സിനിമയ്ക്കിലെ ടിവിയിൽ തെളിഞ്ഞത് അന്യഗ്രഹ റേഡിയോ സന്ദേശങ്ങൾ: അന്യഗ്രഹജീവികളെ കണ്ട് വീട്ടുകാർ ഇറങ്ങിയോടി; അന്യഗ്രഹ ജീവികളുടെ സാന്നിധ്യം ഉറപ്പിച്ച് ശാസ്ത്രലോകം

ഇന്റർനാഷണൽ ഡെസ്‌ക്

ലണ്ടൻ: ആക്ഷൻ സിനിമയ്ക്കിടെ ടിവിയിൽ തെളിഞ്ഞത് അന്യഗ്രഹ ജീവികളുടെ റേഡിയോ സന്ദേശങ്ങളും ദൃശ്യങ്ങളും. ഭയന്നു വിറച്ച വീട്ടുകാർ റോഡിലേയ്ക്കിറങ്ങിയോടി. ദക്ഷിണ ലണ്ടനിലെ നോർത്തേൺ സ്ട്രീറ്റിൽ ഒരാഴ്ച മുൻപായിരുന്നു സംഭവങ്ങൾ. പ്രദേശത്തെ നൂറിലേറെ വീടുകളുടെ ടിവിയിലാണ് അന്യഗ്രഹ ജീവികളുടെ ദൃശ്യങ്ങൾ പതിഞ്ഞത്. ഈ ദൃശ്യങ്ങൾക്ക് പിന്നാലെ ഒരേ സമയം ടിവികളെല്ലാം തകരാറിലായതാണ് പരിഭ്രാന്തി പടർത്തിയത്.
ലണ്ടനിലെ പ്രധാനപ്പെട്ട ടീവി ഷോ നടക്കുന്നതിനിടെയായിരുന്നു ദൃശ്യങ്ങൾ അടങ്ങിയ റേഡിയോ സിഗ്നലുകൾ പ്രവഹിച്ചത്. ടിവിയ്ക്കുള്ളിൽ പ്രവഹിച്ച റേഡിയോ സിഗ്നലുകൾ അതീവ ഭീകരമായ രീതിയിൽ രണ്ടു മിനിറ്റോളം നിന്നു. ഇതിനു പിന്നാലെയാണ് ടിവിയിലേയ്ക്ക് അന്യഗ്രഹ ജീവികളുടേത് എന്ന് തോന്നിപ്പിക്കുന്ന ദൃശ്യങ്ങൾ എത്തിയത്. തലയും വാലും അപൂർവമായി തോന്നുന്ന, പ്രത്യേകതരം ശബ്ദം പുറപ്പെടുവിക്കുന്ന ജീവികളുടെ ചിത്രങ്ങളാണ് ടിവിയിൽ കണ്ടത്. ഇതിനു തൊട്ടുപിന്നാലെ ടിവികളെല്ലാം ഒരേ സമയം തന്നെ തകരാറിലാകുകയും ചെയ്തു. ഇതോടെയാണ് ആളുകൾ പരിഭ്രാന്തരായി പുറത്തിറങ്ങിയത്.
പിന്നീട് ശാസ്ത്ര വിദഗ്ധർ നടത്തിയ പരിശോധനയിലാണ് ടിവിയിൽ കണ്ടെത്തിയത് അന്യഗ്രഹ ജീവികളുടെ സാന്നിധ്യം കണ്ടെത്തിയത്. മനുഷ്യനിർമ്മിതമായ ഉപഗ്രഹത്തിൽ നിന്നുള്ള സിഗ്നലുകൾ ഇത്തരത്തിൽ ടിവിയിലേയ്ക്ക് എത്തുന്നതിനിടെ കടന്നു വന്ന അന്യഗ്രഹ ജീവികളുടെ സിഗ്നലുകളാകാം ടിവിയിൽ കണ്ടതെന്ന സംശയമാണ് ഈ മേഖലയിലെ വിദഗ്ധർ ഉയർത്തുന്നത്. ഇതേ തുടർന്ന് എത്തിയ നാസയിലെ സംഘം ഈ വീടുകളിൽ എല്ലാം പരിശോധന നടത്തി.
ടിവിയിൽ അന്യഗ്രഹജീവികളുടെ ചിത്രങ്ങൾ കണ്ടതോടെ, അന്യഗ്രഹ ജീവികളുടെ സാന്നിധ്യം നാസയും ഏതാണ്ട് ഉറപ്പിച്ചിട്ടുണ്ട്. ഈ സാഹചര്യത്തിൽ ഇതു സംബന്ധിച്ചുള്ള ഗവേഷണം ശക്തമാക്കാനാണ് തീരുമാനം.