌കാരം നേടി. ഈ ലോകകപ്പിലാകെ നാലു ഗോളുകളാണ് പത്തൊന്‍പതുകാരനായ എംബപെ നേടിയത്. ലോകകപ്പ് വേദിയില്‍ ആരേയും അമ്പരപ്പിക്കുന്ന പ്രകടനമാണ് ഫ്രാന്‍സ് ഇതിഹാസ താരം കാഴ്ചവെച്ചത്. പ്രായത്തില്‍ കവിഞ്ഞ പ്രകടനവും ആവേശവുമായിരുന്നു റഷ്യന്‍ മണ്ണില്‍ ഫ്രഞ്ച് നിരയില്‍ നിന്ന് ഉയര്‍ത്തെഴുന്നേറ്റ പത്തൊമ്പത്ക്കാരനായ എംബാപ്പെ കാഴ്ച വെച്ചത്. ടീമില്‍ നിന്ന ലഭിക്കുന്ന പൂര്‍ണ പിന്തുണയാണ് ലോകകപ്പ് പോലൊരു വലിയ വേദിയില്‍ ചങ്കിടിപ്പില്ലാതെ കളിക്കാനും നിര്‍ണായക ഗോളുകള്‍ നേടാനും താരത്തിന് പ്രേരണയായത്.

അര്‍ജന്റീനക്കെതിരെയുള്ള മത്സരത്തിലാണ് ആദ്യ നേട്ടം സ്വന്തമാക്കിയത്. അതും ഫുട്‌ബോള്‍ ഇതിഹാസം പെലെയുമായി പങ്കുവെക്കുന്നതായിരുന്നു നേട്ടം. പെലെക്കു ശേഷം ഇരട്ട ഗോള്‍ നേടുന്ന ആദ്യ കൗമാര താരമെന്ന നേട്ടമാണ് എംബാപ്പെ സ്വന്തമാക്കിയത്. ലോകകകപ്പ് ഫൈനലില്‍ ക്രൊയേഷ്യക്കെതിരായ മത്സരത്തില്‍ ഫ്രാന്‍സിനു വേണ്ടി നാലാമത്തെ ഗോള്‍ നേടിയതോടെ ലോകകപ്പ് കലാശപ്പോരാട്ടത്തില്‍ ഗോള്‍ നേടുന്ന കൗമാര താരമെന്ന റെക്കോര്‍ഡും പെലെക്കൊപ്പം എംബാപ്പെ സ്വന്തമാക്കി.ലോകകപ്പിന്റെ ഫൈനല്‍ കളിക്കുന്ന മൂന്നാമത്തെ കൗമാര താരമാണ് എംബാപ്പെ.

Football

കഴിഞ്ഞ മാസം എത്ര തവണ ലൈംഗികബന്ധത്തില്‍ ഏര്‍പ്പെട്ടു; പിക്വെ നല്‍കിയ മറുപടി….

Published

on

കൊളംബിയന്‍ ഗായിക ഷക്കീറയ്ക്ക് ലോകമെങ്ങും ആരാധകരുണ്ട്. ഭര്‍ത്താവും സ്പാനിഷ് ഫുട്‌ബോളറുമായ ജെറാഡ് പിക്വെയെ കാണുമ്പോഴെല്ലാം ആരാധകര്‍ക്ക് ചോദിക്കാനുള്ളതും ഷക്കീറയുടെ കാര്യമാണ്. സ്പാനിഷ് ലാലിഗയിലെ ബദ്ധവൈരികളായ റയല്‍ മാഡ്രിഡിനെ ബാര്‍സലോണ താരമായ ജെറാഡ് പിക്വെ ട്രോളിയതാണ് ഇപ്പോള്‍ ഫുട്‌ബോള്‍ ലോകത്ത് ചര്‍ച്ചാവിഷയം. സീസണില്‍ ബാഴ്‌സക്കെതിരേ മൂന്ന് മത്സരങ്ങളും റയല്‍ തോറ്റു. ഏക ആശ്വാസം ഒരു സമനിലയാണ്. ബാഴ്‌സയുടെ ഹോം ഗ്രൗണ്ടില്‍ 5-1ന് തോറ്റ റയല്‍ മാര്‍ച്ചില്‍ സ്വന്തം ഗ്രൗണ്ടില്‍ എതിരില്ലാത്ത ഒരു ഗോളിന് തോറ്റു. കോപ്പ ഡെല്‍റേ സെമി ആദ്യ പാദത്തില്‍ സമനില പിടിച്ചെങ്കിലും രണ്ടാം പാദത്തില്‍ എതിരില്ലാത്ത മൂന്ന് ഗോളിന് ദയനീയമായി തോറ്റു.

