ദൂബായില്‍ നിന്ന് ഹണിമൂണ്‍ ആഘോഷങ്ങള്‍ക്ക് ശേഷം തിരിച്ചെത്തിയാല്‍ കാവ്യ ആലുവയിലെ വിട്ടിലും ദിലീപ് ഷൂട്ടിങ് തിരക്കിലേയ്ക്കും നിങ്ങുമെന്ന് സൂചന.പ്രശസ്ത കാമറമാന്‍ രാമചന്ദ്രബാബു ആദ്യമായി സംവിധാനം ചെയ്യുന്ന പ്രൊഫസര്‍ ഡിങ്കനില്‍ അഭിനയിക്കാനുമെന്നാണ് സൂചന.
പ്രൊഫസര്‍ ഡിങ്കന്‍ ഒരു ത്രീഡി ചിത്രമാണ്. ന്യൂ ടിവിയുടെ ബാനറില്‍ സനല്‍ തോട്ടമാണ് നിര്‍മ്മാണം. ദീപാങ്കുരന്‍ എന്ന കഥാപാത്രത്തെയാണ് ദിലീപ് അവതരിപ്പിക്കുന്നത്. ഒരു മജിഷ്യന്റെ വേഷമാണിതെന്നാണ് റിപ്പോര്‍ട്ട്.ദിലീപിന്റെ ജോര്‍ജേട്ടന്‍സ് പൂരം ജനുവരി 26ന് റിലീസ് ചെയ്യും. അനുരാഗ കരിക്കിന്‍ വെള്ളത്തിലൂടെ ശ്രദ്ധേയയായ രജീഷാ വിജയനാണ് ജോര്‍ജേട്ടന്‍സ് പൂരത്തില്‍ ദിലീപിന്റെ നായിക.
കമ്മാരസംഭവമാണ് മറ്റൊരു ദിലീപ് ചിത്രം. പരസ്യസംവിധായകനായ രതീഷ് അമ്പാട്ട് ആദ്യമായി സംവിധാനം ചെയ്യുന്ന ചിത്രമാണിത്. തിരക്കഥ മുരളി ഗോപിയുടേതാണ്. തെന്നിന്ത്യന്‍ താരം സിദ്ധാര്‍ത്ഥും പ്രധാന വേഷത്തിലെത്തുന്നു. സേതു എഴുതി നവാഗതനായ അരുണ്‍ ഗോപി സംവിധാനം ചെയ്യുന്ന ചിത്രം, ജോമോന്‍ സംവിധാനം ചെയ്യുന്ന ചിത്രം എന്നിവയാണ് ദിലീപിന്റെ മറ്റ് പ്രോജക്ടുകള്‍.
രണ്ടാം വിവാഹത്തിന് ശേഷവും ദിലീപിനെ കാത്തിരിക്കുന്നത് കൈനിറയെ പ്രോജക്ടകളാണ്. എന്നാല്‍ കാവ്യ ഇനി അഭിനയിത്തിലേക്ക് മടങ്ങിവരില്ലെന്നാണ് സിനിമാലോകം നല്‍കുന്ന സൂചന
Top