നിര്‍ഭയ കേസ്; പ്രതികളുടെ ഹര്‍ജി ഇന്ന് സുപ്രിം കോടതി പരിഗണിക്കും | Daily Indian Herald

നിര്‍ഭയ കേസ്; പ്രതികളുടെ ഹര്‍ജി ഇന്ന് സുപ്രിം കോടതി പരിഗണിക്കും

നിര്‍ഭയ കേസില്‍ വധ ശിക്ഷ വിധിക്കപ്പെട്ട പ്രതികളുടെ ഹര്‍ജി ഇന്ന് സുപ്രീം കോടതി പരിഗണിക്കും. വധശിക്ഷ പുനഃപരിശോധിക്കണമെന്നാവശ്യപ്പെട്ടാണ് ഹര്‍ജി. പോലീസ് ഹാജരാക്കിയ തെളിവുകള്‍ നിലനില്‍ക്കില്ലെന്നാണ് ഹര്‍ജിയില്‍ ഉണ്ടായിരുന്നത്. ആറ് പ്രതികളാണ് കേസില്‍ ഉണ്ടായിരുന്നത്. ഇതില്‍ ഒന്നാം പ്രതി റാംസിംഗ് തിഹാര്‍ ജയിലില്‍ തൂങ്ങി മരിച്ചിരുന്നു. ഒരു ജുവൈനല്‍ പ്രതിയ്ക്ക് മൂന്ന് വര്‍ഷം തടവും കോടതി വിധിച്ചു. ബാക്കി നാല് പേര്‍ക്കാണ് വധശിക്ഷ വിധിച്ചിരുന്നത്.  ഇവരില്‍ മൂന്ന് പേരാണ് ഇപ്പോള്‍ ശിക്ഷയില്‍ ഇളവ് വേണമെന്ന് ആവശ്യപ്പെട്ട് കോടതിയെ സമീപിച്ചിരിക്കുന്നത്.

പ്രതികളുടെ ഹര്‍ജി ചീഫ് ജസ്റ്റിസ് ദീപക് മിശ്ര, ജസ്റ്റിസുമാരായ അശോക് ഭൂഷണ്‍, ആര്‍ ഭാനുമതി എന്നിവരടങ്ങിയ ‍‍ബെഞ്ചാണ് പരിഗണിക്കുന്നത്. 2012ഡിസംബര്‍ 16നാണ് ഓടുന്ന ബസ്സില്‍ പെണ്‍കുട്ടി കൂട്ട ബലാത്സംഗത്തിന് ഇരയാകുന്നത്. ക്രൂരമായി പരിക്കേറ്റ പെണ്‍കുട്ടി സിംഗപ്പൂരിലെ ആശുപത്രിയിലെ ചികിത്സയില്‍ ഇരിക്കെ ഡിസംബര്‍ 29നാണ് മരിച്ചത്.

Latest
Widgets Magazine