തൃശൂര്‍: ഹയര്‍ സെക്കന്ററി ഫലം പുറത്തുവന്നപ്പോള്‍ വന്‍ ആഹ്‌ളാദത്തിലാണ് നടി നടി മാളവിക നായര്‍. ഹയര്‍ സെക്കന്‍ഡറി പരീക്ഷയില്‍ മികച്ച വിജയം നേടിയനടി അഭിനയലോകത്തും ഇതോടെ സുഹൃത്തുക്കളുടെ കയ്യടി നേടി.
വിഷയങ്ങള്‍ക്ക് മുഴുവന്‍ എ പ്ലസ് നേടിയാണ് മാളവിക പഠനത്തിലും മിടുക്കിയാണെന്ന് തെളിയിച്ചത്. ഹ്യുമാനിറ്റീസ് വിഭാഗത്തിലാണ് മാളവിക മികച്ച വിജയം സ്വന്തമാക്കിയത്. തൃശൂര്‍ വിവേകോദയം ഹയര്‍സെക്കന്‍ഡറി സ്‌കൂളിലായിരുന്നു മാളവിക പഠിച്ചത്. ഇതോടെ നടിയുടെ വിജയം സ്‌കൂളിനും അഭിനന്ദനാര്‍ഹമായ നേട്ടമായി.
കറുത്ത പക്ഷികളിലെ അന്ധ ബാലിക മല്ലിയായാണു മാളവിക നായര്‍ ആദ്യം മലയാള വെള്ളിത്തിരയില്‍ എത്തിയത്. പ്രേക്ഷക ഹൃദയം കീഴടക്കിയ മല്ലിയിലൂടെ അരങ്ങേറ്റത്തില്‍ തന്നെ മികച്ച ബാല താരത്തിനുള്ള 2006ലെ സംസ്ഥാന അവാര്‍ഡും നേടി. അഞ്ചു വര്‍ഷത്തിനു ശേഷം ഊമക്കുയില്‍ പാടുമ്പോള്‍ എന്ന ചിത്രത്തിലൂടെ മികച്ച ബാല താരത്തിനുള്ള സംസ്ഥാന പുരസ്‌കാരം വീണ്ടും മാളവികയെ തേടിയെത്തി.
രണ്ടു സംസ്ഥാന പുരസ്‌കാരങ്ങളുടെ പെരുമയില്‍ മലയാള സിനിമയിലെ ഏറ്റവും തിളക്കമുള്ള ബാലതാരങ്ങളിലൊരാളായി മാറിയ മാളവിക ബാല താരത്തില്‍ നിന്നു നായിക നിരയിലും അരങ്ങേറ്റം നടത്തിയിരുന്നു.
ദിലീപ് നായകനായി എത്തിയ ജോര്‍ജേട്ടന്‍സ് പൂരത്തിലാണ് മാളവിക അവസാനമായി അഭിനയിച്ചത്. അമ്മുവെന്ന് കൂട്ടുകാര്‍ക്കിടയില്‍ ്അറിയപ്പെടുന്ന മാളവിക തന്റെ മാര്‍ക്ക് ഷീറ്റ് ഫേസ്ബുക്കിലൂടേയും സഹൃദയര്‍ക്കായി പങ്കുവച്ചു.
Top