എടിഎമ്മില്‍ നിന്ന് പണം ലഭിക്കുന്നതിനു വേണ്ടി ക്യൂ നില്‍ക്കുന്നവരെ കളിയാക്കുന്ന ബിജെപി എംപിയുടെ വീഡിയോ സോഷ്യല്‍ മീഡിയയില്‍ വൈവറലാവുന്നു.ക്യൂവില്‍ നില്‍ക്കുന്നവരുടെ ബുദ്ധിമുട്ടിനെ ചൊല്ലി ബിജെപി എംപിയും ഡല്‍ഹി ബിജെപി അദ്ധ്യക്ഷനുമായ മനോജ് തിവാരി പറയുന്ന തമാശ കേട്ട് കൂടെ ചിരിക്കുന്ന ബിജെപി നേതാക്കളും വീഡിയോയിലുണ്ട്.ബിഎസ്പിയാണ് വീഡിയോ ട്വിറ്ററിലൂടെ പുറത്ത് വിട്ടത്.
താന്‍ എടിഎമ്മിനു മുമ്പില്‍ ക്യൂ നില്‍ക്കുന്നവരുടെ അടുത്തേക്ക് പോയപ്പൊള്‍ അവര്‍ പറഞ്ഞു ഞങ്ങള്‍ ബുദ്ധിമുട്ടിലാണെന്ന് പറഞ്ഞു. അപ്പോള്‍ ഞാനവര്‍ക്ക് ഒരു ദേശസ്‌നേഹ ഗാനം ചൊല്ലിക്കൊടുത്തു. നിങ്ങള്‍ ദേശസ്‌നേഹികളാണെന്നും നിങ്ങളുടെ സഹനം രാജ്യത്തിനു വേണ്ടിയാണെന്നും ഞാന്‍ പറഞ്ഞു. അങ്ങിനെയാണെങ്കില്‍ ഞങ്ങള്‍ ക്യൂവില്‍ തുടരാം എന്നവര്‍ പറഞ്ഞു എന്ന് പറയുകയും ദേശസ്‌നേഹ ഗാനം ആലപിക്കുകയും ഉയര്‍ന്ന് ചിരിക്കുകയും ചെയ്യുന്നു. ഇതോടെ മറ്റ് ബിജെപി നേതാക്കളും ചിരിക്കുന്നതാണ് വീഡിയോ.ഈ അടുത്ത സമയത്താണ് മനോജ് തിവാരി ബിജെപിയുടെ ഡല്‍ഹി അദ്ധ്യക്ഷനായി ചുമതലയേല്‍ക്കുന്നത്.
Top