കോളജ് അധ്യാപികയുടെ അശ്ലീല ദൃശ്യങ്ങൾ വിദ്യാർഥികൾ പുറത്തു വിട്ടു; മലയാളി വിദ്യാർഥികൾക്കെതിരെ പരാതിയുമായി അധ്യാപിക

സ്വന്തം ലേഖകൻ

ബാംഗ്ലൂർ:ക്ലാസ് മുറിയിൽ സാരിയുടുത്തെത്തിയ മലയാളി അധ്യാപികയുടെ അശ്ലീല ദൃശ്യങ്ങൾ വിദ്യാർഥികൾ മൊബൈൽ ഫോൺ ക്യാമറയിൽ പകർത്തി പുറത്തു വിട്ടതായി പരാതി. രണ്ടു മാസം കൊണ്ടു മലയാളി വിദ്യാർഥികൾ ചിത്രീകരിച്ച ദൃശ്യങ്ങൾ സോഷ്യൽ മീഡിയയിൽ പ്രചരിച്ചതോടെയാണ് അധ്യാപിക പരാതിയുമായി രംഗത്ത് എത്തിയത്. ക്ലാസ് മുറിയിൽ ഇവരുടെ വസ്ത്രം അലക്ഷ്യമായി കിടക്കുന്നതിന്റെയും, കോളജിലെ ബാത്ത്‌റൂമിൽ അധ്യാപിക പോകുന്നതിന്റെയും, ഇവരുടെ ശരീരത്തിന്റെ രഹസ്യഭാഗങ്ങളുടെയും ചിത്രങ്ങൾ വിദ്യാർഥികൾ പകർത്തിയിട്ടുണ്ടെന്നാണ് സൂചന.
ബാംഗ്ലൂർ യലഹങ്കയിലെ പ്രശസ്തമായ എൻജിനീയറിങ് കോളജിലെ വിദ്യാർഥികളായ മലയാളികൾക്കെതിരെയാണ് അധ്യാപിക പരാതി നൽകിയിരിക്കുന്നത്. സോഷ്യൽ മീഡിയയിൽ ഇവരുടെ ദൃശ്യങ്ങൾ പ്രചരിച്ചതോടെ ബാംഗ്ലൂരിൽ ഭർത്താവിനൊപ്പം സ്ഥിരതാമസക്കാരിയായ അധ്യാപിക ജോലി ഉപേക്ഷിച്ചു.
തിരുവനന്തപുരം എറണാകുളം സ്വദേശികളായ നാല് എയറേനോട്ടിക്കൽ എൻജിനീയറിങ് വിദ്യാർഥികൾക്കെതിരെയാണ് അധ്യാപിക ഇപ്പോൾ പരാതി നൽകിയിരിക്കുന്നത്. ക്ലാസ് മുറിയിൽ ഇടയ്ക്കു സാരിയുടുത്തെത്തുന്ന അധ്യാപികയുടെ അശ്ലീല ദൃശ്യങ്ങൾ വിദ്യാർഥികൾ നാലു പേരും ചേർന്നു മൊബൈൽ ഫോൺ ക്യാമറയിൽ പകർത്തുകയായിരുന്നു. സ്റ്റാഫ് റൂമിൽ അധ്യാപിക ഇരിക്കുന്ന ഭാഗത്തോടു ചേർന്നുള്ള സിസിടിവി ക്യാമറയിലെ ദൃശ്യങ്ങൾ കോളജിലെ കംപ്യൂട്ടറിൽ നിന്നു വിദ്യാർഥികൾ ചോർത്തിയെടുക്കുകയും ചെയ്തു. ഇവർ കോളജിലെ ബാത്ത്‌റൂമിലേയ്ക്കു പോകുന്ന ചിത്രങ്ങൾ പകർത്തിയ വിദ്യാർഥികൾ ഇതും ദുരുപയോഗം ചെയ്യുകയായിരുന്നു.
സംഭവം വിവാദമായതോടെ മലയാളി വിദ്യാർഥികളെ കോളജിൽ നിന്നും അന്വേഷണ വിധേയമായി സസ്‌പെന്റ് ചെയ്തിരിക്കുകയാണ്.