റയലിന്റെ തോല്‍വിയില്‍ ആരാധകര്‍ വിഷമിച്ചിരിക്കുമ്പോള്‍ പിക്വെയുടെ ട്രോള്‍ എത്തിയത്. സ്പാനിഷ് ചാനല്‍ മൂവിസ്റ്റാര്‍ പ്ലസിലെ ലാ റെസിസ്‌റ്റെന്‍സിയ എന്ന പരിപാടിക്കിടെയാണ് പിക്വെ റയലിനെ പരിഹസിച്ചത്. റയലിന്റെ തോല്‍വിയെ സെക്‌സുമായാണ് പിക്വെ താരതമ്യം ചെയ്തത്. ഭാര്യയും ഗായികയുമായ ഷക്കീറയുമായുള്ള ലൈംഗികജീവിതത്തെക്കുറിച്ചായിരുന്നു അവതാരകന്‍ ഡേവിഡ് ബ്രോങ്കാനോയുടെ ചോദ്യം. ‘കഴിഞ്ഞ മാസം എത്ര തവണ ലൈംഗികബന്ധത്തില്‍ ഏര്‍പ്പെട്ടു’ എന്ന ചോദ്യത്തിന് പൊട്ടിച്ചിരിച്ചുകൊണ്ട് പിക്വെ നല്‍കിയ മറുപടി റയല്‍മാഡ്രിഡിന്റെ നെഞ്ചു പിളര്‍ക്കുന്നതായിരുന്നു.

‘സാന്റിയാഗോ ബെര്‍ണബ്യൂവിലെ റയലിന്റെ തോല്‍വികള്‍ നിങ്ങള്‍ എണ്ണാറുണ്ടോ?’ എന്നായിരുന്നു പിക്വെയുടെ മറുപടി. അയാക്‌സിനോട് തോറ്റ് യുവേഫ ചാംപ്യന്‍സ് ലീഗില്‍ നിന്ന് പുറത്തായതിന് പിന്നാലെയാണ് ബാഴ്‌സക്ക് മുന്നിലും ക്ലബ് മുട്ടുമടക്കിയത്. നേരത്തെ വാട്‌സ്ആപ്പ് ഗ്രൂപ്പുകളില്‍ റയല്‍ താരങ്ങളെ പരിഹസിച്ച് പിക്വെ സന്ദേശങ്ങളയച്ചിരുന്നു. മാഡ്രിഡിലെ മാധ്യമപ്രവര്‍ത്തകരെ പരിഹസിക്കാന്‍ ഒരുപാട് ഇഷ്ടമാണെന്നും പിക്വെ പറഞ്ഞിരുന്നു.

ഇടക്ക് ബാഴ്‌സ താരങ്ങളുള്ള വാട്‌സ്ആപ്പ് ഗ്രൂപ്പുകളില്‍ ഈ മാധ്യമപ്രവര്‍ത്തകരെ ആഡ് ചെയ്ത്, പരിഹസിച്ച ശേഷം പുറത്താക്കുക പതിവാണ്. താനല്ല, റയലിനെ ട്രോളുന്നതില്‍ മെസ്സിയാണ് മുന്‍പില്‍ എന്നും പിക്വെ വെളിപ്പെടുത്തി. എന്തായാലും ഇതു വല്ലാത്ത ചതിയായിപ്പോയെന്നാണ് റയല്‍ ആരാധകര്‍ പരിതപിക്കുന്നത്.

