കൊച്ചി: നടി ഭാവനയെ കാറുതടഞ്ഞുനിര്‍ത്തി തട്ടികൊണ്ടുപോയി. ഇന്നലെ രാത്രിയില്‍ അങ്കമാലിയിലാണ് സിനിമാതാരമായ യുവതിയെ ഒരു സംഘടം തട്ടികൊണ്ടുപോയതത്. രണ്ടു മറിക്കൂറോളം കൊച്ചിയില്‍ കറങ്ങിയതിനുശേഷം ഒരു സംവിധായകന്റെ വീടനുസമീപത്ത് ഇറക്കിവിടുകയായിരുന്നുവെന്നാണ് നടിയുടെ മൊഴി.സംഭവത്തില്‍ ഒരാളെ പോലീസ് അറസ്റ്റു ചെയ്തു
മുന്‍ ഡ്രൈവര്‍ ഉള്‍പ്പെട്ട സംഘമാണ് തട്ടിക്കൊണ്ടു പോകലിനു പിന്നിലെന്നു നടി പൊലീസിനു മൊഴി നല്‍കി. സംഭവവുമായി ബന്ധപ്പെട്ട് ഡ്രൈവറെ പൊലീസ് കസ്റ്റഡിയിലെടുത്തു.നടി സഞ്ചരിച്ച വാഹനത്തില്‍ പ്രതികള്‍ സഞ്ചരിച്ചിരുന്ന വാഹനം ഇടിപ്പിച്ച് അപകടത്തിന്റെ പ്രതീതി ഉണ്ടാക്കിയ ശേഷമായിരുന്നു തട്ടിക്കൊണ്ടുപോകല്‍. അപകടമുണ്ടാക്കിയ ശേഷം, പിന്നാലെ എത്തിയ വാഹനത്തിലുണ്ടായിരുന്നവര്‍ നടിയുടെ വാഹനത്തില്‍ കയറി ഓടിച്ചു പോവുകയായിരുന്നു. രണ്ടു മണിക്കൂറിലേറെ എറണാകുളം നഗരത്തില്‍ ചുറ്റിക്കറങ്ങിയ വാഹനം പുലര്‍ച്ചെയോടെ കാക്കനാട് ഭാഗത്ത് ഒരു സംവിധായകന്റെ വീടിനു സമീപം നിര്‍ത്തിയശേഷം പ്രതികള്‍ കടന്നു കളയുകയായിരുന്നു.
പിടിയിലായ ഡ്രൈവറുടെ കൂടി അറിവോടെയാണു സംഭവം ആസൂത്രണം ചെയ്തതെന്നു പൊലീസിനു സംശയമുണ്ട്. ഇതു മുന്‍നിര്‍ത്തി ഡ്രൈവറെ ചോദ്യം ചെയ്യുന്നതു തുടരുകയാണ്. നടിയുടെ മൊഴിയുടെ അടിസ്ഥാനത്തില്‍ മറ്റു പ്രതികളെ പൊലീസ് തിരിച്ചറിഞ്ഞിട്ടുണ്ട്. ഇവര്‍ക്കായി തിരച്ചില്‍ ആരംഭിച്ചുകഴിഞ്ഞു.
നടിയുടെ മുന്‍ ഡ്രൈവറാണു പ്രധാന പ്രതിയെന്നു നടി പൊലീസിനു മൊഴി നല്‍കിയതായാണു സൂചന. എറണാകുളം നഗരത്തിലെയും റൂറലിലെയും പൊലീസ് സംഘമാണ് അന്വേഷണം നടത്തുന്നത്.
Top