റസ്ലിങ് താരം ബ്രേ വയറ്റ് ഹൃദയാഘാതത്തെ തുടര്‍ന്ന് അന്തരിച്ചു; അന്ത്യം 36ാം വയസില്‍

ന്യൂജഴ്‌സി, ഡബ്ല്യു.ഡബ്ല്യു.ഇ മുന്‍ ചാമ്പ്യന്‍ ബ്രേ വയറ്റ് (36) ഹൃദയാഘാതത്തെ തുടര്‍ന്ന് അന്തരിച്ചു. ഡബ്ല്യൂ.ഡബ്ല്യൂ ഇ ചീഫ് കണ്ടന്റ് ഓഫിസര്‍ ട്രീപിള്‍ എച്ചാണ് സാമൂഹ്യമാധ്യമങ്ങളിലൂടെ മരണ വാര്‍ത്ത അറിയിച്ചത്. കഴിഞ്ഞ കുറച്ച് മാസമായി വയറ്റ് വിട്ടുനില്‍ക്കുകയായിരുന്നെന്നും വെളിപ്പെടുത്താത്ത ആരോഗ്യ പ്രശ്‌നങ്ങള്‍ ബി വയറ്റിന് ഉണ്ടായിരുന്നതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു.

2009 മുതല്‍ ഡബ്ല്യൂ ഡബ്ല്യൂ.ഇയുടെ ഭാഗമായ ബ്രേ വയറ്റ് റസ്ലിങ് എന്റര്‍ടെന്‍മെന്റ് രംഗത്തെ സൂപ്പര്‍ താരങ്ങളിലൊരാളായിരുന്നു. ഡബ്ല്യു.ഡബ്യു.ഇ ചാമ്പ്യന്‍ഷിപ്പും യൂണിവേഴ്‌സല്‍ ചാമ്പ്യന്‍ഷിപ്പും വിജയിച്ചിട്ടുണ്ട്.