സാവകാശ ഹർജി ഇന്ന് സമര്‍പ്പിക്കില്ല;ശശികല നാട്ടിലാകെ നടന്ന് വിഷം ചീറ്റുകയാണ്.ബിജെപി യുദ്ധം പ്രഖ്യാപിച്ചിരിന്നു- കടകംപള്ളി സുരേന്ദ്രന്‍.ഹർത്താലിൽ വലഞ്ഞ് തീർഥാടകരും

കൊച്ചി:ശബരിമലയിൽ സ്ത്രീ പ്രവേശത്തിനെതിരെ ദേവസ്വം ബോർ‍ഡ് സുപ്രീംകോടതിയിൽ ഇന്ന് സാവകാശ ഹർജി നൽകില്ല. തിങ്കളാഴ്ച ഹർജി സമർപ്പിച്ചേക്കുമെന്ന് ബോർഡ് അഭിഭാഷകൻ പറഞ്ഞു. ഹർജിയുടെ ഉള്ളടക്കം സംബന്ധിച്ച നിർദേശങ്ങൾ ബോർഡ് അഭിഭാഷകന് കൈമാറി. നേരത്തെ ബോർഡ് ഇന്നുതന്നെ കോടതി സമീപിച്ചേക്കുമെന്നാണു പറഞ്ഞിരുന്നത്. അതിനിടെസ റാന്നി പൊലീസ് സ്റ്റേഷനിൽ കെ.പി.ശശികല ഉപവാസം തുടരുകയാണ്. ശശികലയെ ഡോക്ടറെത്തി പരിശോധിച്ചു. കോടതിയിൽ നിന്ന് ജാമ്യം എടുക്കണമെന്ന് പൊലീസ് അവരെ അറിയിച്ചു. എന്നാൽ തിരിച്ച് ശബരിമല ദർശനത്തിന് തന്നെ പോകണമെന്നാണു ശശികലയുടെ നിലപാട്.

അതേസമയം ഭക്തരോട് ബിജെപി യുദ്ധം പ്രഖ്യാപിച്ചിരിക്കുകയാണെന്ന് ദേവസ്വം മന്ത്രി കടകംപള്ളി സുരേന്ദ്രന്‍ പറഞ്ഞു . തീര്‍ത്ഥാടകര്‍ക്ക് പോലും ഇളവ് നല്‍കാതിരുന്നത് ശരിയായില്ല. സാധാരണ പത്തനംതിട്ടയെയും സന്നിധാനത്തെയും ഹര്‍ത്താലില്‍ നിന്ന് ഒഴിവാക്കാറുണ്ട്. ബിജെപിയുടെ രാഷ്ട്രീയ അജണ്ട ജനങ്ങള്‍ക്ക് മനസിലായി തുടങ്ങി.കെ.പി.ശശികല നാട്ടിലാകെ നടന്ന് വിഷം ചീറ്റുകയാണ്. ശശികല ശബരിമലയെ കലാപഭൂമിയാക്കാന്‍ ശ്രമിക്കുന്നു.

ഭക്തരുടെ വാഹനങ്ങള്‍ തടയുന്നു. വെളളം പോലും കിട്ടാത്തവിധം ഭക്തരെ ബുദ്ധിമുട്ടിക്കുന്നു . ശബരിമലയെ തകര്‍ക്കാന്‍ ശ്രമിക്കുന്നത് ആരെന്ന് വ്യക്തമാണ്. മണ്ഡലകാലത്ത് ഹർത്താൽ നടത്തുകയാണെങ്കിൽ പത്തനംതിട്ട ജില്ലയെ ഒഴിവാക്കുകയാണ് ഇത്രയും കാലത്തെ പതിവ്.

തിരിച്ചു പോകണമെന്ന പൊലീസിന്റെ നിര്‍ദേശം അംഗീകരിക്കാത്തതിനെത്തുടർന്ന് ശശികലയെ ഇന്ന് പുലർച്ചെ പൊലീസ് അറസ്റ്റ് ചെയ്തിരുന്നു. അ‍ഞ്ച് മണിക്കൂര്‍ തട‍ഞ്ഞുനിര്‍ത്തിയ ശേഷമായിരുന്നു അറസ്റ്റ്. പട്ടികജാതി മോര്‍ച്ച സംസ്ഥാന അധ്യക്ഷന്‍ പി.സുധീര്‍ സന്നിധാനത്ത് അറസ്റ്റിലായി. പുലര്‍ച്ചെയാണ് സുധീറിനെ സന്നിധാനത്ത് നിന്ന് പൊലീസ് അറസ്റ്റുചെയ്തത്.

അതേസമയം, ഹർത്താൽ തീർഥാടനത്തേയും ബാധിച്ചു. ഹർത്താൽ മൂലം എരുമേലിയിൽ തീർഥാടകരുടെ എണ്ണം കുറവാണ്. എരുമേലിയിൽനിന്നു തീർഥാടകരെ കെഎസ്ആർടിസി ബസിൽ കോൺവോയായി നിലയ്ക്കലേക്കു കൊണ്ടു പോകുന്നുണ്ട്. സ്ഥിരം ഹോട്ടലുകൾ അടഞ്ഞു കിടക്കുന്നു. താൽക്കാലിക ഹോട്ടലുകൾ പ്രവർത്തിക്കുന്നുണ്ട്. ശബരിമല കർമസമിതി, ഹിന്ദു ഐക്യവേദി, ബിജെപി തുടങ്ങിയ സംഘടനകളുടെ നേതൃത്വത്തിൽ നാമജപ പ്രതിഷേധം നടക്കുന്നു.

കേരളത്തിനു വൻ പദ്ധതികള്‍ പ്രഖ്യാപിക്കാൻ മോദി!.കേരളത്തിൽ നാല് സീറ്റുകളിൽ വിജയമുറപ്പിച്ച് ബിജെപി ഹര്‍ത്താലും പണിമുടക്കും: കേസുകള്‍ അനവധി, കൈയ്യൊഴിഞ്ഞ് നേതാക്കള്‍, കുടുങ്ങിയത് അണികള്‍ ഒരു ഹര്‍ത്താല്‍: കേസുകള്‍ 801, അറസ്റ്റിലായവര്‍ 1369 പേര്‍, പ്രതികളെ പിടികൂടാന്‍ പോലീസിന്റെ ‘ബ്രോക്കണ്‍ വിന്‍ഡോ’ പൊലീസിനെ ഉപയോഗിച്ച് പിണറായി സർക്കാരിന്റെ പൊറാട്ട് നാടകം.മലകയറാതെ മനിതി സംഘം മടങ്ങി;നിര്‍ബന്ധ പൂര്‍വ്വം തിരിച്ചയച്ചുവെന്ന്‌ ശെല്‍വി.യുവതികള്‍ സ്വയം തിരികെ പോകുന്നുവെന്ന് പോലീസ്;പ്രതിഷേധക്കാരെ മോശക്കാരാക്കി തീര്‍ക്കുന്നതിൽ മുന്നിൽ സര്‍ക്കാരും നാളെ സംസ്ഥാന വ്യാപകമായി ബിജെപി ഹര്‍ത്താല്‍
Latest
Widgets Magazine