Continue Reading

Football

അൻപതാം ഹാട്രിക്കുമായി മെസി: ബാഴ്‌സയ്ക്ക് ഉജ്വല വിജയം

Published

on

സ്‌പോട്‌സ് ഡെസ്‌ക്

നൗക്യാമ്പ്: ബാഴ്‌സയുടെ നീലക്കുപ്പായത്തിൽ ഒരിക്കൽക്കൂടി മിന്നിക്കത്തിയ മെസിഹ അൻപതാം ഹാട്രിക്കുമായി കളം മനിറഞ്ഞതോടെ പിന്നിൽ നിന്ന ബാഴ്‌സയ്ക്ക് ഉജ്വല വിജയം.
രണ്ട് തവണ പിന്നിൽ നിന്ന മത്സരത്തിൽ 4-2 നാണ് ബാഴ്‌സ ജയം പിടിച്ചെടുത്തത്. സൂപ്പർ താരം ലയണൽ മെസിയുടെ തകർപ്പൻ ഹാട്രിക്കാണ് ബാഴ്‌സയെ ത്രില്ലിംഗ് ജയത്തിലേക്ക് നയിച്ചത്. ഹാട്രിക്കിന് പുറമേ ലൂയി സുവാരസിന്റെ ഗോളിന് വഴിയുമൊരുക്കിയ മെസി ടീം നേടിയ 4 ഗോളുകളിലും പങ്കാളിയുമായി.

സെവിയ്യയുടെ ഹോം ഗ്രൗണ്ടിൽ നടന്ന മത്സരത്തിൽ ഇരുപത്തിരണ്ടാം മിനുറ്റിൽ ആതിഥേയർ ലീഡെടുത്തു. ജീസസ് നവാസായിരുന്നു ഗോൾസ്‌കോറർ. നാല് മിനുറ്റുകൾക്കുള്ളിൽ ലയണൽ മെസിയിലൂടെ ബാഴ്‌സ തിരിച്ചടിച്ചു. എന്നാൽ ആദ്യ പകുതി തീരാൻ മൂന്ന് മിനുറ്റ് മാത്രം ശേഷിക്കേ മെർക്കാഡോയുടെ ഗോളിൽ സെവിയ്യ വീണ്ടും മുന്നിലെത്തുകയായിരുന്നു. ബാഴ്‌സ ഞെട്ടിക്കുന്ന തോൽവി ഏറ്റുവാങ്ങുമോ എന്ന് ആരാധകർ ഭയപ്പെട്ടിരുന്നപ്പോളാണ് ലയണൽ മെസി ഇടിമിന്നലായത്. 67, 85 മിനുറ്റുകളിൽ നേടിയ ഗോളുകളിലൂടെ ടീമിന് ലീഡും തന്റെ ഹാട്രിക്കും നേടിയ മെസി, ഇഞ്ചുറിസമയത്തെ ലൂയി സുവാരസിന്റെ ഗോളിന് വഴിയുമൊരുക്കി സെവിയ്യയുടെ മേൽ അവസാന ആണിയും അടിക്കുകയായിരുന്നു.
ഇതോടെ പോയിന്റ് പട്ടികയിൽ അനിഷേധ്യസാന്നിധ്യം ഉറപ്പിച്ച് ഒന്നാം സ്ഥാനം ഉറപ്പിച്ചിരിക്കുകയാണ് ബാഴ്‌സ.

Continue Reading

Football

2019ലെ ആദ്യ മത്സരത്തിന് ഇറങ്ങിയ നെയ്മറുടെ ഹെയര്‍ സ്റ്റൈല്‍ കണ്ട് ആരാധകര്‍ ഞെട്ടി

Published

on

2018 ഫെബ്രുവരിയില്‍ മാഴ്‌സെലില്‍ കളിക്കുമ്പോള്‍ നെയ്മറിന് കാല്‍മുട്ടിന് പരിക്ക് പറ്റിയിരുന്നു. പിന്നീട് വേള്‍ഡ് കപ്പില്‍ എത്തിയെങ്കിലും കളിയില്‍ മികവ് പുലര്‍ത്താന്‍ കഴിഞ്ഞില്ല. ചാമ്പ്യന്‍സ് ലീഗിലെ അവസാന 16ല്‍ നെയ്മറും പിഎസ്ജിയും എത്തിച്ചേര്‍ന്നിരുന്നു. എന്നാല്‍ താരത്തിന്റെ പരിക്കുകള്‍ പ്രശ്‌നമായി. ‘തിരികെ വന്ന് കളിക്കാനിറങ്ങുന്നതും നമ്മുടെ ടീമിനൊപ്പം സമയം ചെലവഴിക്കുന്നതും സന്തോഷമുള്ള കാര്യമാണ്. എന്റെ പരിക്കുകളും പിന്നീട് വേള്‍ഡ് കപ്പിലുണ്ടായ തോല്‍വിയുമൊക്കെ വളരെ മോശം അവസ്ഥയായിരുന്നു.

