നെയ്യാറ്റിൻകര: തന്നെ മർദ്ദിച്ച മകനെ അറസ്റ്റ് ചെയ്യുകയാണ് എങ്കിൽ ജീവനൊടുക്കുമെന്ന് മാതാവ്. നെയ്യാറ്റിൻകര മാമ്പഴക്കരയിലാണ് മകൻ വയോധികയെ ക്രൂരമായി മർദ്ദിക്കുന്ന ദൃശ്യങ്ങൾ പ്രചരിച്ചത്. ഇതേ തുടർന്ന് മകൻ ശ്രീജിത്തിനെ പ്രതിയാക്കി പോലീസ് കേസ് എടുത്തു.
ശ്രീജിത്തിന്റെ മാതാവ് ശാന്ത (70) യാണു മർദനത്തിന് ഇരയായത്. മകനെ കസ്റ്റഡിയിലെടുത്താൽ താൻ ജീവനൊടുക്കുമെന്ന മാതാവിന്റെ ഭീഷണിയെ തുടർന്നു തത്കാലം പോലീസ് അറസ്റ്റ് ഒഴിവാക്കി.
ഞായറാഴ്ച വൈകിട്ടാണ് സംഭവം. ശാന്തയെ ശ്രീജിത്ത് മർദിക്കുന്ന രംഗങ്ങൾ അയൽവാസിയാണ് മൊബൈലിൽ പകർത്തിയത്. ദൃശ്യങ്ങൾ സമൂഹ മാധ്യമങ്ങളിൽ വ്യാപകമായി പ്രചരിച്ചതോടെ പോലീസ് കേസെടുത്തത്. അതേസമയം മർദനമേറ്റിട്ടും ശാന്ത പോലീസിനോട് സഹകരിച്ചില്ല.
ശ്രീജിത്ത് മദ്യപിച്ചില്ലെങ്കിൽ മാതാവിനെ വളരെ കാര്യമായാണ് പരിചരിക്കുന്നത്. പരസഹായം ഇല്ലാതെ ശാന്തയ്ക്ക് ഒന്നും ചെയ്യാനാകില്ല. അമ്മയെ വൃത്തിയാക്കുന്നതും ഭക്ഷണം പാകം ചെയ്തു നൽകുന്നതും മുറ്റത്തിറങ്ങാൻ സഹായിക്കുന്നതും മകൻ തന്നെയാണ് എന്നാണ് ലഭിക്കുന്ന മറ്റൊരു വിവരം.
Top