Connect with us

Column

ഈച്ചക്കോപ്പിയടിക്കാരൻ’ശ്രീചിത്രന്‍ മോഷണകലയിലെ അഗ്രഗണ്യന്‍..ശ്രീചിത്രന്റെ കള്ളങ്ങൾ പൊളിച്ചടുക്കി പ്രഫ.വിനു നായരങ്ങാടി.വള്ളി പുള്ളി വിസർഗ്ഗം വിടാതെ ഈച്ചക്കോപ്പിയടിച്ച് സ്വന്തം പേരിൽ പ്രസിദ്ധീകരിക്കുന്നവൻ.തെളിവുകൾ നിരത്തിയ പ്രഫസറുടെ പോസ്റ്റ് വൈറൽ

Published

on

കൊച്ചി:ശ്രീചിത്രന്‍ മോഷണകലയിലെ അഗ്രഗണ്യന്‍ എന്നും സ്ഥിരമായി മോഷ്ടിക്കുന്നവൻ എന്നും ഉള്ള ഞെട്ടിക്കുന്ന തെളിവുകൾ പുറത്ത് വന്നു.സിപി.എമ്മിനെയും ഡി.വൈ .എഫ്‌ .ഐ യുടെയും നവോത്ഥാന പ്രഭാഷകനായ ശ്രീചിത്രം വെറും ഈച്ചക്കോപ്പിയടിക്കാരൻ ആണ് എന്നും പ്രമുഖ പ്രഭാഷകനും പ്രഫസറുമായ വിനു നായരങ്ങാടി വെളിപ്പെടുത്തുന്നു .ബുദ്ധിജീവിയായി നവോത്ഥാന നായകനായി രംഗത്തിറങ്ങി നാടുനീളെ സാംസ്‌കാരിക നായകനായി പ്രസംഗിച്ചു തിളങ്ങിയ ശ്രീചിത്രന്റെ പൊയ്മുഖം അഴിഞ്ഞുവീഴുന്നതാണ് വിനു നായരങ്ങാടിയുടെ പോസ്റ്റിലൂടെ വെളിവാകുന്നത് .പ്രളയ കെടുതിയിലും ശബരിമല യുവതീ പ്രവേശന വിഷയത്തിലും സിപിഎമ്മിന്റെയും ഇടതുപക്ഷത്തിന്റെയും മുഖം രക്ഷിക്കാൻ പ്രസംഗ കലയുമായി ഇറങ്ങാതിയാ ആളാണ് ശ്രീചിത്രൻ

വിനു നായരങ്ങാടിയുടെ പോസ്റ്റ് :

ഈ ശ്രീചിത്രൻ എം ജെ എന്ന ആൾ 2002-2005 ബാച്ചിൽ പാലക്കാട് ഗവ.വിക്ടോറിയ കോളേജിൽ മലയാളം ബി ഏക്ക് പഠിച്ചിരുന്ന ആൾ തന്നെയല്ലേ?

അക്കാലത്തൊരിക്കൽ മാധ്യമം ആഴ്ചപ്പതിപ്പിൽ ആണെന്നു തോന്നുന്നു പ്രസിദ്ധീകരിക്കപ്പെട്ട പി.പി.രാമചന്ദ്രന്റെ ‘മഞ്ഞിലുമേറെത്തണുത്തത് ‘ എന്ന കവിത പകർത്തിക്കൊണ്ടുവന്ന് സ്വന്തം രചന എന്ന് നടിച്ച് എന്റെ മുന്നിൽ നിൽക്കേ ‘ നീ രാമചന്ദ്രന്റെ കവിത വായിച്ചുറപ്പിക്ക് ‘ എന്ന് ഞാൻ പറഞ്ഞപ്പൊ എന്റെ മുന്നിൽ നിന്ന് പതറി ഇറങ്ങിപ്പോയ ആളു തന്നെയല്ലേ?

കോളേജ് ആർട്സ് ഫെസ്റ്റിവലിൽ പ്രസംഗ മൽസരത്തിൽ മൂന്നാം സ്ഥാനത്തായപ്പോൾ യൂണിയൻ മാഗസിൻ എഡിറ്റർ എന്ന നിലയിൽ കയ്യിൽ കിട്ടിയ ലിസ്റ്റ് തിരുത്തി ഒന്നാം സ്ഥാനത്തെത്തിയ ആളു തന്നെയല്ലേ?

രണ്ടാം വർഷ ബി ഏക്കു പഠിക്കുമ്പോൾ വിക്ടോറിയയുടെ മാഗസിനിൽ ടി.പി.രാജീവന്റെ രാഷ്ട്രതന്ത്രം എന്ന സമാഹാരത്തിലെ ഒരു കവിത വള്ളി പുള്ളി വിസർഗ്ഗം വിടാതെ ഈച്ചക്കോപ്പിയടിച്ച് സ്വന്തം പേരിൽ പ്രസിദ്ധീകരിച്ച ആളു തന്നെയല്ലേ?

ബാലചന്ദ്രന്റെ തീപ്പാതി സ്വന്തം അനുഭവമാണെന്ന് പറഞ്ഞ് വിക്ടോറിയ കോളേജിലെ അക്കാലത്തെ സുവോളജി അധ്യാപകനെ കബളിപ്പിച്ച് അദ്ദേഹത്തെക്കൊണ്ട് ഈ കഥയെഴുതു എന്ന് പറഞ്ഞ് കഥ എഴുതിപ്പിച്ച ആളു തന്നെയല്ലേ?
(ആ സാധു മനുഷ്യൻ അതെഴുതി ആദ്യം വായിക്കാൻ തന്നതെനിക്ക്. ഞാനത് അവിടെ വെച്ചു കൊന്നു. ഇല്ലായിരുന്നെങ്കിൽ അക്കാലത്തെ പാലക്കാടൻ പ്രതിമാസ സാഹിത്യ സദസ്സിൽ രാധാകൃഷ്ണൻ നായരുടെയുടെയും അജയൻ സാറിന്റെയുമൊക്കെ മുന്നിൽ അത് വായിച്ച് .. ദൈവമേ എന്താകുമായിരുന്നുവെന്ന് എനിക്കു തന്നെ അറിഞ്ഞുകൂടാ.)

