സ്വന്തം ലേഖകൻ
ന്യൂയോർക്ക്: ഡിസംബർ 13 ലോകത്തിന്റെ ചരിത്രത്തിൽ രേഖപ്പെടുത്തുന്ന ഒരു ദിവസമായി മാറിയേക്കുമെന്നു റിപ്പോർട്ട്. നാസയുടെ ഗവേഷണ വിഭാഗം നടത്തിയ പഠനത്തിൽ ഡിസംബർ 13 ന് ഭൂമി അതിന്റെ അച്യുതണ്ടിൽ കറങ്ങില്ലെന്നാണ് കണ്ടെത്തിയിരിക്കുന്നത്. കഴിഞ്ഞ നാലു വർഷമായി ഭൂമിയുടെ സ്വയം ഭ്രമണത്തിന്റെ വേഗം കുറഞ്ഞു വരുന്നത് സംബന്ധിച്ചു നാസയിലെ ഗവേഷണ വിഭാഗം നടത്തിയ പഠനത്തിലാണ് ലോകത്തെ ഞെട്ടിക്കുന്ന ഈ കണ്ടെത്തലുള്ളത്. എന്നാൽ, ഭൂമി അതിന്റെ അച്യുതണ്ടിനുള്ള കറക്കം ഒരു ദിവസം നിർത്തിയാൽ എന്ത് സംഭവിക്കും എന്ന കാര്യത്തിൽ പക്ഷേ, ഗവേഷകർക്കും കൃത്യമായ ഉത്തരം നൽകാൻ സാധിക്കുന്നില്ല.
അമേരിക്കയിലെ ബഹിരാകാശ ഗവേഷണ ഏജൻസിയായ നാസയിലെ ഭൂമിയുടെ ഭ്രമണപഥത്തെക്കുറിച്ച് പഠിക്കുന്ന വിഭാഗമാണ് ഇതു സംബന്ധിച്ചു കണ്ടെത്തിയത്. സൂര്യനെ വലം വയ്ക്കുന്നതിനൊപ്പം, ഭൂമി സ്വയം വലം വയ്ക്കുന്നതായി കണ്ടെത്തിയിട്ടുണ്ട്. ഇതിനു ഭൂമിയ്ക്ക് വേണ്ടി വരുന്നത് 24 മണിക്കൂറാണ്. എന്നാൽ, കഴിഞ്ഞ നാല് വർഷമായി ഭൂമിയുടെ ഈ ഭ്രമണ സമയത്തിൽ നേരിയ വ്യത്യാസമുണ്ടെന്നാണ് കണ്ടെത്തിയിരിക്കുന്നത്. ഇത് ഭൂമിയുടെ സഞ്ചാരത്തെ വലിയ തോതിൽ സ്വാധീനിക്കുന്നുമുണ്ടെന്നാണ് പഠന വിഭാഗത്തിന്റെ കണ്ടെത്തൽ.
നിലവിലുള്ള രീതിയിൽ മുന്നോട്ടു പോയാൽ ഡിസംബർ 13 ന് 24 മണിക്കൂർ ഭൂമി കറങ്ങുന്നത് സ്വയം നിർത്തുമെന്നാണ് ഇവരുടെ കണ്ടെത്തൽ. ഇത്തരത്തിൽ ഭൂമി കറങ്ങാതായാൽ സൂര്യനു നേർക്കുള്ള ഒര പ്രദേശത്ത് മാത്രം വെളിച്ചം വീഴുകയും, മറ്റുള്ള സ്ഥലങ്ങളിൽ ഇരുട്ട് മൂടുകയും ചെയ്യും. ഇത് ഭൂമിയുടെ സന്തുലിതാവസ്ഥയെ ബാധിക്കും. ഒരു ദിവസം മാത്രമായി ഇത്തരത്തിൽ ഒരു പ്രദേശം പൂർണമായും ഇരുട്ടിൽ മുങ്ങുന്നത് സമയക്രമത്തെ താറുമാറാക്കുമെന്നാണ് കരുതുന്നത്. ഈ സാഹചര്യത്തെ നേരിടാൻ വേണ്ട മുന്നൊരുക്കങ്ങൾ നടത്താൻ നാസ തങ്ങളുടെ സംഘത്തിനു നിർദേശം നൽകിയിട്ടുണ്ട്. നാസയെ ഉദ്ധരിച്ച് അമേരിക്കൻ മാധ്യമങ്ങളാണ് വാർത്ത പുറത്തു വിട്ടിരിക്കുന്നത്.
Top