കൊച്ചി: എറണാകുളം വരാപ്പുഴയില്‍ ബസ് കാറിലും ബൈക്കിലും ഇടിച്ചുണ്ടായ അപകടത്തില്‍ നാലു പേര്‍ മരിച്ചു. രണ്ടു പേര്‍ക്ക് ഗുരുതരമായി പരുക്കേറ്റു. വരാപ്പുഴ പാലത്തില്‍ ഇന്നു പുലര്‍ച്ചെ ഒരു മണിയോടെയാണ് അപകടം. മരിച്ചവരില്‍ ഒരു പെണ്‍കുട്ടിയുള്‍പ്പെടെ രണ്ടു പേര്‍ കുസാറ്റിലെ വിദ്യാര്‍ഥികളാണ്. രണ്ടു പേര്‍ ബൈക്ക് യാത്രക്കാരായ യുവാക്കളാണ്. വള്ളിക്കാവില്‍ നിന്ന് എടപ്പാളിലേയ്ക്ക് പോവുകയായിരുന്ന അമൃത വിദ്യാലയത്തിലെ ബസാണ് അപകടത്തിനിടയാക്കിയത്. സ്റ്റിയറിംഗ് തകരാറ് സംഭവിച്ച് ബസ് റോഡില്‍ നിര്‍ത്തിയിട്ടിരിക്കേയാണ് കാറും ബൈക്കു വന്ന് ഇടിച്ച് അപകടത്തിനിടയായതെന്ന് പോലീസ് പറഞ്ഞു.
നിയന്ത്രണം വിട്ട ബസ് കാറിലും ബൈക്കിലും ഇടിക്കുകയായിരുന്നുവെന്നാണ് വിവരം. കാറിലുണ്ടായിരുന്നത് കുസാറ്റിലെ വിദ്യാര്‍ഥികളാണ്. ഇതില്‍ വാഹനമോടിച്ചിരുന്ന യുവാവും മുന്‍വശത്തിരുന്ന പെണ്‍കുട്ടിയുമാണ് മരിച്ചത്. പരുക്കേറ്റവരെ ആശുപത്രിയിലേക്ക് മാറ്റി.
Top