ട്രോളന്‍മാര്‍ക്ക് ചാകര സമ്മാനിച്ചാണ് ഗോപീ സുന്ദര്‍ സംഗീതം നല്‍കിയ സത്യയിലെ ഗാനം മുന്നേറുന്നത്. റോമ പ്രത്യക്ഷപ്പെടുന്ന ഈ ഐറ്റം നമ്പറില്‍ ഡാന്‍സും പാട്ടിന്റെ ഗതിയും തമ്മില്‍ ഒരു ബന്ധവുമില്ലെന്നാണ് ട്രോളന്‍മാര്‍ ചൂണ്ടിക്കാട്ടുന്നത്. ഗോപി സുന്ദര്‍ ഈണമിട്ട ചിലങ്കകള്‍ തോല്‍ക്കും എന്ന് തുടങ്ങുന്ന ഈ ഗാനം ഭക്തി മൂഡിലുള്ളതാണെന്നാണ് പലരും അഭിപ്രായപ്പെടുന്നത്.
എന്തായാലും ഗാനം ആലപിച്ച സിതാര കൃഷ്ണകുമാറിന് ട്രോളന്‍മാരോട് പരാതിയില്ല എന്നതിന് തെളിവാണ് ഫെയ്‌സ്ബുക്കിലെ ഈ രസകരമായ കുറിപ്പ്.
അറിഞ്ഞില്ലാ,…. എന്നോടാരും പറഞ്ഞില്ല.. ഗോപിച്ചേട്ടാ പാടിപ്പിക്കുമ്പോള്‍ ഒരു വാക്ക് പറയാമായിരുന്നു…!! എനിക്ക് ഉറപ്പുണ്ട് ചേട്ടന് ഇത് അറിയാമായിരുന്നെന്ന്!! ഗോപി ചേട്ടനാരാ പുള്ളി. എന്നാലും ആതൊരു മനോഹരമായ ഈണമായിരുന്നു വലിയേട്ടാ…. സിതാര ഫെയ്‌സ്ബുക്കില്‍ കുറിച്ചു.
ജയറാമിനെ നായകനാക്കി അന്തരിച്ച സംവിധായകന്‍ ദീപന്‍ ഒരുക്കിയ ചിത്രമാണ് സത്യ. ചിത്രത്തിലെ മറ്റൊരു ഗാനവും ഇതേ രീതിയില്‍ കൊണ്ടാടപ്പെട്ടിരുന്നു.
Top