എന്നാല്‍ ഇതുപോലുള്ള മോശം അവസ്ഥകളില്‍ നിന്ന് പ്രചോദനമുള്‍ക്കൊണ്ട് പുതിയ ലക്ഷ്യങ്ങളിലേക്ക് നമ്മള്‍ ഇറങ്ങിച്ചെല്ലണം’. പിഎസ്ജി സൈറ്റിനുവേണ്ടി സംസാരിക്കുമ്പോള്‍ 2018ല്‍ പറഞ്ഞതാണദ്ദേഹം. 2019ലെ ആദ്യ മത്സരത്തിന് ഇന്നലെയാണ് നെയ്മര്‍ ഇറങ്ങിയത്. കണ്ടത് നെയ്മറിന്റെ തീര്‍ത്തും വ്യത്യസ്തമായ ഹെയര്‍ സ്‌റ്റൈലായിരുന്നു. തന്റെ ഹെയര്‍ സ്‌റ്റൈല്‍ ഇടക്കിടെ മാറ്റാറുള്ള നെയ്മര്‍ ലോകകപ്പിന്റെ സമയത്ത് ചെയ്ത ഹെയര്‍ സ്‌റ്റൈല്‍ ഏറെ പരിഹസിക്കപ്പെട്ടിരുന്നു. ന്യൂഡില്‍സ് ഹെയര്‍ സ്‌റ്റൈല്‍ എന്നാണ് അന്ന് ഫുട്‌ബോള്‍ ഇതിഹാസം കാന്റോണ നെയ്മറിന്റെ ഹെയര്‍ സ്‌റ്റൈലിനെ വിശേഷിപ്പിച്ചത്. എന്നാല്‍ ഇത്തവണ നെയ്മറിന്റെ ഹെയര്‍ സ്‌റ്റൈല്‍ അങ്ങനെ പരിഹസിക്കപ്പെടാന്‍ സാധ്യതയില്ല.

ഇന്നലെ മുതല്‍ നെയ്മര്‍ ആരാധകര്‍ ഈ ഹെയര്‍ സ്‌റ്റൈല്‍ ഏറ്റെടുത്തിട്ടുണ്ട്. ഇന്നലെ നാന്റെസിനെതിരെ കളിച്ച നെയ്മര്‍ ലഭിച്ച പെനാള്‍ട്ടി എമ്പപ്പെയ്ക്ക് കൈമാറിയും ആരാധകരുടെ പ്രശംസ നേടി. നെയ്മറിന്റെ 50ആമത്തെ പി എസ് ജി മത്സരമായിരുന്നു ഇത്.

Continue Reading
Entertainment1 hour ago

ശരീരഭാഗം ഓപ്പറേഷൻ നടത്തി സൗന്ദര്യമുള്ളതാക്കാൻ നിർദ്ദേശം: അവഗണിച്ച നടിക്ക് ചാൻസ് നഷ്ടപ്പെട്ടു

Kerala2 hours ago

വീഴാൻ പോകുന്നതായി അഭിനയിച്ച് നെഞ്ചത്ത് കൈവച്ചു..!! കല്ലട ബസിലെ ദുരനുഭവം വിവരിച്ച് യുവതി

Kerala3 hours ago

എട്ട് ജില്ലകളില്‍ യെല്ലോ അലര്‍ട്ട്..!! സംസ്ഥാനത്തെ വലയ്ക്കാന്‍ ചുഴലിക്കാറ്റ്

Crime4 hours ago

കോടതി മുറിക്കുള്ളില്‍ വധഭീഷണി…!! കെവിന്‍ വധക്കേസ് പ്രതികള്‍ക്കെതിരെ കേസെടുക്കാന്‍ കോടതി

Kerala7 hours ago

കേരളത്തില്‍ എല്‍.ഡി.എഫ് 18 സീറ്റില്‍ വിജയിക്കും;ബിജെപി അക്കൗണ്ട് തുറക്കില്ലെന്നും കോടിയേരി

