കേസ് നിര്‍ണായക ഘട്ടത്തിലെന്ന് ഡിജിപി ലോക്‌നാഥ് ബെഹ്റ

കൊച്ചി : നടിയെ ആക്രമിച്ച കേസ് നിര്‍ണായക ഘട്ടത്തിലാണെന്നും മുന്‍വിധിയോടെ പ്രതികരണത്തിനില്ലെന്നും ഡിജിപി ലോക്‌നാഥ് ബെഹ്റ .കേസിന്റെ കൂടുതല്‍ വിവരങ്ങള്‍ ഉചിതമായ സമയത്ത് പറയാമെന്ന് ബെഹ്റ മാധ്യമങ്ങളോട് പറഞ്ഞു.കോടതിയുടെ പരിഗണനയിൽ ഇരിക്കുന്ന വിഷയമായതിനാൽ മറ്റ് പ്രതികരണങ്ങൾക്കില്ലെന്നും പറഞ്ഞു.കേസിൽ അറസ്റ്റിലായ നടൻ ദിലീപിന്റെ ജാമ്യാപേക്ഷ ഇന്ന് കോടതി തള്ളിയിരുന്നു. ജാമ്യമില്ലാത്ത കുറ്റങ്ങളാണ് ദിലീപിന്റെമേൽ ചുമത്തുന്നതെന്ന പ്രോസിക്യൂഷൻ വാദം കോടതി അംഗീകരിക്കുകയായിരുന്നു.ശക്തമായ തെളിവുകൾ ദിലീപിനെതിരെയുണ്ടെന്നും സാക്ഷികളെ ദിലീപ് സ്വാധീനിച്ചേക്കുമെന്ന വാദം ശരിവച്ച അങ്കമാലി മജിസ്ട്രേട്ട് കോടതി, ജാമ്യാപേക്ഷ തള്ളി. മറ്റുപ്രതികൾക്ക് ജാമ്യം നൽകാത്ത സാഹചര്യത്തിൽ ദിലീപിനും ജാമ്യം നൽകരുതെന്നും പ്രോസിക്യൂഷൻ വാദിച്ചു.