കോവിഡ് പ്രതിരോധത്തിന് നേതൃത്വം നൽകിയ ആരോഗ്യ വകുപ്പിലെ ഫീൽഡ് വിഭാഗം ജീവനക്കാരുടെ ശമ്പളം വെട്ടികുറച്ച നടപടി പ്രതിഷേധാഹം: എൻ.ജി.ഒ. അസോസിയേഷൻ

കോട്ടയം: കോവിഡ് പ്രതിരോധത്തിന് നേതൃത്വം നൽകിയ ആരോഗ്യ വകുപ്പിലെ ഫീൽഡ് വിഭാഗം ജീവനക്കാരുടെ ശമ്പളം വെട്ടിക്കുറച്ച പതിനൊന്നാം ശമ്പള പരിഷ്കരണ കമ്മീഷൻ നടപടികൾ പിൻവലിക്കണമെന്ന് എൻ.ജി.ഒ. അസോസിയേഷൻ സംസ്ഥാന വൈസ് പ്രസിഡന്റ് തോമസ് ഹെർബിറ്റ് ആവശ്യപ്പെട്ടു.

കേരള എൻ ജി ഒ അസോസിയേഷൻ കോട്ടയം ജില്ലാ കമ്മിറ്റി ജില്ലാ മെഡിക്കൽ ഓഫീസിന് സമീപം നടത്തിയ പ്രതിഷേധ കൂട്ടായ്മ ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലാ പ്രസിഡന്റ് രഞ്ജു കെ മാത്യു അധ്യക്ഷത വഹിച്ചു.

ജില്ലാ സെക്രട്ടറി ബോബിൻ വി പി സംസ്ഥാന സെക്രട്ടേറിയറ്റ് അംഗങ്ങളായ സതീഷ് ജോർജ്,അഷ്റഫ് പറപ്പള്ളി, സോജോ തോമസ് ജില്ലാ ട്രഷറർ സഞ്ജയ് എസ് നായർ, ഹാരിസ്മോൻ പി.എച്ച് , ബെന്നി ജോർജ്, റോബി ജെ എന്നിവർ സംസാരിച്ചു