ബാര്‍കോഴയില്‍ ശിവകുമാറിനും രമേശ്​ ചെന്നിത്തലക്കും പങ്കാളിത്തം –ബിജു രമേശ്

കോഴിക്കോട്​: ബാര്‍ കോഴയില്‍ പങ്കാളിത്തമുളള കോണ്‍ഗ്രസിലെ നാലാമത്തെ മന്ത്രി രമേശ് ചെന്നിത്തലയാണെന്ന് ബിജു രമേശിെന്റെ വെളിപ്പെടുത്തല്‍. കേസ് അട്ടിമറിക്കുന്നതിന് പിന്നില്‍ ചെന്നിത്തലയാണെന്നും ബിജു രമേശ്​ പറഞ്ഞു. ആരോഗ്യമന്ത്രി ശിവകുമാറിന് ഇരുപത്തഞ്ച് ലക്ഷം നല്‍കിയെന്നും ബിജുരമേശ്​ വെളിപ്പെടുത്തി‍. മീഡിയവണി​െന്‍റ വ്യൂ പോയിന്‍റിലാണ് നിര്‍ണായക വെളിപ്പെടുത്തല്‍.

മന്ത്രി സഥാനത്തു നിന്നുള്ള കെ. ബാബുവി​െന്‍റ രാജി നാടകമാണെന്നും ബിജു കുറ്റപ്പെടുത്തി. ബാബുവിന്‍റെ മുകളിലുള്ളവര്‍ക്ക് കോഴയുടെ പങ്ക് കിട്ടിയിട്ടുള്ളതുകൊണ്ടാണ്​ അദ്ദേഹത്തെ സംരക്ഷിക്കുന്നത്​. രാജി സ്വീകരിക്കാന്‍ വൈകുന്നത് ബാബുവിനെ സംരക്ഷിക്കാന്‍ വേണ്ടിയാണ്. മുഖ്യമന്ത്രി പറഞ്ഞിട്ടാണെന്ന്​ പറഞ്ഞാണ് ഓരോ തവണയും ബാബു പണം വാങ്ങിയത്​. ബാബു മുഖ്യമന്ത്രിയുടെ പേര് ദുരുപയോഗം ചെയ്തതാണോ എന്ന​ും അദ്ദേഹത്തിന് ഇക്കാര്യത്തെക്കുറിച്ച്​ അറിവുണ്ടോ എന്നും തനിക്ക്​ അറിയില്ലെന്നും ബിജു രമേശ്​ പറഞ്ഞു.