അവന്‍ സിഗരറ്റ് കുറ്റികൊണ്ട് എന്‍റെ കാലില്‍ പൊള്ളിച്ചു; ആ വൃത്തികെട്ട പ്രണയ ബന്ധത്തില്‍ തുടരേണ്ടതി വന്നതിന്‍റെ കാരണം വെളിപ്പെടുത്തി നടി 

നടി പാര്‍വതിചെറുപ്പത്തില്‍ ലൈംഗിക അതിക്രമത്തിന് വിധേയയാകേണ്ടി വന്നതും സിനിമയിലെത്തിയപ്പോള്‍ ചൂഷണത്തിനു സാക്ഷിയാകേണ്ടി വന്നതും അടുത്ത കാലത്താണ് അവര്‍ വെളിപ്പെടുത്തിയത്. തന്റെ പ്രണയബന്ധത്തില്‍ സംഭവിച്ച മോശം കാര്യങ്ങളും പാര്‍വതി തുറന്നു പറഞ്ഞിരിക്കുന്നു. തിരുവനന്തപുരം ഫിലിം ഫെസ്റ്റിവലിലാണ് ആ വെളിപ്പെടുത്തല്‍. എനിക്കൊരു പ്രണയ ബന്ധമുണ്ടായിരുന്നു. പിന്നീടത് ഒഴിവാക്കി. അവന്‍ എന്റെ കാലില്‍ സിഗരറ്റ് കുറ്റികള്‍ കൊണ്ട് പൊള്ളിച്ചപ്പോള്‍ ഞാന്‍ കരുതിയത് അത് സ്നേഹം കൊണ്ടാണെന്നാണ്. കാരണം നമ്മുടെ സിനിമകള്‍ നമ്മളെ പഠിപ്പിച്ചിരിക്കുന്നത് അതാണ്. സ്നേഹമുണ്ടെങ്കില്‍ അവളെ നന്നാക്കാന്‍ നേര്‍വഴിക്ക് നടത്താന്‍ പുരുഷന്‍ അടിച്ചിരിക്കും. അത് നമ്മളെ കൂടുതല്‍ സ്നേഹിക്കാന്‍ പ്രേരിപ്പിക്കും. എന്റെ ചിത്രങ്ങള്‍ കണ്ടു വളരുന്ന ഒരു പെണ്‍കുട്ടിക്കും ഈ ഒരു അവസ്ഥ ഉണ്ടാകാന്‍ ഞാന്‍ ആഗ്രഹിക്കുന്നില്ല. അത്തരം കാര്യങ്ങള്‍ എന്റെ സിനിമയില്‍ ഉണ്ടാകില്ലെന്ന് ഞാന്‍ ഉറപ്പുവരുത്തേണ്ടതാണ്. സാഹിത്യത്തിലൂടെയാണ് ഞാന്‍ ഒരു സ്ത്രീയുടെ പ്രണയം എന്തെന്ന് തിരിച്ചറിഞ്ഞത്. അവരുടെ സെക്ഷ്വല്‍ ഫാന്റസി എന്താണെന്ന് ഒക്കെ തിരിച്ചറിഞ്ഞത്. സ്ത്രീ പുരുഷ ബന്ധം കാണിക്കുന്ന ഒരു സിനിമയിലും സ്ത്രീയ്ക്ക് പറയാനുള്ളതെന്താണെന്നും അവള്‍ എന്താണ് പുരുഷനില്‍ ആഗ്രഹിക്കുന്നതെന്നും കാണിക്കുന്ന ആ മനോഹരമായ വീക്ഷണം ഞാന്‍ കണ്ടിട്ടില്ല. പ്രത്യേകിച്ചും മലയാള സിനിമയില്‍. സിനിമയിലെ സ്ത്രീകളുടെ ലൈംഗികമായ കാഴ്ച്ചപ്പാട് എന്താണ്. എല്ലാ സിനിമകളിലും ഞാന്‍ കണ്ടിരുന്നത് സ്ത്രീകളെക്കുറിച്ചുള്ള പുരുഷന്‍മാരുടെ കാഴ്ച്ചപ്പാടാണ്. അതുകൊണ്ട് തന്നെ ഞാന്‍ ആഗ്രഹിച്ചതും എന്നെ അത്തരത്തില്‍ കാണുന്ന ഒരു ഭര്‍ത്താവിനെയാണ്. എന്നാല്‍, ഒരു സിനിമയിലും ഒരു സ്ത്രീ ആഗ്രഹിക്കുന്ന പുരുഷന്‍ എന്തെന്ന് കാണിച്ചിട്ടില്ല എന്നും പാര്‍വതി പറഞ്ഞു.

Top