ന്യൂഡല്‍ഹി: പാന്‍മസാല തുപ്പാന്‍ ശ്രമിക്കുന്നതിനിടെ കാര്‍ ഡിവൈഡറിലിടിച്ച് യുവാവ് മരിച്ചു. ഗ്രേറ്റര്‍ നോയിഡയിലെ യമുന എക്‌സ്പ്രസ്‌വേയിലാണ് സംഭവം. പ്രശാന്ത് കസാന എന്ന 27 കാരനാണ് മരിച്ചത്. ജാഗ്വര്‍ കാറാണ് അപകടത്തില്‍ പെട്ടത്. അതിവേഗതയിലായിരുന്നു കാര്‍ എന്ന് ദൃക്‌സാക്ഷികള്‍ പറഞ്ഞു. കാറിന്റെ വിന്‍ഡോ താഴ്ത്തി യുവാവ് പാന്‍മസാല തുപ്പാന്‍ വേണ്ടി തല പുറത്തേക്കിട്ടതായിരുന്നു. തലപുറത്തേക്കിട്ടപ്പോള്‍ യുവാവിന് കാറിന്റെ നിയന്ത്രണം നഷ്ടപ്പെട്ടു. തുടര്‍ന്ന് കാര്‍ റോഡിന്റെ നടുവിലെ ഡിവൈഡറില്‍ ഇടിക്കുകയായിരുന്നു. തലക്ക് ഗുരുതരമായി യുവാവിനെ ഉടന്‍ തന്നെ കൈലാഷ് ആശുപത്രിയിലെത്തിച്ചു. പിന്നീട് ബന്ധുക്കളെത്തി അപ്പോളോ ആശുപത്രിയിലേക്ക് മാറ്റുകയായിരുന്നു.
Tags: car accident
Top