ലഖ്നൗ: പൊതുജനത്തിനെതിരെ ബിജെപി നേതാവിന്റെ അക്രമം. തന്റെ സമാജ്വാദി പാര്‍ട്ടി നേതാവ് അഖിലേഷ് യാദവിന് വോട്ടുചെയ്യുമെന്ന് പറഞ്ഞ ഭിന്നശേഷിക്കാരനെ ബിജെപി നേതാവ് വായില്‍ വടിയിട്ട് കുത്തി. ബി ജെ പി നേതാവായ മൊഹമ്മദ് മിയാനാണ് കയ്യിലുണ്ടായിരുന്ന വടിയുപയോഗിച്ച് യുവാവിന്റെ വായില്‍ കുത്തുകയും ഭീഷണിപ്പെടുത്തുകയും ചെയ്തത്. ഇതിന്റെ വീഡിയോ സാമൂഹ്യ മാധ്യമങ്ങളില്‍ വൈറലാവുകയാണ്.
BJP leader Mohammad Miya assaulting specially-abled youth in Sambhal after the latter passed negative remark about BJP leaders. The youth, who could barely put up a fight, can be heard saying ‘Vote dunga Akhilesh ko’ pic.twitter.com/eazAzwJzJE
— Piyush Rai (@PiyushRaiTOI) December 25, 2018
ഉത്തര്‍പ്രദേശിലെ സംഭാലിലാണ് സംഭവം നടന്നത്. ഇരുപത്തിരണ്ടുകാരനായ മനോജ് ഗുജ്ജറാണ് അതിക്രമത്തിനിരയായതെന്നാണ് റിപ്പോര്‍ട്ട്.
പ്രധാനമന്ത്രി നരേന്ദ്ര മോദിക്കും ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനെതിരെ മുദ്രാവാക്യം വിളിച്ചതും അഖിലേഷ് യാദവിനേ വോട്ടു ചെയ്യൂവെന്ന് പറഞ്ഞതുമാണ് മൊഹമ്മദിനെ പ്രകോപിപ്പിച്ചതെന്ന് ന്യൂസ് 18 റിപ്പോര്‍ട്ട് ചെയ്തു. സംഭവത്തിന്റെ വീഡിയോ മാധ്യമപ്രവര്‍ത്തകനായ പീയുഷ് റായി ട്വിറ്ററില്‍ പങ്കുവച്ചിട്ടുണ്ട്.
Top