ന്യുയോര്ക്ക് :മോദി മൂന്നാം സ്ഥാനത്ത്. ഏഷ്യ- പസിഫിക് രാജ്യങ്ങളില് ജനപിന്തുണയുള്ള ഭരണാധികാരിയില് ഭാരത പ്രധാനമന്ത്രി നരേന്ദ്രമോദി മൂന്നാമത്. വാഷിങ്ടണ് ആസ്ഥാനമായ പ്യൂ റിസര്ച്ച് സെന്ററിന്റെ സര്വേയിലാണ് മോദി മൂന്നാമത് എത്തിയത്. സര്വ്വയില് ഒന്നാമന് ചൈനീസ് പ്രസിഡന്റ് ഷി ചിന്പിങ് ആണ്. രണ്ടാമന് ജപ്പാന് പ്രധാനമന്ത്രി ഷിന്സോ ആബേയാണ്. ചിന്പിങ്ങിന് 47 ശതമാനം പേരും ആബേയെ 43 ശതമാനം പേരും കരുത്തരായി കാണുമ്പോള് മോദിക്ക് 39 ശതമാനം പേരുടെ പിന്തുണയാണുള്ളത്. മോദിക്ക് ഏറ്റവും കൂടുതല് പിന്തുണയുള്ളത് വിയറ്റ്നാമിലും (56 ശതമാനം ) ഓസ്ട്രേലിയയിലുമാണ് (51ശതമാനം ). പാക്കിസ്ഥാനില് ഏഴു ശതമാനം പേരുടെ പിന്തുണ മാത്രം. ഏഷ്യ–പസിഫിക് മേഖലയിലെ പത്ത് രാജ്യങ്ങളിലും യുഎസിലുമായി 15,313 പേരാണു സര്വേയില് പങ്കെടുത്തത്.