ഡിഗ്രി പരീക്ഷാ ഫലം പുറത്തു വന്നപ്പോൾ ഇംഗ്ലീഷിൽ തോറ്റു പോയ വിവരം മറച്ചുവെച്ച് റിക്കാർഡ് മാർക്കിൽ യൂനി.രണ്ടാം റാങ്കുണ്ടെന്ന് എന്നെ ഫോണിൽ വിളിച്ചു പറഞ്ഞ ആളു തന്നെയല്ലേ?

ഈ അടുത്ത കാലത്ത് ഡി.വൈ.എഫ്.ഐ. ജില്ലാ പ്രസിഡൻറ് എസ്.എഫ്.ഐ സംസ്ഥാനകമ്മറ്റി അംഗം യൂണിയൻ ജനറൽ സെക്രട്ടറി എന്നീ നിലകളിൽ പ്രവർത്തിച്ച ആളാണെന്ന കമന്റ് വന്നപ്പൊ നിശ്ശബ്ദമായി അത് അംഗീകരിച്ചു നിന്ന ആളു തന്നെയല്ലേ?

ഇക്കഴിഞ്ഞ നവം.18 ന് തൊണ്ണൂറുകളുടെ മധ്യത്തിൽ ചെന്നെയിൽ (ഡിഗ്രിക്ക് പഠിച്ച പ്രായം വെച്ചു നോക്കുമ്പൊ അന്ന് 15 വയസ്സ് ) തെണ്ടിത്തിരിഞ്ഞ് ടി.എം.കൃഷ്ണയെ കേട്ട ആളു തന്നെയല്ലേ?
കെ.രാധാകൃഷ്ണൻ ശമനതാളം എന്നൊരു നോവലെഴുതിയതു കൊണ്ട് വിരി ബോണിവർണ്ണം സാരമതി രാഗം എന്നൊക്കെ എഴുതിക്കൊണ്ടിരിക്കുന്ന ആളു തന്നെയല്ലേ?

കലേഷിന്റെ വിവാദ കവിത മറ്റൊരു പെൺകുട്ടിക്ക് ഇത് നിന്നെക്കുറിച്ചെഴുതിയത് എന്ന് പറഞ്ഞ് ഒരു കൊല്ലം മുമ്പ് വാട്സാപ്പിൽ അയച്ചുകൊടുത്ത ആളു തന്നെയല്ലേ?

ഇതു രണ്ടും ഒരാളാണെങ്കിൽ അയാളോളം വലിയ ഗജഫ്രോഡിനെ ഞാനീ ജീവിതത്തിൽ കണ്ടിട്ടില്ല. അയാൾ ആരെയും വിഴുങ്ങും, അയാൾക്ക് പ്രയോജനപ്പെടാൻ പാകത്തിൽ.

സുനിൽ പി ഇളയിടത്തിനോടും ദീപാ നിശാന്തിനോടും ഞാനിത് പറയാൻ പലവട്ടം ആഞ്ഞതാണ്. എന്റെ ഒന്നു രണ്ടാത്മസുഹൃത്തുക്കൾ തടഞ്ഞതു കൊണ്ടാണ് അന്നത് പറയാതിരുന്നത്.

അയാളെഴുതിയത് എന്ന് ഉറച്ചു വിശ്വസിച്ചതുകൊണ്ടും പരന്ന കവിതാ വായനാ പരിചയമില്ലാത്തതുകൊണ്ടുമാണ് ദീപയ്ക്ക് ഈ ചതി പറ്റിയത്.

വർഷങ്ങൾക്കു മുമ്പ് ഹെയർപിൻ ബെന്റിന് കൈരളീ അറ്റ്ലസ് പുരസ്കാരം കലേഷിന് നൽകാൻ ശിപാർശ ചെയ്ത മൂന്നംഗ ജൂറിയിൽ ഒരാളായിരുന്നു ഞാൻ. കലേഷിന്റെ കവിത ആധുനികാനന്തരതക്കു ശേഷം വരുന്ന തീഷ്ണ കവിതയാണ്. കലേഷിന്റെ കവിത പകർത്തി പലർക്കും കൊടുക്കുമ്പോൾ പകർത്തുന്ന അയാൾക്കറിയാം എങ്ങനെ ചുമലൊഴിയണമെന്ന് .

ഞാൻ മനസ്സിലാക്കുന്നത് അയാളിലുള്ള സൗഹൃദത്തിന്റെ പുറത്ത് കാണിച്ച അമിതാത്മവിശ്വാസമാണ് ദീപയെ ഒരടി മുന്നോട്ടു പോകാനാവാത്ത വിധത്തിൽ ഇരുട്ടിലാക്കിയത്. അവർ വിചാരണ ചെയ്യപ്പെടുന്നതിനേക്കാൾ അയാൾ വിചാരണ ചെയ്യപ്പെടണം.കാരണം ദീപാ നിശാന്ത് എന്റെ കാഴ്ചയിൽ വായനയിൽ അനുഭവത്തിൽ മനുഷ്യ വിരുദ്ധമായി ഒന്നും ഇന്നുവരെ പറഞ്ഞു കണ്ടിട്ടില്ല. അതു കൊണ്ടു തന്നെ ആരെന്തു പറഞ്ഞാലും അനുതാപത്തോടു കൂടിത്തന്നെ ദീപയെ ഞാനീ വിഷയത്തിൽ കാണുന്നു.

