വീടിനു മുന്നില്‍ കളിച്ചുകൊണ്ടിരക്കെ കാണാതായ ആറു വയസുകാരന്റെ മൃതദേഹം അയല്‍വീട്ടിലെ ബെഡ് ബോക്‌സില്‍ നിന്ന് കണ്ടെത്തി. ദില്ലിയിലെ ഒഖ്‌ല ഫെയ്‌സിലാണ് സംഭവം. കൊലപാതകവുമായി ബന്ധപ്പെട്ട് പ്രതിയായ 19കാരനെ പൊലീസ് അറസ്റ്റ് ചെയ്തു. ഭാര്യ കുളിക്കുന്ന സമയത്ത് ഒളിഞ്ഞു നോക്കിയതിനാണ് കുട്ടിയെ കൊലപ്പെടുത്തിയതെന്ന് പ്രതി വെളിപ്പെടുത്തി. അടുത്തിടെയാണ് പ്രതി രാഹുല്‍ വിവാഹിതനായത്. വീടിനടത്തുള്ള അടച്ചിട്ട വീട്ടില്‍ ദുര്‍ഗന്ധം വമിക്കുന്നത് ശ്രദ്ധയില്‍ പെട്ട് അയല്‍വാസികള്‍ നടത്തിയ തിരച്ചിലിലാണ് കുട്ടിയുടെ മൃതദേഹം കണ്ടെത്തിയത്. ബെഡ് ബോക്‌സിനുള്ളില്‍ കറുത്ത തുണി ഉപയോഗിച്ച വാ മൂടിക്കെട്ടിയ നിലയിലായിരുന്നു മൃതദേഹമെന്ന് ദൃസാക്ഷികള്‍ അറിയിച്ചു. പെട്ടെന്നുണ്ടായ ദേഷ്യത്തില്‍ കുട്ടിയെ മര്‍ദ്ദിക്കുകയായിരുന്നെന്നും കുട്ടിയുടെ തലയ്ക്ക് പരിക്കേറ്റ് അബോധാവസ്ഥയിലായതോടെ എന്തുചെയ്യണമെന്നറിയാതെ മൃതദേഹം ബെഡ് ബോക്‌സില്‍ ഒളിപ്പിക്കുകയായിരുന്നെന്നും പ്രതി പൊലീസിനോട് പറഞ്ഞു.
Top