ബ്രസൽസ്: തിരക്കുള്ള ബസിൽ യുവതിയെ കടന്നു പിടിച്ച യുവാവിനെ കാലിൽ തൂക്കി നിലത്തടിച്ച് യുവതി. കഴിഞ്ഞ 20 ന് ബ്രസീലിലായിരുന്നു സംഭവം. ഇതിനു പിന്നാലെയാണ് ഇപ്പോൾ ഈ വീഡിയോ വൈറലായി മാറിയിരിക്കുന്നത്. കഴിഞ്ഞ ദിവസം ജിമ്മിൽ നിന്നും വീട്ടിലേയ്ക്കു മടങ്ങുകയായിരുന്നു ബ്രസീൽ സ്വദേശിയായ യുവതി. ഇതിനിടെയാണ് യുവാവ് യുവതിയെ കടന്നു പിടിച്ചത്. രണ്ടു മൂന്നു തവണ യുവതി കൈ തട്ടിമാറ്റിയെങ്കിലും, യുവാവ് വീണ്ടും ശല്യം തുടരുകയായിരുന്നു.
ഇതിനിടെ വീണ്ടും യുവാവ് പിൻഭാഗത്ത് കടന്നു പിടിച്ചതോടെ യുവതി ക്ഷുഭിതയായി. ആദ്യം യുവാവിന്റെ മൂക്കിടിച്ച് പരത്തിയ യുവതി, ഇയാളുടെ കാലിൽ തൂക്കി നിലത്തടിച്ചു. സംഭവത്തിന്റെ വീഡിയോ ബസിലുണ്ടായിരുന്ന യാത്രക്കാരാണ് പുറത്താക്കിയത്. വീഡിയോ വൈറലായി മാറിയതോടെ ഡെയിലി മെയിൽ വാർത്ത പുറത്തു വിടുകയും ചെയ്തു. വീഡിയോയും ഡെയിലി മിററിലൂടെയാണ് പുറത്തായത്. സംഭവം വൈറലായി മാറിയതോടെ യുവാവിനെ പൊലീസ് പിടികൂടി. ലൈംഗികാതിക്രമ നിരോധന നിയമപ്രകാരം യുവാവിനെതിരെ കേസെടുത്തു.
Top