എന്റെ ഭാര്യയുടെ കാലിലെ ഒരു വ്രണം മറാൻ ഞാനെഴുതിയ മുഴുവൻ സാഹിത്യവും അവളുടെ കാലിലെ വ്രണത്തിലിടണമെന്നു വന്നാൽ രണ്ടാമതൊന്നാലോചിക്കാൻ ഞാൻ നില്ക്കില്ല എന്നു പറഞ്ഞത് ഉറൂബാണ്. അതിന് മനുഷ്യപ്പറ്റ് എന്നു പറയും. ഇടപെടുമ്പോൾ ഒരു നിലക്കും തിരിച്ചറിയാൻ പറ്റാത്ത ഒരു ഗജഫ്രോഡിന്റെ ചതിക്ക് പാത്രമായ ഒരാളോട് മനുഷ്യപ്പറ്റോടെ പ്രതികരിക്കാനായില്ലെങ്കിൽ ഞാൻ ഉറൂബിനെ വായിച്ചു എന്നോ ഞാനും പൊന്നാനിക്കാരനാണ് എന്നോ പറയുന്നതിലെന്തർത്ഥം.

fb post

ഉയർന്ന പോളിംഗ് ആചാരാനുഷ്ഠാനങ്ങളിൽ വ്രണിത ഹൃദയരായ വീട്ടമ്മമാർ പ്രതികരിച്ചതോ? ബാലചന്ദ്രമേനോൻ എഴുതുന്നു

Published

on

ഇലക്ഷൻ പ്രക്രിയയെക്കുറിച്ചും ജനാധിപത്യത്തെക്കുറിച്ചും സംവിധായകൻ ബാലചന്ദ്രമേനോൻ്റെ ഫേസ്ബുക്ക് പോസ്റ്റ് വൈറലാകുന്നു. വർദ്ധിച്ച പോളിംഗ് സ്തീകളുടെ ഇടപെടലാണെന്നും അദ്ദേഹം തൻ്റെ കുറിപ്പിൽ വിവരിക്കുന്നു.

ഫേസ്ബുക്ക് പോസ്റ്റിൻ്റെ പൂർണ്ണരൂപം:

എഴുതിയേ പറ്റൂ എന്ന മനസ്സിന്റെ നിർബന്ധമാണ് ഈ കുറിപ്പിന് ആധാരം .

നാളെകഴിഞ്ഞാൽ അമേരിക്കയിലുള്ള മകൾ ഭാവനയുടെ വീട്ടിലേക്കു ഒന്ന് പോകണം എന്ന തീരുമാനമെടുക്കുമ്പോൾ ആദ്യം പരിഗണിച്ച കാര്യം ഏപ്രിൽ 23 ഇലക്ഷന് എന്റെയും ഭാര്യയുടെയും സമ്മതിദാനാവകാശം രേഖപ്പെടുത്തണം എന്നുള്ളത് തന്നെയായിരുന്നു.

ഒരു പൗരൻ എന്ന നിലയിൽ നമ്മിൽ അർപ്പിതമായിട്ടുള്ള ഭരണഘടനാവകാശം ഏതു വിധേനയും പ്രയോഗിക്കണം എന്ന് തന്നെ തീരുമാനിച്ചിരിക്കുമ്പോൾ എന്റെ സരസനായ ഒരു സുഹൃത്ത് മൊബൈലിൽ വിളിക്കുന്നു . പേര് ഞാൻ മനഃപൂർവ്വം മറയ്ക്കുകയും വിളിച്ച ആൾ നല്ല “ഫോമിലായിരുന്നു ” എന്ന സത്യം വെളിവാക്കുകയും ചെയ്യുന്നു .

“നിങ്ങടെ വോട്ട് എവിടാ ?”
“എറണാകുളത്താ …”
” വോട്ടു ചെയ്യാൻ പോകുന്നുണ്ടോ ?”
“പിന്നെ …പോകണ്ടേ ?”
” എന്തിനു? നിങ്ങൾക്ക് വേറെ പണിയില്ലേ സുഹൃത്തെ ? നിങ്ങൾ വോട്ടു ചെയ്തത് കൊണ്ട് എന്ത് പ്രയോജനം ഉണ്ടാകുമെന്ന കരുതുന്നെ ? അല്ലെങ്കിൽ , നിങ്ങൾ നാളെ ഒരാൾ വോട്ടു ചെയ്തില്ല എന്ന് വെച്ചോ .ഇവിടെ എന്ത് തേങ്ങാക്കൊലയാ സംഭവിക്കുന്നെ?’
ഞാൻ നിശ്ശബ്ദൻ .
“കേൾക്കുന്നില്ലേ ?”
“ഉണ്ട് ഉണ്ട് പറഞ്ഞോ ..”
” ഞാൻ രണ്ടെണ്ണം വീശിയിട്ടുണ്ട് പക്ഷെ പറയുന്നതൊക്കെ ഒരു ഇന്ത്യൻ പൗരന്റെ ന്യായമായ ആവലാതികളാ . നിങ്ങൾ ആർക്കാ കുത്താൻ പോകുന്നത് എന്ന് ഞാൻ ചോദിക്കുന്നില്ല . പക്ഷെ ഒന്ന് ചോദിക്കട്ടെ ..ആർക്കു കുത്തീട്ട് എന്താ കാര്യം ? ഇലക്ഷൻ കഴിഞ്ഞാൽ ഇവര് അളിയനും മച്ചമ്പിയും ആകും ..അത് അവരുടെ രീതിയാ …തങ്ങൾക്കു അനുകൂലമായ അന്തരീക്ഷം സൃഷ്ടിക്കാൻ രാഷ്ട്രീയ സദാചാരമൊക്കെ മറന്ന് അവർ വോട്ടു മറിക്കും. ഞാനും കുറേനാൾ സിന്ദാബാദ് വിളിച്ചു ഇവമ്മാരുടെയൊക്കെ പിറകെ നടന്നവനാ …ഇവര് ഭരണപക്ഷവും പ്രതിപക്ഷവും കളിച്ചു ജോളിയായിട്ടു അടിച്ചു പൊളിച്ചു ജീവിക്കുകയല്ലേ ….പാവം ജനം എന്ന കഴുത വെയിലും മഴയും കൊണ്ട് പോലീസിന്റെ അടീം കുത്തും ഏറ്റു അകാല വാർധക്യം ബാധിച്ചു ചാവും . ചത്താൽ അവന്റെ ഫോട്ടോക്കു ജാതീം മതോം രാഷ്ട്രീയവുമൊക്കെ വരും . അവനു പുഷ്പ്പാർച്ചന നടത്താൻ അങ്ങ് ഡെൽഹീന്നു അണ്ണമ്മാര് വരും . എല്ലാം നഷ്ട്ടപ്പെട്ട തന്തേം തള്ളേം ഒരു ഉളുപ്പുമില്ലാതെ കെട്ടിപ്പിടിച്ചു ഇവന്മാര് ക്യാമറക്കു നേരെ ഇളിക്കും …

