ലഖ്‌നൗ : കല്യാണ ദിവസം വ്യത്യസ്ഥമാക്കുവാന്‍ വേണ്ടി വന്‍ തുകകള്‍ ചിലവഴിക്കുന്നവരെ തങ്ങളുടെ മനസ്സിന്റെ വലുപ്പം കൊണ്ട് തോല്‍പ്പിച്ചിരിക്കുകയാണ് ഈ നവദമ്പതിമാര്‍. തങ്ങളുടെ വിവാഹ ദിവസം രക്തം ദാനം ചെയ്താണ് ഇവര്‍ വാര്‍ത്തകളില്‍ ഇടം നേടുന്നത്. കൂടാതെ വിവാഹ ദിവസം അവിടെ എത്തി ചേര്‍ന്ന 60 ലധികം പേരും ഇവരോടൊപ്പം ഈ രക്തദാനത്തില്‍ പങ്കാളികളായി. 
മധ്യപ്രദേശിലെ ഇന്‍ഡോറിനടുത്തുള്ള ഉജ്ജയിന്‍ സ്വദേശികളായ ഗുഞ്ജനും ഭാര്യ ഓസിന് ജൈനുമാണ് തങ്ങളുടെ വിവാഹം ഈ മഹത്തരമായ സാമൂഹ്യ സേവനത്തിലൂടെ വ്യത്യസ്ഥമാക്കി തീര്‍ത്തത്. സര്‍ക്കാര്‍ സര്‍വീസില്‍ ജോലി ചെയ്യുന്ന ഗുഞ്ജന്‍ ഇതിന് മുന്‍പ് 34 തവണ രക്ത ദാനം ചെയ്ത വ്യക്തിയാണ്. നേരത്തെ തന്നെ കല്യാണ ദിവസം തനിക്ക് രക്തം ദാനം ചെയ്യാന്‍ താല്‍പ്പര്യമുണ്ടെന്ന് ഗുഞ്ജന്‍ തന്റെ ഭാവി വധുവിനെയും ഇരു വീട്ടുകാരെയും അറിയിച്ചിരുന്നു. ഗുഞ്ജന്റെ തീരുമാനത്തിന് കൂടെ നില്‍ക്കാന്‍ ഓസിന് പൂര്‍ണ്ണ സമ്മതം. ഇതോടെ ഇരുവരുടെയും വീട്ടുകാരും അടുത്ത ബന്ധുക്കളും ഈ ഉദ്യമത്തില്‍ ഇവര്‍ക്കൊപ്പം ചേര്‍ന്നു. അങ്ങനെ 60 ലധികം പേര്‍ ഈ വിവാഹ ദിവസം രക്തം ദാനം ചെയ്യാന്‍ തയ്യാറായി.
Top