പിസിയുടെ വായടപ്പിച്ച് വനിതാ കമ്മീഷന്റെ മറുപടി: രേഖകള്‍ കാണിച്ചാല്‍ യാത്രാബത്ത നല്‍കാം

കാത്തോലിക്കാ ജലന്ധര്‍ ബിഷപ്പിനെതിരായ പരാതി നല്‍കിയ കന്യാസ്ത്രീകളെ അവഹേളിക്കുന്ന തരത്തില്‍ പ്രസ്താവനയിറക്കിയ പി സി ജോര്‍ജ് എംഎല്‍എയ്ക്ക് ദേശീയ വനിതാ കമ്മീഷന്റെ മറുപടി. വിഷയത്തില്‍ പിസി ജോര്‍ജ് നേരിട്ട് ഹാജരാകാന്‍ നേരത്തെ വനിതാ കമ്മീഷന്‍ ആവശ്യപ്പെട്ടിരുന്നു. എന്നാല്‍ യാത്രാ ബത്ത നല്‍കിയാല്‍ വരാമെന്ന പിസിയുടെ മറുപടിയ്ക്കാണ് താന്‍ ശമ്പളം വാങ്ങുന്നില്ലെന്നും മറ്റ് വരുമാന മാര്‍ഗങ്ങളില്ലെന്നും രേഖാമൂലം അറിയിച്ചാല്‍ യാത്രാബത്ത നല്‍കാമെന്ന് വനിതാ കമ്മീഷന്‍ പറഞ്ഞത്.

ബിഷപ്പ് ഫ്രാങ്കോ മുളയ്ക്കല്‍ രാജ്യം വിടാന്‍ പോകുന്നു എന്ന രീതിയിലുള്ള പ്രചാരണങ്ങള്‍ക്ക് ഇപ്പോള്‍ ഒന്നും പറയാനില്ലെന്നും പോലീസ് അന്വേഷിക്കട്ടെയെന്നുമായിരുന്നു വനിതാ കമ്മീഷന്‍ അധ്യക്ഷയുടെ മറുപടി. കന്യാസ്ത്രീയുടെ പീഡന പരാതിയില്‍ നടപടി വൈകുന്നതിനെതിരെ രൂക്ഷ വിമര്‍ശവുമായി ദേശീയ വനിതാ കമ്മീഷന്‍ അധ്യക്ഷ രേഖാ ശര്‍മ. കന്യാസ്ത്രീകള്‍ നടത്തിവരുന്ന ധര്‍ണയിലോ, പരാതിയുമായി ബന്ധപ്പെട്ട് പി.സി. ജോര്‍ജ് നടത്തിയ പ്രസ്താവനയിലോ പോലും യാതൊരു നടപടിയുമില്ലെന്നും രേഖാ ശര്‍മ കുറ്റപ്പെടുത്തി. ഡല്‍ഹിയില്‍ വാര്‍ത്താ സമ്മേളനത്തില്‍ സംസാരിക്കുകയായിരുന്നു അവര്‍.

Daily Indian Herald വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1 | Telegram Group | Google News ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക
Top