ഇവമ്മാര് മതേതരത്വം പറയും . ഇലക്ഷൻ അനൗൺസ് ചെയ്‍താൽ ആ നിമിഷം മുതൽ അമ്പലവും ആശ്രമവും ബിഷോപ്പിന്റെ അരമനകളും മദ്രസകളും നിരങ്ങുക എന്നതാണ് ഇവമ്മാരുടെ പ്രധാന പണി .ഇതൊക്കെ അടുത്തറിഞ്ഞ എനിക്ക് എന്റെ വിരലിൽ മഷി കുത്താൻ മനസ്സു സമ്മതിക്കുയില്ല . അതുകൊണ്ട് നാളെ എന്റെ സമയം ഞാൻ പാഴാക്കുകില്ല . ഞാനും എന്നെപ്പോലെ ചിന്തിക്കുന്ന നാലഞ്ചു പേരും കൂടി ഒരു റിസോർട്ടിൽ ഒത്തുകൂടി ആഘോഷിക്കും …വോട്ടു ചെയ്യുന്ന നിർഭാഗ്യവാന്മാരെ ഓർത്ത് പരിതപിക്കും .അപ്പോ എന്റെ സുഹൃത്ത് പോയി വിരലൊക്കെ ചീത്തയാക്കു …ഹ ഹ ഹ ഗുഡ് നൈറ്റ് …”

കാര്യം വെള്ളപ്പുറത്തു തോന്നിയ ധാർമ്മികരോഷമായിരുന്നുവെങ്കിലും സ്നേഹിതന്റെ വാക്കുകൾ എന്റെ മനസ്സിൽ അസ്വസ്ഥത ഉണ്ടാക്കി . അയാൾ പറഞ്ഞത് മുഴുവൻ തള്ളിപ്പറയാനും കഴിയുന്നില്ല .എന്നാലും ഈ ചിന്ത കാട്ടു തീ പോലെ ജനമനസ്സുകളിൽ ആളിക്കത്തിയാൽ നമ്മുടെ നാടിന്റെ ഭദ്രത എന്താകും ? അല്ലെങ്കിൽ തന്നെ ദിവസവും കേട്ടുണരുന്ന വാർത്തകൾ ഒക്കെ തന്നെ കലികാല വിശേഷം എന്ന രീതിയിൽ ആൾക്കാർ ചവച്ചിറക്കുകയാണ് . ഒരു ഭാഗത്തു സ്ത്രീപീഡനത്തിന്റെ കദനകഥകൾ പ്രചരിക്കുമ്പോൾ മറുഭാഗത്ത് സ്വന്തം കുഞ്ഞിനെ കാമുകൻ നിലത്തിടിച്ചു കൊല്ലുന്നതു കണ്ടു നിൽക്കുന്ന അമ്മ എന്ന സ്ത്രീയെയും നാം കാണുന്നു. മനസ്സുമടുത്തു ജനം ഇലക്ഷൻ ബഹിഷ്‌ക്കരിച്ചാലും അത്‍ഭുതമില്ല . ജനത്തിനു പ്രതികരിക്കാനുള്ള ഏക വഴി അതാണല്ലോ .

ഈ വക ചിന്തകളോടെയാണ് ഞാൻ രാവിലെ ഏഴുമണിക്ക് തന്നെ പോയി വോട്ടു ചെയ്തത് .. ഒരു ചെറിയ ക്യു അപ്പോൾ ഉണ്ടായിരുന്നു . എന്റെ ഉള്ളിലെ ഉൽക്കണ്ഠ കാരണം ടിവിയിലെ ന്യൂസ് ബുള്ളറ്റിനുകൾ ഞാൻ മാറി മാറി കണ്ടപ്പോഴാണ് എന്റെ മനസ്സ് ശാന്തമായതു ..പോളിങ് കൊള്ളാമെന്നല്ല മുൻപൊന്നും കാണാത്ത രീതിയിലുള്ള ഒരു ഉന്മേഷം ആൾക്കാർക്ക് വോട്ടു ചെയ്യാൻ. രസകരമായ മറ്റൊരു സംഗതി എണ്ണത്തിൽ കൂടുതൽ സ്ട്രീകൾ ആണെന്നുള്ളതാണ് . പ്രായമായ സ്ത്രീകൾ പലരും വോട്ടു മെഷീൻ തകരാറായതുകൊണ്ടു മണിക്കൂറുകൾ കാത്തു നിൽക്കേണ്ടിവന്നു . വീണ്ടും വൈകിയപ്പോൾ അവർ വീട്ടിലി പോയി അവിടുത്തെ കാര്യങ്ങൾ സ്വരൂപിച്ചതിനു ശേഷം തിരിച്ചു വന്നു വോട്ടു ചെയ്തു എന്ന് കേട്ടപ്പോൾ എന്റെ സ്നേഹിതന്റെ വാക്കുകൾ എന്റെ മനസ്സിൽ നിറച്ച ഇരുട്ട് വെട്ടത്തിനു വഴിമാറി .ഞാനിതു എഴുതുന്ന 10 മണി നേരത്തും പല ബൂത്തുകളിലും വോട്ടിങ് നടക്കുന്നു എന്ന് ടീവിയിൽ കാണുന്നതും സന്തോഷകരം 6 മണിക്ക് തീരേണ്ടതായിട്ടും അത് വകവെയ്ക്കാതെ ജനാധിപത്യത്തിന്റെ കെടാവിളക്ക് അണയാതെ സൂക്ഷിക്കാൻ സന്നദ്ധത കാണിച്ച ബഹുജനങ്ങളോടുള്ള ആദരവ് ഞാൻ പ്രകടിപ്പിക്കുന്നു .

