എകെ 47 ഉപയോഗിച്ച് സിഗരറ്റ് കത്തിക്കുന്ന ഞെട്ടിക്കുന്ന വീഡിയോ കാണാം. തുളച്ച് പായുന്ന വെടിയുണ്ട സിഗരറ്റില്‍ തട്ടി കത്തുന്നു

ഇസ്‌ലാമാബാദ്: സിഗരറ്റിനു തീപിടിപ്പിക്കാനായി എകെ 47 ഉപയോഗിച്ച് വെടിവയ്ക്കുന്ന ഞെട്ടിയ്ക്കുന്ന വീഡിയോ സോഷ്യല്‍ മീഡിയയില്‍ വൈറലാകുന്നു. പാകിസ്താനില്‍ നിന്ന് അപ്പ് ചെയ്തിരിക്കുന്ന വീഡിയോയെ കുറിച്ച് മറ്റ് വിവരങ്ങളൊന്നും ഇതുവരെ വന്നിട്ടില്ല.

എകെ 47 തോക്കുപയോഗിച്ച് വെടിവെച്ച് സുഹൃത്തിന്റെ ചുണ്ടില്‍ ഇരിക്കുന്ന സിഗരറ്റ് കത്തിക്കുന്ന യുവാവിന്റെ വീഡിയോ ആണ് യൂടൂബില്‍ പ്രചരിക്കുന്നത്.

എകെ 47 ഉപയോഗിച്ച് ചുണ്ടില്‍ വച്ച സിഗരറ്റ് കത്തിക്കുന്നതും തലയില്‍ ആപ്പിള്‍ വെച്ചശേഷം വെടിവെച്ചു തകര്‍ക്കുന്നതും ദൃശ്യങ്ങളില്‍ കാണാം. സിഗററ്റ് കത്തിയ ശേഷം അത് വലിച്ച് പുകവിട്ട് കൈകൊട്ടി ഏഴുന്നേറ്റുവരുകയാണ് യുവാവ്. ടെലിസ്‌കോപ്പിക്ക് വ്യൂ കൂടി ഇല്ലാത്ത തോക്ക് ഉപയോഗിച്ചാണ് ഈ സാഹസം. പരമ്പരാഗത പാകിസ്താന്‍ വേഷം ധരിച്ചു നില്‍ക്കുന്ന യുവാക്കള്‍ പാകിസ്താന്‍ സുരക്ഷ സൈന്യത്തിന്റെ ഭാഗമാണെന്നും പരിശീലനത്തിന്റെ ഭാഗമായുള്ള പ്രകടനമാണ് ഇതെന്നും പറയുന്നു.