കൊല്‍ക്കത്ത: തീവണ്ടിയ്ക്കുള്ളില്‍ പട്ടാളക്കാര്‍ക്കായി റിസര്‍വ് ചെയ്തിരുന്ന കോച്ചിനുള്ളിലേയ്ക്ക് ഓടിക്കയറിയ പെണ്‍കുട്ടിയെ കംപാര്‍ട്ട്‌മെന്റിനുള്ളില്‍ പട്ടാളക്കാര്‍് ചേര്‍ന്ന് മണിക്കൂറുകളോളം പീഡിപ്പിച്ചു. കൈകാലുകള്‍ കെട്ടിയിട്ടുള്ള ക്രൂര പീഡനത്തിനിടെ മൃതപ്രായമായ പെണ്‍കുട്ടിയുടെ സ്വകാര്യ ഭാഗങ്ങളില്‍ മുറിവേല്‍പ്പിച്ചു പട്ടാളക്കാരുടെ ക്രൂരത. ഏഴു മണിക്കൂര്‍ നീണ്ട ക്രൂരതയ്ക്കിടെ 24 തവണയാണ് പ്രതികള്‍ പെണ്‍കുട്ടിയെ ക്രൂരമായി പീഡിപ്പിച്ചത്.
കൊല്‍ക്കത്തയിലെ ഹൗറയില്‍ നിന്നും പഞ്ചാബിലെ ലുധിയാനയിലെ അമൃതസറിലേയ്ക്കു യാത്ര ചെയ്യുകയായിരുന്ന കൊല്‍ക്കത്ത സ്വദേശിയായ പതിനാലുകാരിക്കാണ് ക്രൂര പീഡനം നേരിടേണ്ടി വന്നത്. ഫെയ്‌സ്ബുക്കിലൂടെ പരിചയപ്പെട്ട കാമുകനെ നേരില്‍ കാണുന്നതിനു വേണ്ടിയാണ് പെണ്‍കുട്ടി കഴിഞ്ഞ ഞായറാഴ്ച ഒന്നരയ്ക്കുള്ള പഞ്ചാബ് – ബോണ്ട് ഹൗറ – അമൃതസര്‍ എക്‌സ്പ്രസില്‍ ഹൗറ് സ്റ്റേഷനില് നിന്നു കയറിയത്. എല്ലാ കംപാര്‍ട്ട്‌മെന്റിലും തിരക്കായതിനെ തുടര്‍ന്നാണ് പെണ്‍കുട്ടി തിരക്കൊഴിഞ്ഞ ഒരു കംപാര്‍ട്ട്‌മെന്റിനുള്ളിലേയ്ക്ക് ഓടിക്കയറിയത്.
എന്നാല്‍, ഇത് ഇന്ത്യന്‍ ആര്‍മിക്കായി റിസര്‍വ് ചെയ്ത കംപാര്‍ട്ട്‌മെന്റാണെന്നു കണ്ടെത്തിയപ്പോഴേയ്ക്കും ട്രെയിന്‍ ഹൗറ സ്റ്റേഷനില് നിന്നും നീങ്ങിക്കഴിഞ്ഞിരുന്നു. ട്രെയിന്‍ നീങ്ങിത്തുടങ്ങിയപ്പോള്‍ മുതല്‍ അടുത്തെത്തിയ പട്ടാളക്കാര്‍ പെണ്‍കുട്ടിയെ ഭീഷണിപ്പെടുത്താന്‍ തുടങ്ങിയിരുന്നു. ഇതിനിടെ ഒരു പട്ടാളക്കാരന്‍ പെണ്‍കുട്ടിയെ ബലമായി മദ്യം കുടിപ്പിക്കാന്‍ ശ്രമിച്ചു. കുതറിമാറിയ ശേഷം ബാത്‌റൂമിലേയ്ക്കു രക്ഷപെടാന്‍ ശ്രമിച്ച പെണ്‍കുട്ടിയെ രണ്ടു പ്ട്ടാളക്കാര്‍ ചേര്‍ന്ന് ബലമായി പിടിച്ചു കിടത്തി പീഡിപ്പിക്കുകയായിരുന്നു. ട്രെയിനിന്റെ ബെഞ്ചില്‍ കെട്ടിയിട്ടായിരുന്നു പീഡനം. പിന്നീട് പട്ടാളക്കാര്‍ ചേര്‍ന്ന് വീണ്ടും പല തവണ പീഡിപ്പിച്ചു.
ഒടുവില്‍ റയില്‍വേ സംരക്ഷണ സേനയും, സര്‍ക്കാരിന്റെ റയില്‍വേ പൊലീസും ചേര്‍ന്ന് ജാര്‍ഖണ്ഡിലെ മധുര്‍പൂര്‍ റയില്‍വേ സ്റ്റേഷനില് വച്ചാണ് പെണ്‍കുട്ടിയെ രക്ഷിച്ചത്. അപ്പോഴേയ്ക്കും പെണ്‍കുട്ടി മൃതപ്രായയായിരുന്നു. പെണ്‍കുട്ടിയെ കാണാനില്ലെന്നു കാട്ടി ബന്ധുക്കള്‍ നല്‍കിയ പരാതിയാണ് കുട്ടിയെ തിരിച്ചറിയാന്‍ സഹായിച്ചത്. ഹൗറ റയില്‍വേ സ്റ്റേഷനിലെ സിസിടിവിയില്‍ പെണ്‍കുട്ടിയുടെ ചിത്രം പതിഞ്ഞിരുന്നു. ഇതു തിരിച്ചറിഞ്ഞ ബന്ധുക്കള്‍ പൊലീസിനെ അറിയിക്കുകയായിരുന്നു. ഇതേ തുടര്‍ന്ന് പൊലീസ് സംഘം പെണ്‍കുട്ടി യാത്ര ചെയ്ത് ട്രെയിന്‍ കണ്ടെത്തുകയും പെണ്‍കുട്ടിയെ തിരിച്ചറിയുകയുമായിരുന്നു. ഇതേ തുടര്‍ന്നു ട്രെയിനില്‍ നടത്തിയ പരിശോധനയിലാണ് പൂര്‍ണ നഗ്നയായി ട്രെയിനുനുള്ളിലെ കംപാര്‍ട്ട്‌മെന്റില്‍ കിടക്കുന്ന പെണ്‍കുട്ടിയെ കണ്ടെത്തിയത്.
Top