ഒപ്പം ഉള്ളിൽ ഒരു ഭീതിയും . പതിവിൽ കവിഞ്ഞ ഈ ഉത്സാഹം കാണുമ്പോൾ അതും സ്ത്രീജനകളുടെ ഭാഗത്തു നിന്ന് കാണുമ്പോൾ മെയ് 23 വരാൻ പോകുന്ന ഫലവിവരം നമ്മുടെയൊക്കെ സ്വകാര്യമായ കണക്കുകൂട്ടലുകളെയും എക്സിറ് പ്രവചനകളെയും ഒക്കെ തകിടം മറിക്കുമോ ? ഓരോ മുന്നണിയും അതു തങ്ങൾക്കുള്ള ക്ലീൻചിറ്റ് ആണെന്ന് പറഞ്ഞു ആശ്വസിക്കുന്നുണ്ട് . എന്റെ പേടി അതല്ല ,
എന്റെ സ്നേഹിതൻ പ്രകടിപ്പിച്ച ധാർമ്മികരോഷത്തിനു മറുമരുന്നായി മലയാളി മനസ്സ് തയ്യാറെടുക്കുകയാണോ ? പ്രതേകിച്ചും ആചാരാനുഷ്ഠാനങ്ങളിൽ വ്രണിത ഹൃദയരായ ഇന്നാട്ടിലെ വീട്ടമ്മമാർ ? അറിയില്ല .

വോട്ടു കഴിഞ്ഞപ്പോൾ എന്നെ സമീപിച്ച ഒരു ചാനലിനോട് ഞാൻ പറഞ്ഞു :
” വോട്ടു ചെയ്യുമ്പോൾ സ്ഥാനാർത്ഥിയുടെ കഴിവും മിഴിവും മാത്രം നോക്കുക .അവരെ നാം നമ്മുടെ രാജ്യം ഏൽപ്പിക്കുകയാണ് …മറ്റു പരിഗണകളൊക്കെ പിന്നീട് ..”
ഇത്തവണത്തെ ഈ ബഹുജന മുന്നേറ്റം അതിനു വഴിയൊരുക്കട്ടെ …

that’s ALL your honour!

Continue Reading

fb post

‘ഐസ്ക്രീം കേസ് ‘അട്ടിമറിച്ചത് യുഡിഎഫ് !.കുഞ്ഞാലിക്കുട്ടിയെ കാണാന്‍ പോയി എന്ന പരാമര്‍ശമാണ് മാനഹാനിയുണ്ടാക്കിയതെങ്കില്‍ ഗൗരവതരം:വിഎസ്.

Published

on

തിരുവനന്തപുരം:ഐസ്‌ക്രീം പാര്‍ലര്‍ കേസ് അട്ടിമറിക്കാനും അന്വേഷണം വഴിമുട്ടിക്കാനുമാണ് യു.ഡി.എഫ് ഇന്നോളവും ശ്രമിച്ചിട്ടുള്ളതെന്ന്  വി.എസ് പറഞ്ഞു. ഐസ്‌ക്രീം പാര്‍ലര്‍ കേസില്‍ കുറ്റസമ്മതം നടത്തിയ ആളും അതിലൂടെ വെളിപ്പെടുത്തപ്പെട്ട പ്രതിയും നിരപരാധികളാണ് എന്നാണല്ലോ യു.ഡി.എഫ് വാദമെന്നും വി.എസ് പറഞ്ഞു.

അതേ സമയം  ആലത്തൂരിലെ യു.ഡി.എഫ് സ്ഥാനാര്‍ഥി രമ്യ ഹരിദാസിനെതിരായ എല്‍.ഡി.എഫ് കണ്‍വീനര്‍ എ. വിജയരാഘവന്റെ പരാമര്‍ശം അനുചിതമെന്നുംവി.എസ് അച്യുതാനന്ദന്‍. എല്‍.ഡി.എഫ് കണ്‍വീനര്‍ കൂടുതല്‍ ജാഗ്രത കാണിക്കണമെന്നും യു.ഡി.എഫുകാര്‍ ഇതൊരു തെരഞ്ഞെടുപ്പ് വിഷയമാക്കി എടുക്കുകയാണെന്നും വി.എസ് ഫേസ്ബുക്ക് കുറിപ്പില്‍ പറഞ്ഞു.