International11 hours ago

ശ്രീലങ്കന്‍ സ്‌ഫോടനം: സ്ത്രീകളടക്കം ആറുപേരുടെ ചിത്രങ്ങള്‍ പുറത്ത് വിട്ടു

Kerala11 hours ago

രാഹുൽ ഗാന്ധിയുടെ ഭക്ഷണം പരിശോധിക്കാനെത്തി; പോലീസുകാരനെതിരെ നടപടി

Kerala11 hours ago

കെവിന്‍ വധക്കേസില്‍ ഇന്ന് നിര്‍ണ്ണായക ദിവസം; സാക്ഷി പറയാന്‍ നീനു കോടതിയില്‍

International12 hours ago

ശ്രീലങ്കയില്‍ സ്‌ഫോടനം നടത്തിയവര്‍ക്ക് ഇന്ത്യയിലും അനുയായികള്‍..? സൂത്രധാരന്റെ അച്ഛനും പിടിയില്‍

Entertainment12 hours ago

ചെറിയ പ്രായം, നല്ല ശമ്പളം കല്യാണം കഴിക്കാന്‍ തീരുമാനിച്ചു: ജീവിതത്തെക്കുറിച്ച് ലന തുറന്ന് പറയുന്നു

National4 weeks ago

നരേന്ദ്ര മോദിയെ വരാണസിയില്‍ നേരിടാന്‍ പ്രിയങ്ക..!! പ്രതിപക്ഷ ഐക്യസ്ഥാനാര്‍ത്ഥി ആയാല്‍ ഫലം പ്രവചനാതീതം

National2 days ago

ചാവേറുകള്‍ കോടീശ്വരന്മാര്‍..!! പോലീസെത്തിയപ്പോൾ ഭാര്യയും പൊട്ടിത്തെറിച്ചു; ശ്രീലങ്കന്‍ ആക്രമണത്തിന്റെ ചുരുളഴിയുന്നു

International2 days ago

തീവ്രവാദം: സൗദിയില്‍ 37 പ്രതികളുടെ തല വെട്ടി..!! ഷിയാ വിഭാഗക്കാരുടെ വധശിക്ഷയാണ് നടപ്പിലാക്കിയത്

International11 hours ago

ശ്രീലങ്കന്‍ സ്‌ഫോടനം: സ്ത്രീകളടക്കം ആറുപേരുടെ ചിത്രങ്ങള്‍ പുറത്ത് വിട്ടു

Kerala1 day ago

തരൂരിന് അരലക്ഷം ഭൂരിപക്ഷമെന്ന് ഇന്റലിജന്‍സ് റിപ്പോര്‍ട്ട്…!! വടകരയിലെ സ്ഥിതി ഇരുമുന്നണികള്‍ക്കും ആശങ്കയുണര്‍ത്തുന്നത്

Kerala1 day ago

കെ സുരേന്ദ്രന് 27,000 വോട്ടിന്റെ ഭൂരിപക്ഷം..!! ഉയര്‍ന്ന വോട്ടിംഗ് ശതമാനത്തില്‍ മുന്നണികള്‍ കണക്കെടുക്കുമ്പോള്‍

Kerala11 hours ago

രാഹുൽ ഗാന്ധിയുടെ ഭക്ഷണം പരിശോധിക്കാനെത്തി; പോലീസുകാരനെതിരെ നടപടി

Entertainment12 hours ago

ചെറിയ പ്രായം, നല്ല ശമ്പളം കല്യാണം കഴിക്കാന്‍ തീരുമാനിച്ചു: ജീവിതത്തെക്കുറിച്ച് ലന തുറന്ന് പറയുന്നു

Kerala2 days ago

കുമ്മനം രാജശേഖരനെതിരെ പിന്നാക്ക ന്യൂനപക്ഷ വോട്ടുകള്‍ ഏകീകരിച്ചെന്ന് നിരീക്ഷകര്‍..!! പത്തനംതിട്ടയിലും പ്രവചനാതീതം

Kerala1 day ago

നികുതിയായി നല്‍കാനുള്ളത് 15 കോടി…!! ബസുകളില്‍ നിരവധി ക്രമക്കേടുകള്‍; അനധികൃത കടത്തും പിടിച്ചു

Trending

Copyright © 2019 Dailyindianherald