‘​സ​ൻ​സ​ദ്​ ച​ലോ’ കർഷമാ​ർ​ച്ച്: പാർലമെന്റിലേക്ക് എത്തുക 60 ടാക്ടറുകൾ: ലക്ഷ്യം കേന്ദ്രസർക്കാരുമായുള്ള ചർച്ച

ന്യൂഡൽഹി: പാർലമെന്റിലേക്ക് ന​ട​ത്തുന്ന​ ‘​സ​ൻ​സ​ദ്​ ച​ലോ’ മാ​ർ​ച്ചിൽ 60 ടാക്ടറുകൾ പങ്കെടുക്കുമെന്ന് ഭാരതീയ കി​സാ​ൻ യൂണിയൻ. ശൈ​ത്യ​കാ​ല സ​മ്മേ​ള​നം തു​ട​ങ്ങു​ന്ന ഒക്ടോബർ 29 നാണ് മാർച്ച് നടത്തുക. കേന്ദ്ര സർക്കാറുമായുള്ള സംഭാഷണമാണ് മാർച്ച് കൊണ്ട് ലക്ഷ്യമിടുന്നത്.

കർഷകർ നേരിട്ട് പാർലമെൻറിലേക്ക് പോകും. റോഡ് മാർഗം പാർലമെൻറിലേക്ക് കർഷകരുടെ ടാക്ടറുകൾ മാർച്ച് നടത്തുമെന്നും വാഹന ഗതാഗതം തടസപ്പെടുത്തില്ലെന്നും ഭാരതീയ കി​സാ​ൻ യൂണിയൻ നേതാവ് രാകേഷ് ടികായത്ത് പറഞ്ഞു.

ചു​രു​ങ്ങി​യ താ​ങ്ങു​വി​ല​ സംബന്ധിച്ച കേന്ദ്ര സർക്കാറിൻറെ പ്രതികരണത്തിനായി കർഷകർ കാത്തിരിക്കുകയാണ്. കഴിഞ്ഞ ഒരു വർഷത്തിനിടെ 750 കർഷകർ മരിച്ചെന്നും അതിൻറെ ഉത്തരവാദിത്തം സർക്കാറിനാണെന്നും ടികായത്ത് ചൂണ്ടിക്കാട്ടി. നവംബർ 24ന്​ ​ഉ​ത്ത​രേ​ന്ത്യ​ൻ നേ​താ​വാ​യി​രു​ന്ന ഛോട്ടു​റാ​മി​ൻറെ ജ​ന്മ​വാ​ർ​ഷി​കം ‘കി​സാ​ൻ മ​സ്​​ദൂ​ർ സം​ഘ​ർ​ഷ്​ ദി​വ​സ്​’ ആ​യി ആ​ച​രി​ക്കും.

വി​വാ​ദ കാർഷിക നി​യ​മ​ങ്ങ​ൾ പാ​ർ​ല​മെൻറ് പി​ൻ​വ​ലി​ക്കും വരെ സമരത്തിൽ നിന്ന് പി​റ​കോ​ട്ടു​പോ​കേ​ണ്ടെ​ന്നാണ്​ സം​യു​ക്ത കി​സാ​ൻ മോ​ർ​ച്ച തീ​രു​മാ​നി​ച്ചിട്ടുള്ള​ത്. 26ന്​ ​അ​തി​ർ​ത്തി​യി​ലെ സ​മ​ര​വാ​ർ​ഷി​ക​വും വി​ജ​യി​പ്പി​ക്കാനും കി​സാ​ൻ മോ​ർ​ച്ച യോഗം തീരുമാനിച്ചിരുന്നു. കൂടാതെ, കേന്ദ്ര സർക്കാറിന് മുന്നിൽ ആ​റ്​ ആ​വ​ശ്യ​ങ്ങ​ൾ ക​ർ​ഷ​ക​ർ ഉ​ന്ന​യി​ക്കുകയും ചെയ്തിട്ടുണ്ട്.