‘പാണക്കാട് തങ്ങളെ കാണാന്‍ പോയി എന്ന പരാമര്‍ശമല്ല, കുഞ്ഞാലിക്കുട്ടിയെ കാണാന്‍ പോയി എന്ന പരാമര്‍ശമാണ് മാനഹാനിയുണ്ടാക്കിയതെങ്കില്‍ ആ പരാമര്‍ശം ഗൗരവമുള്ളതുതന്നെയാണ്. എല്‍.ഡി.എഫ് കണ്‍വീനര്‍ ഇത്തരം കാര്യങ്ങളില്‍ കൂടുതല്‍ ജാഗ്രത കാണിക്കണം. എന്നാല്‍, ഒരു വ്യക്തിയെ കാണാന്‍ ഒരു സ്ത്രീ പോയി എന്ന പരാമര്‍ശം ആ സ്ത്രീക്ക് മാനഹാനിയുണ്ടാക്കുമെന്ന് യു.ഡി.എഫുകാര്‍തന്നെ പറയുമ്പോള്‍ വാസ്തവത്തില്‍ ആ വ്യക്തിക്കല്ലേ മാനഹാനിയുണ്ടാവേണ്ടത്?’- വി എസ് ചോദിക്കുന്നു.

ഫേസ്ബുക്ക് പോസ്റ്റിന്റെ പൂര്‍ണരൂപം

പഴയ ഐസ്‌ക്രീം പാര്‍ലര്‍ കേസ് ഏത് രീതിയില്‍ അട്ടിമറിച്ചു എന്നതിന്റെ നാള്‍വഴികള്‍ വെളിപ്പെടുത്തലുകളായും, മൊഴികളായും കുറ്റസമ്മതമായും നമ്മള്‍ അറിഞ്ഞതാണ്. ആ അട്ടിമറിയെക്കുറിച്ചുള്ള അന്വേഷണവും വഴിമുട്ടിയപ്പോഴാണ് ഞാന്‍ കോടതിയെ സമീപിച്ചത്.

ആ കേസ് ഇപ്പോഴും അവസാനിച്ചിട്ടില്ല. കോഴിക്കോട് കോടതി മുതല്‍ സുപ്രീംകോടതി വരെ പോയി, അവസാനം ഇപ്പോള്‍ ബഹുമാനപ്പെട്ട ഹൈക്കോടതിയുടെ പരിഗണനയിലാണ് ആ കേസ്. അതിനാല്‍ കേസിന്റെ വിശദാംശങ്ങള്‍ പറയുന്നില്ല. അടുത്ത ദിവസം കേസ് ഹൈക്കോടതി പരിഗണനയ്ക്ക് വെച്ചിരിക്കുകയാണ്. ഈ കേസ് അട്ടിമറിക്കാനും അന്വേഷണം വഴിമുട്ടിക്കാനുമാണ് യു.ഡി.എഫ് ഇന്നോളവും ശ്രമിച്ചിട്ടുള്ളത്. ഇരകള്‍ക്കൊപ്പമല്ല, വേട്ടക്കാര്‍ക്കൊപ്പമാണ് യു.ഡി.എഫ് അതിവേഗം ബഹുദൂരം സഞ്ചരിച്ചത്. കുറ്റസമ്മതം നടത്തിയ ആളും, അതിലൂടെ വെളിപ്പെടുത്തപ്പെട്ട പ്രതിയും നിരപരാധികളാണ് എന്നാണല്ലോ, അവരുടെ വാദം,

ഇതിപ്പോള്‍ പറയാന്‍ കാരണമുണ്ട്. ആലത്തൂരിലെ യു.ഡി.എഫ് സ്ഥാനാര്‍ത്ഥിക്ക് മാനഹാനിയുണ്ടാക്കുംവിധം എല്‍.ഡി.എഫ് കണ്‍വീനറുടെ ഭാഗത്തുനിന്ന് പ്രസംഗ പരാമര്‍ശമുണ്ടായി എന്ന വിവാദം നടക്കുകയാണ്. പ്രസംഗമദ്ധ്യേ ആണെങ്കില്‍പ്പോലും, അദ്ദേഹത്തിന്റെ പരാമര്‍ശം അനുചിതമായി എന്ന അഭിപ്രായംതന്നെയാണുള്ളത്, എന്നാല്‍, യു.ഡി.എഫുകാര്‍ ഇതൊരു തെരഞ്ഞെടുപ്പ് വിഷയമാക്കാനുള്ള പുറപ്പാടിലാണ്.

പാണക്കാട് തങ്ങളെ കാണാന്‍ പോയി എന്ന പരാമര്‍ശമല്ല, കുഞ്ഞാലിക്കുട്ടിയെ കാണാന്‍ പോയി എന്ന പരാമര്‍ശമാണ് മാനഹാനിയുണ്ടാക്കിയതെങ്കില്‍ ആ പരാമര്‍ശം ഗൗരവമുള്ളതുതന്നെയാണ്. എല്‍.ഡി.എഫ് കണ്‍വീനര്‍ ഇത്തരം കാര്യങ്ങളില്‍ കൂടുതല്‍ ജാഗ്രത കാണിക്കണം. എന്നാല്‍, ഒരു വ്യക്തിയെ കാണാന്‍ ഒരു സ്ത്രീ പോയി എന്ന പരാമര്‍ശം ആ സ്ത്രീക്ക് മാനഹാനിയുണ്ടാക്കുമെന്ന് യു.ഡി.എഫുകാര്‍തന്നെ പറയുമ്പോള്‍ വാസ്തവത്തില്‍ ആ വ്യക്തിക്കല്ലേ മാനഹാനിയുണ്ടാവേണ്ടത്?

മറ്റുള്ളവരുടെ പ്രസംഗവാക്യങ്ങള്‍ ഇങ്ങനെയൊക്കെ വ്യാഖ്യാനിച്ചെടുക്കുമ്പോള്‍ ഇത്തരം ആശയക്കുഴപ്പമുണ്ടാവാതെ നോക്കാന്‍ യു.ഡി.എഫ് നേതാക്കളും ശ്രദ്ധിക്കണം. അല്ലാത്ത പക്ഷം, മലര്‍ന്നുകിടന്ന് തുപ്പുന്നതുപോലെയായിത്തീരും. തെരഞ്ഞെടുപ്പ് രംഗത്ത് നടക്കേണ്ട രാഷ്ട്രീയ ചര്‍ച്ചകള്‍ വഴിമാറിപ്പോവുകയും ചെയ്യും.

