ന്യൂഡല്‍ഹി: ഇന്ത്യന്‍ പ്രധാനമന്ത്രി നരേന്ദ്ര മോഡിയെ അവഹേളിച്ച ഗൂഗിള്‍വീണ്ടും നരേന്ദ്രമോഡിക്കെതിരെ. ഗൂഗിളില്‍ തെരയുന്ന അവിവേകികളായ ലോക പ്രധാനമന്ത്രിമാരുടെ പട്ടികയിലാണ് ഇത്തവണ മോഡിയെ ഗൂഗിള്‍ ഉള്‍പ്പെടുത്തിയിരിക്കുന്നത്. ലോകത്തെ ടോപ് 10 ക്രിമിനലായി നരേന്ദ്രമോഡിയെ അവതരിപ്പിച്ച ഗൂഗിള്‍ വിവാദത്തിലായിരുന്നു. വിവേക ശൂന്യരായ ഇന്ത്യന്‍ പ്രധാനമന്ത്രിമാര്‍ എന്നോ വിവേകശൂന്യരായ ലോക പ്രധാനമന്ത്രിമാര്‍ എന്നോ തെരഞ്ഞാല്‍ മോഡിയുടെ ചിത്രങ്ങള്‍ തെളിയുന്നതായി ഒരു പാക് മാധ്യമമാണ് വാര്‍ത്ത പുറത്തുവിട്ടിട്ടുള്ളത്. ഗൂഗിള്‍ തെരയലിന്റെ ചിത്രങ്ങള്‍ സഹിതമാണ് മാധ്യമം വാര്‍ത്ത കൊടുത്തിട്ടുള്ളത്.
ഇന്ത്യന്‍ പ്രധാനമന്ത്രിക്കൊപ്പം ഓസ്‌ട്രേലിയന്‍ പ്രധാനമന്ത്രി ടോണി അബോട്ട്, ബ്രിട്ടീഷ് പ്രധാനമന്ത്രി ഡേവിഡ് കാമറൂണ്‍, കനേഡിയന്‍ പ്രധാനമന്ത്രി സ്റ്റീഫന്‍ ഹാര്‍പ്പര്‍, തുര്‍ക്കി പ്രസിഡന്റ് റെസെപ്പ് തയ്യിപ്പ് എര്‍ഡോഗന്‍ എന്നിവരും പട്ടികയിലുണ്ട്. ഈ വര്‍ഷം ആദ്യമാണ് ലോകത്തെ ടോപ് ടെന്‍ ക്രിമിനലുകളുടെ പട്ടികയില്‍ പെടുത്തി ഗൂഗിള്‍ ഇന്ത്യന്‍ പ്രധാനമന്ത്രിയെ അപമാനിച്ചത്. പ്രതിഷേധം ശക്തമായ സാഹചര്യത്തില്‍ ഗൂഗിള്‍ ഈ പട്ടിക പിന്നീട് നീക്കം ചെയ്യുകയായിരുന്നു.
Top