ന്യുഡല്‍ഹി: അന്യഗ്രഹജീവി ഇന്ത്യയിലും പ്രത്യക്ഷപ്പെട്ടു ?ഡല്‍ഹി ഇന്ദിരാ ഗാന്ധി രാജ്യാന്തര വിമാനത്താവളത്തിനു മുകളില്‍ ആകാശത്ത്, പറക്കുന്ന അജ്ഞാത വസ്തു പ്രത്യക്ഷപ്പെട്ടതിനെ തുടര്‍ന്ന് അതീവ ജാഗ്രതാ നിര്‍ദേശം പുറപ്പെടുവിച്ചു. ഡല്‍ഹി വ്യോമമേഖലയില്‍ അന്യഗ്രഹവാഹനമെന്ന് തോന്നിക്കുന്ന അജ്ഞാതവസ്തുക്കള്‍ പ്രത്യക്ഷപ്പെടുന്നത് ആവര്‍ത്തിക്കുന്ന സാഹചര്യത്തിലാണ് അതീവ ജാഗ്രത നിര്‍ദേശം പുറപ്പെടുവിച്ചത്. വെള്ളിയാഴ്ച രാവിലെയാണ് ഡല്‍ഹി വ്യോമമേഖലയില്‍ അജ്ഞാതവസ്തുവിനെ എയര്‍ ട്രാഫിക് കണ്‍ട്രോള്‍ വിഭാഗം കണ്ടത്. ഇതേത്തുടര്‍ന്ന് വ്യോമസേനയുടെ ഹെലിക്കോപ്റ്റര്‍ പ്രദേശത്ത് പരിശോധന നടത്തിയെങ്കിലും സംശയകരമായി ഒന്നും കണ്ടെത്താനായില്ല. കഴിഞ്ഞ ചൊവ്വാഴ്ചയും ഡ്രോണ്‍ എന്ന് സംശയിക്കുന്ന അജ്ഞാതവസ്തു ഡല്‍ഹി വ്യോമമേഖലയില്‍ പ്രത്യക്ഷപ്പെട്ടിരുന്നു. കഴിഞ്ഞ ബുധനാഴ്ച രാത്രി എയര്‍ വിസ്താര വിമാനത്തിന്റെ പൈലറ്റും ലാന്‍ഡിങിനിടെ ശക്തമായ ലേസര്‍ രശ്മികള്‍ കണ്ടിരുന്നു. സമാനസംഭവങ്ങള്‍ ആവര്‍ത്തിച്ചതോടെ യാത്രക്കാരുടെ സുരക്ഷ ഉറപ്പാക്കാന്‍ സിഐഎസ്എഫും വ്യോമസേനയും അന്വേഷണം തുടങ്ങിയിട്ടുണ്ട്
Top