Continue Reading

Column

സ്വന്തം എംപി കുഞ്ഞാലികുട്ടി ആണെന്ന് അപമാനത്തോടെ പറയേണ്ട ഗതികേട് മലപ്പുറത്തെ സ്ത്രീകൾക്ക് ഉണ്ടാവാതിരിക്കാൻ സാനു ജയിക്കണം-രശ്മി നായര്‍

Published

on

തിരുവനന്തപുരം: ആലത്തൂരിലെ യു.ഡി,എഫ് സ്ഥാനാര്‍ഥി രമ്യ ഹരിദാസിനെതിരെ വിവാദ പരാമര്‍ശം നടത്തിയ എല്‍.ഡി.എഫ് കണ്‍വീനര്‍ എ.വിജയരാഘവനെതിരെ ആക്ടിവിസ്റ്റ് രശ്മി ആര്‍ നായര്‍ രംഗത്ത്. ആലത്തൂരില്‍ പി കെ ബിജു വിജയിക്കും എന്നതില്‍ തനിക്ക് തെല്ലും സംശയം ഇല്ല, എന്നാല്‍ വിജയരാഘവന്റെ ഒക്കെ വായില്‍ ഫെവിക്വിക്ക് ആണോ സൂപ്പര്‍ ഗ്ലൂ ആണോ ഒഴിച്ചു വിടേണ്ടത് എന്ന കാര്യത്തില്‍ സംശയമുണ്ടെന്ന് രശ്മി ഫേസ്ബുക്കില്‍ കുറിച്ചു.

മറ്റൊരു കമന്റിൽ രസ്മി പറയുന്നത് ‘കുഞ്ഞാലിക്കുട്ടി’ എന്ന മുട്ടൻ തെറിക്കൊപ്പം സ്വന്തം പേര് ചേർത്തു പറഞ്ഞാൽ ആത്മാഭിമാനമുള്ള ഏതൊരു സ്ത്രീയ്ക്കും അപമാനമാണ് വിജയരാഘവൻ ആ പരാമർശം തിരുത്തണം അതുപോലെ തന്നെ സ്വന്തം എംപി കുഞ്ഞാലികുട്ടി ആണെന്ന് അപമാനത്തോടെ പറയേണ്ട ഗതികേട് മലപ്പുറത്തെ സ്ത്രീകൾക്ക് ഉണ്ടാവാതിരിക്കാൻ സാനു വൻ ഭൂരിപക്ഷത്തിൽ ജയിക്കേണ്ടത് കൂടിയുണ്ട്.

സ്ഥാനാര്‍ത്ഥിത്വം ഉറപ്പിച്ചതോടെ രമ്യ ആദ്യം ഓടിയെത്തിയത് പാണക്കാട്ടേക്കാണ്. പാണക്കാട് തങ്ങളെക്കണ്ട് പിന്നെ ഓടിയത് പി.കെ.കുഞ്ഞാലിക്കുട്ടിയെ കാണാനാണ്. ആ കുട്ടിയുടെ കാര്യം എന്താവുമെന്ന് പറയുന്നില്ലെന്നായിരുന്നു വിജയരാഘവന്റെ പരാമര്‍ശം. പൊന്നാനിയിലെ തെരഞ്ഞെടുപ്പ് കണ്‍വന്‍ഷനില്‍ നടത്തിയ പ്രസ്താവനയ്‌ക്കെതിരെ വന്‍ പ്രതിഷേധമാണ് സമൂഹമാധ്യമങ്ങളിലും മറ്റും നിറയുന്നത്.

അതിനിടെ സ്ത്രീവിരുദ്ധ പരാമര്‍ശം നടത്തിയ എല്‍.ഡി.എഫ് കണ്‍വീനര്‍ എ. വിജയരാഘവനെതിരെ രമ്യ ഹരിദാസ് പരാതി നല്‍കി. ആലത്തൂര്‍ ഡി.വൈ.എസ്.പിക്കാണ് രമ്യ പരാതി നല്‍കിയത്. ആസൂത്രിതമായ നീക്കങ്ങളാണ് തനിക്കെതിരെയുള്ള പരമാര്‍ശങ്ങളില്‍ നിന്ന് വ്യക്തമാകുന്നതെന്ന് രമ്യ ഹരിദാസ് പ്രതികരിച്ചു. കഴിഞ്ഞദിവസം പൊന്നാനി എല്‍.ഡി.എഫ് പൊതുയോഗത്തിലാണ് എ. വിജയരാഘവന്‍ രമ്യക്കെതിരെ അധിക്ഷേപകരമായ പരമാര്‍ശം നടത്തിയത്. ഇതിനെതിരെ വ്യാപക വിമര്‍ശനങ്ങളാണ് ഉയരുന്നത്.

“ആശയപരമായ പോരാട്ടമാണ് വേണ്ടത്. വ്യക്തിഹത്യ പാടില്ല. ആലത്തൂരിലെ ജനങ്ങള്‍‌ക്ക് എന്നെ നന്നായറിയാം. പ്രതിസന്ധിയില്‍ തളരുന്ന ആളല്ല ഞാന്‍. ഏപ്രില്‍ 23ന് ജനം ഇതിനെല്ലാം മറുപടി നല്‍കും.” – രമ്യ പറഞ്ഞു.തെരഞ്ഞെടുപ്പില്‍ താന്‍ ആലത്തൂരില്‍ മികച്ച വിജയം നേടുമെന്നും രാഹുല്‍ ഗാന്ധി ഇന്ത്യയുടെ പ്രധാനമന്ത്രിയാകുമെന്നും രമ്യ കൂട്ടിച്ചേര്‍ത്തു.

