മന്ത്രി വി എൻ വാസവന് സ്വീകരണം നൽകി

പുതുപ്പള്ളി :
കൂരോപ്പട സർവീസ് സഹകരണ ബാങ്കിന്റെ നേതൃത്വത്തിൽ സഹകരണ രജിസ്‌ട്രേഷൻ വകുപ്പ് മന്ത്രി വി എൻ വാസവന് സ്വീകരണം നൽകി.സഹകരണ മന്ത്രി ആയതിന് ശേഷം ആദ്യമായി ബാങ്കിലെത്തുന്ന വാസവനെ വാദ്യമേളങ്ങളുടെ അകമ്പടിയോടെയാണ് സഹകാരികൾ സ്വീകരിച്ചത്.ബാങ്ക് ഹാളിൽ നടന്ന ചടങ്ങിൽ എസ്എസ്എൽസി പ്ലസ് ടു പരീക്ഷകളിൽ മുഴുവൻ വിഷയങ്ങൾക്കും എ പ്ലസ് നേടിയവരുൾപ്പടെ വിവിധ മേഖലകളിൽ കഴിവ് തെളിയിച്ച 56 പ്രതിഭകളെ ആദരിച്ചു.സിവിൽ സർവീസ് പരീക്ഷയിൽ 113 -)o റാങ്ക് നേടിയ ആര്യ എസ് നായർ , എൽ എൽ ബി പരീക്ഷയിൽ ഒന്നാം സ്ഥാനം കരസ്ഥമാക്കിയ ജി ഗായത്രി എന്നിവരെയും മന്ത്രിയുടെ നേതൃത്വത്തിൽ ആദരിച്ചു. യോഗത്തിൽ ബാങ്ക് പ്രസിഡന്റ് കെ പി ശ്രീരാമൻ അധ്യക്ഷനായി. സിപിഐഎം ജില്ലാ സെക്രട്ടറി എ വി റസൽ ,സർക്കിൾ സഹകരണ യൂണിയൻ ചെയർമാൻ കെ എം രാധാകൃഷ്ണൻ , എം ജി സർവകലാശാല സിൻഡിക്കേറ്റ് അംഗം അഡ്വ റെജി സഖറിയ , ഏരിയ സെക്രട്ടറി സുഭാഷ് പി വർഗീസ് , പഞ്ചായത്ത് പ്രസിഡന്റ് ഷീലാ ചെറിയാൻ , എന്നിവർ സംസാരിച്ചു. ബാങ്ക് ഭരണ സമിതി അംഗം ഗോപി ഉല്ലാസ് സ്വാഗതവും സെക്രട്ടറി എൻ സതീഷ് കുമാർ നന്ദിയും പറഞ്ഞു.