മീശ കളഞ്ഞ് താടിവെച്ച ദുല്‍ഖറിന്റെ ചിത്രമാണ് ഇപ്പോള്‍ സോഷ്യല്‍ മീഡിയയില്‍ ഇപ്പോള്‍ ചര്‍ച്ച. നടന്‍ സൗബിന്‍ ഷാഹിര്‍ ആദ്യമായി സംവിധാനം ചെയ്യുന്ന പറവ എന്ന സിനിമയ്ക്ക് വേണ്ടിയാണ് ദുല്‍ഖറിന്റെ ഈ കിടിലന്‍ ലുക്ക്.
ചിത്രത്തില്‍ പ്രധാനവേഷത്തിലാണ് ദുല്‍ഖര്‍ എത്തുന്നത്. സിനിമയില്‍ പ്രധാനപ്പെട്ടൊരു കഥാപാത്രം കൂടിയാണിത്. സിനിമയില്‍ ഇതുവരെ പ്രത്യക്ഷപ്പെടാത്ത വ്യത്യസ്തമായ ഗെറ്റപ്പാണ് പറവയില്‍ ദുല്‍ഖറിന്റേത്. ചിത്രത്തിന് വേണ്ടി ഇരുപത് ദിവസത്തെ ഷൂട്ടിങാണ് ദുല്‍ഖറിനുള്ളത്. ഷെയ്ന്‍ നിഗം ആണ് ചിത്രത്തിലെ മറ്റൊരു നായകന്‍. സിദ്ദിഖ് പ്രധാന വേഷത്തിലെത്തുന്നു.
ദീര്‍ഘകാലം സഹസംവിധായകനായി പ്രവര്‍ത്തിച്ച് പിന്നീട് നടന്‍ എന്ന നിലയിലും തിളങ്ങിയ ആളാണ് സൗബിന്‍. അന്‍വര്‍ റഷീദ് എന്റര്‍ടെയ്ന്‍മെന്റിന്റെ ബാനറില്‍ അന്‍വര്‍ റഷീദും ദി മൂവി ക്ലബ്ബിന്റെ ബാനറില്‍ ഷൈജു ചേര്‍ന്നാണ് നിര്‍മാണം. സൗബിനൊപ്പം മുനീര്‍ അലി, നിസാം ബഷീര്‍ എന്നിവര്‍ ചേര്‍ന്നാണ് തിരക്കഥ.
Top