Continue Reading
International6 hours ago

തീവ്രവാദം: സൗദിയില്‍ 37 പ്രതികളുടെ തല വെട്ടി..!! ഷിയാ വിഭാഗക്കാരുടെ വധശിക്ഷയാണ് നടപ്പിലാക്കിയത്

Entertainment7 hours ago

സിക്‌സ് പാക്കില്‍ നിന്നും റൈസ് പാക്കിലേയ്ക്ക്: സുദേവ് നായരുടെ ചിത്രങ്ങള്‍ വൈറലാകുന്നു

Kerala9 hours ago

മമ്മൂട്ടിയ്ക്ക് ഹുങ്കാണെന്ന് അല്‍ഫോണ്‍സ് കണ്ണന്താനം; മോഹന്‍ലാലിനെ കണ്ടതിലെ വിരോധം

Kerala9 hours ago

മാപ്പ് പറഞ്ഞിട്ടില്ലെന്ന് ശ്രീധരന്‍ പിള്ള; ടിക്കാറാം മീണയ്‌ക്കെതിരെ കോടതിയെ സമീപിക്കും

Kerala14 hours ago

വോട്ടെടുപ്പിന് പിന്നാലെ യുഡിഎഫില്‍ പോര്..!! പിരിച്ചെടുത്തു നല്‍കിയ ഫണ്ടുപോലും തന്നില്ലെന്ന് പാലക്കാട് സ്ഥാനാര്‍ത്ഥി

International15 hours ago

യാത്രാമൊഴി നൽകി ശ്രീലങ്ക; മുന്നറിയിപ്പ് അവഗണിച്ചതിന് നൽകിയത് വലിയവില

fb post16 hours ago

ഉയർന്ന പോളിംഗ് ആചാരാനുഷ്ഠാനങ്ങളിൽ വ്രണിത ഹൃദയരായ വീട്ടമ്മമാർ പ്രതികരിച്ചതോ? ബാലചന്ദ്രമേനോൻ എഴുതുന്നു

Kerala16 hours ago

ശക്തമായ പോളിംഗ് ബിജെപിയ്ക്ക് സാധ്യതയേറുന്നോ…? കൂട്ടിയും കിഴിച്ചും ഒരുമാസം

National2 days ago

വോട്ടിന് മുൻപ് അമ്മയുടെ അനുഗ്രഹം തേടി പ്രധാനമന്ത്രി

Kerala3 days ago

പ​യ്യ​ന്നൂ​രി​ൽ അ​ൻ​പ​തു​കാ​ര​നെ ട്രെ​യി​നി​ൽ നി​ന്നും ത​ള്ളി​യി​ട്ടു

National3 weeks ago

നരേന്ദ്ര മോദിയെ വരാണസിയില്‍ നേരിടാന്‍ പ്രിയങ്ക..!! പ്രതിപക്ഷ ഐക്യസ്ഥാനാര്‍ത്ഥി ആയാല്‍ ഫലം പ്രവചനാതീതം

Kerala16 hours ago

ശക്തമായ പോളിംഗ് ബിജെപിയ്ക്ക് സാധ്യതയേറുന്നോ…? കൂട്ടിയും കിഴിച്ചും ഒരുമാസം

International6 hours ago

തീവ്രവാദം: സൗദിയില്‍ 37 പ്രതികളുടെ തല വെട്ടി..!! ഷിയാ വിഭാഗക്കാരുടെ വധശിക്ഷയാണ് നടപ്പിലാക്കിയത്

fb post16 hours ago

ഉയർന്ന പോളിംഗ് ആചാരാനുഷ്ഠാനങ്ങളിൽ വ്രണിത ഹൃദയരായ വീട്ടമ്മമാർ പ്രതികരിച്ചതോ? ബാലചന്ദ്രമേനോൻ എഴുതുന്നു

Kerala2 weeks ago

ലോക്‌സഭ ഇലക്ഷൻ: കേരളത്തില്‍ ഇടത് തരംഗം; എന്‍ഡിഎയ്ക്കും സീറ്റ്; ഏറ്റവും പുതിയ സര്‍വേഫലം പറയുന്നത് ഇങ്ങനെ

National2 days ago

വോട്ടിന് മുൻപ് അമ്മയുടെ അനുഗ്രഹം തേടി പ്രധാനമന്ത്രി

International15 hours ago

യാത്രാമൊഴി നൽകി ശ്രീലങ്ക; മുന്നറിയിപ്പ് അവഗണിച്ചതിന് നൽകിയത് വലിയവില

Crime2 weeks ago

സീരിയല്‍ നടിക്ക് പീഡനം..!! മലയാളത്തില്‍ അമ്മവേഷം ചെയ്യുന്ന നടിയെ ഭീഷണിപ്പെടുത്തി യുവാവ് പീഡനത്തിനിരയാക്കി

Kerala14 hours ago

വോട്ടെടുപ്പിന് പിന്നാലെ യുഡിഎഫില്‍ പോര്..!! പിരിച്ചെടുത്തു നല്‍കിയ ഫണ്ടുപോലും തന്നില്ലെന്ന് പാലക്കാട് സ്ഥാനാര്‍ത്ഥി

Crime2 weeks ago

അമ്മ നടിയെ പീഡിപ്പിച്ചത് ഹോട്ടലിലും വീട്ടിലുംവച്ച്..!! ദൃശ്യങ്ങള്‍ വാട്‌സാപ്പില്‍ പ്രചരിപ്പിച്ചു

Trending

Copyright © 2019 Dailyindianherald