മലയാളിക്ക് അഭിമാനിക്കാം; മുഹമ്മദ് അനസ് റിയോ ഒളിമ്പിക്‌സ് യോഗ്യത നേടി

ഓടിയോടി മലയാളിക്ക് അഭിമാനമായിരിക്കുകയാണ് മുഹമ്മദ് അനസ്. റിയോ ഒളിമ്പിക്‌സ് 2016 യോഗ്യത പട്ടികയില്‍ മലയാളി താരം ് മുഹമ്മദ് അനസും ഇടം പടിച്ചു. 400 മീറ്റര്‍ ഓട്ടത്തിനാണ് അനസ് ഒളിംപിക് യോഗ്യത നേടിയത്.

പോളണ്ടില്‍ നടന്ന നാഷണല്‍ അത്ലറ്റിക്ക് ചാംപ്യന്‍ഷിപ്പിലാണ് അനസ് ഈ നേട്ടം കൈവരിച്ചത്.400 മീറ്ററിലെ ഇന്ത്യന്‍ ദേശീയ റെക്കോര്‍ഡിന് ഉടമയായ ആരോഗ്യ രാജീവിനെ മറികടന്നാണ് അനസ് ഒന്നാമതെത്തിയത്. 400 മീറ്റര്‍ ഓട്ടത്തില്‍ 45.47 സെക്കന്റില്‍ ഉള്ള ദേശീയ റെക്കോര്‍ഡാണ് മറികടന്നത്. 45.40 സെക്കന്റിലായിരുന്നു അനസിന്റെ പ്രകടനം.

ദേശീയ റെക്കോര്‍ഡ് പ്രകടനത്തോടെയായിരുന്നു ഈ നേട്ടം. റിയോ ഒളിംപിക്സിന് യോഗ്യത നേടുന്ന നൂറാമത്തെ ഇന്ത്യന്‍ താരമെന്ന പ്രത്യേകതയും മുഹമ്മദ് അനസിനുണ്ട്.

Latest
Widgets Magazine