ത്രിപുരയില്‍ കോണ്‍ഗ്രസില്‍ പൊട്ടിത്തെറി; ആറ് എംഎല്‍എമാര്‍ തൃണമൂല്‍ കോണ്‍ഗ്രസില്‍ ചേര്‍ന്നു

അഗര്‍ത്തല: കോണ്‍ഗ്രസിന് തിരിച്ചടിയേകി ആറ് എംഎല്‍എമാര്‍ പാര്‍ട്ടി മാറി. തൃണമൂല്‍ കോണ്‍ഗ്രസിലേക്കാണ് മാറ്റം. പലസംസ്ഥാനങ്ങളിലെയും
എംഎല്‍എമാരുടെ കൂറുമാറ്റം കോണ്‍ഗ്രസിന് തിരിച്ചടി നല്‍കിയിരിക്കുകയാണ്. പാര്‍ട്ടിയിലെ അഭിപ്രായ വ്യത്യാസങ്ങളാണ് പ്രശ്‌നങ്ങള്‍ക്ക് വഴിവെക്കുന്നത്.

ഇതോടെ നിയമസഭയില്‍ മുഖ്യപ്രതിപക്ഷ സ്ഥാനം കോണ്‍ഗ്രസില്‍ നിന്നും തൃണമൂല്‍ കോണ്‍ഗ്രസ് കരസ്ഥമാക്കി. മാണിക്ക് സര്‍ക്കാരിനെതിരെ പോരാടുന്നതിന് വേണ്ടിയാണ് പാര്‍ട്ടി വിടുന്നതെന്ന് എംഎല്‍എമാര്‍ വ്യക്തമാക്കി. പാര്‍ട്ടി വിട്ട എംഎല്‍എമാര്‍ സ്പീക്കര്‍ രാമേന്ദ്ര കെ നാഥിന് രാജിക്കത്ത് കൈമാറി.

സുധീപ് റോയ് ബര്‍മന്‍, ആശിശ് കുമാര്‍ സാഹ, ദിലീപ് സര്‍ക്കാര്‍ പരന്‍ജിത് സിംഗ് റോയ്, ദിബാ ചന്ദ്ര ഹര്‍ഗ്വാള്‍, ബിശ്വ ബന്ധു സെന്‍ എന്നിവരാണ് പാര്‍ട്ടി വിട്ടത്. 60 അംഗ ത്രിപുര നിയമസഭയില്‍ കോണ്‍ഗ്രസിന് പത്ത് അംഗങ്ങളാണ് ഉണ്ടായിരുന്നത്. പുതിയ സംഭവത്തോടെ കോണ്‍ഗ്രസിന്റെ അംഗബലം നാലായി ചുരുങ്ങി. തൃണമൂലിന് നിലവില്‍ അംഗങ്ങളൊന്നും ഉണ്ടായിരുന്നില്ല.

ഹിമാചല്‍ പ്രദേശില്‍ ഭരണം നഷ്ടപ്പെട്ട കോണ്‍ഗ്രസ് ഉത്തരാഖണ്ഡില്‍ കഷ്ടിച്ചാണ് ഭരണം നിലനിര്‍ത്തിയത്. അടുത്തിടെ തിരഞ്ഞെടുപ്പ് കഴിഞ്ഞ പശ്ചിമ ബംഗാളിലെ എംഎല്‍എമാരില്‍ നിന്ന് പാര്‍ട്ടി വിടില്ലെന്ന് കോണ്‍ഗ്രസ് എഴുതി വാങ്ങിയത് വിവാദമായിരുന്നു. കൂറുമാറ്റം തടയുന്നതിന്റെ ഭാഗമായിട്ടായിരുന്നു ഇത്.

ബിജെപിയുടെ ചാക്കിട്ടു പിടുത്തം ഭയന്ന് കോണ്‍ഗ്രസ് എംഎല്‍എമാരെ രഹസ്യ സങ്കേതത്തിലേയ്ക്ക് മാറ്റുന്നു മിസോറാമില്‍ ബിജെപി-കോണ്‍ഗ്രസ് സഖ്യം.ഇരുപാര്‍ട്ടികളും ഒരുമിച്ചതില്‍ ഞെട്ടി രാഷ്ട്രീയ നിരീക്ഷകർ കര്‍ണ്ണാടകയില്‍ ബിജെപിയെ ഞെട്ടിച്ച് ആഭ്യന്തര സര്‍വേ ഫലം; 100 സീറ്റുകള്‍ കോണ്‍ഗ്രസ് നേടുമെന്ന് സര്‍വേ ബിജെപി വീഴുമോ? അവിശ്വാസ പ്രമേയത്തിന് നോട്ടീസ് നല്‍കി ടിഡിപി; കോണ്‍ഗ്രസ് ഉള്‍പ്പെടെ ഏഴ് പാര്‍ട്ടികളുടെ പിന്തുണ ചെങ്ങന്നൂരില്‍ വിജയകുമാറിനെ സ്ഥാനാര്‍ത്ഥിയാക്കി കോണ്‍ഗ്രസ് മത്സര രംഗത്തേയ്ക്ക്; അയ്യപ്പ സേവാസംഘം ദേശീയ ഉപാധ്യക്ഷന്‍ കടുത്ത മത്സരത്തിന് കളമൊരുക്കും
Latest
Widgets Magazine