കൊച്ചി: കാവ്യ ദിലീപ് വിവാഹത്തിന്റെ തരംഗം ഇപ്പോഴും സോഷ്യല്‍ മീഡിയില്‍ കഴിഞ്ഞിട്ടില്ല. ദിലീപും കാവ്യയും ദുബായില്‍ ഹണിമൂണ്‍ ആഘോഷിക്കുന്ന തിരക്കിലാണ് ഇതിനിടയിലും ഗോസിപ്പുകളും വിമര്‍ശനങ്ങളുമൊക്കെ സോഷ്യല്‍ മീഡിയയില്‍ അരങ്ങുതകര്‍ക്കുകയാണ്.
എന്തായാലും പെട്ടന്നു നടന്ന താരദമ്പതികളുടെ വിവാഹത്തിന്റെ വീഡിയോയുടെ ട്രെയ്ലര്‍ പുറത്തുവന്നിട്ടുണ്ട്. ഡ്രീം കാച്ചേഴ്സാണ് താരദമ്പതികളുടെ വിവാഹ വീഡിയോ പുറത്തുവിട്ടത്. ദിലീപ് താരങ്ങളെ ഫോണില്‍ വിവാഹം ക്ഷണിക്കുന്നത് മുതലുള്ള ദൃശ്യങ്ങളാണ് ട്രെയ്ലര്‍ വീഡിയോയില്‍ ഉള്ളത്. ഫേസ്ബുക്ക് ലൈവ് അടക്കം ഉള്‍പ്പെടുത്തിയാണ് വീഡിയോ. വീഡിയോയില്‍ ഇരുവരെയും പോലെ നിറഞ്ഞു നില്‍ക്കുന്നത് മകള്‍ മീനാക്ഷിയുമാണ്.
മമ്മൂട്ടി, ജയറാം, ദിലീപ്, മീരാ ജാസ്മിന്‍ തുടങ്ങിയ വിവാഹത്തില്‍ പങ്കെടുത്ത താരങ്ങളെ എല്ലാം ഉള്‍പ്പെടുത്തിയാണ് ട്രെയ്ലര്‍. കാവ്യയെ വിവാഹ വേഷത്തില്‍ കണ്ട് സൂപ്പര്‍ബ് എന്നു പറയുന്ന മീരയെയും വീഡിയോയില്‍ കാണാം. ചന്ദ്രനുദിക്കുന്ന ദിക്കിലെ പാട്ടിന്റെ അകമ്പടിയോടെയാണ് വീഡിയോ അവസാനിക്കുന്നത്.
Top