കടം വാങ്ങി നാലുസെന്റ് സ്ഥലവും നാലുലക്ഷരൂപയുടെ വീടും പണിതുനല്‍കി ഒടുവില്‍ അതേ വിനോദ് ഫൈസലിന്റെ കൊലയാളിയായി

തിരൂരങ്ങാടി: മതം മാറിയതിന്റെ പേരില്‍ കൊല്ലപ്പെട്ട ഫൈസലിനെതിരെ ഗൂഢാലോചന നടത്തിയത് ഫൈസര്‍ വീണ്ടും സ്ഥലവും വാങ്ങി നല്‍കിയ ഭാര്യാ സഹോദരന്‍. ഗൂഢാലോചന നടത്തിയതിന് പിടിയിലായ വിനോദിന് വീടും സ്ഥലവും വാങ്ങി നല്‍കിയത് ഫൈസലായിരുന്നുവെന്ന് സുഹൃത്തുക്കള്‍ പറഞ്ഞു. ഫൈസലിന്റെ സഹോദരി ഭര്‍ത്താവും അമ്മാവന്റെ മകനുമാണ് വിനോദ്. കഴിഞ്ഞ തവണ ഗള്‍ഫില്‍ നിന്നും നാട്ടിലെത്തിയ സമയത്താണ് വീടിനോട് ചേര്‍ന്ന് നാല് സെന്റ് സ്ഥലവും ചെറിയ വീടും വിനോദിനായി ഫൈസല്‍ നിര്‍മിച്ചു നല്‍കിയത്.

സ്ഥലം വാങ്ങുന്നതിനുള്ള നാലു ലക്ഷം രൂപയും വീട് നിര്‍മിക്കുന്നതിനുള്ള തുകയും നല്‍കിയത് ഫൈസലായിരുന്നുവെന്ന് ബന്ധുക്കള്‍ പറഞ്ഞു. മദ്യപിച്ചെത്തുന്ന വിനോദ് സഹോദരിയെ മര്‍ദിക്കുന്നത് കണ്ട് സഹിക്കെട്ടാണ് ഫൈസല്‍ വീടും സ്ഥലവും വാങ്ങി നല്‍കിയത്. ഈ ഇനത്തില്‍ ഫൈസലിന് കടം വന്നതായും ബന്ധുക്കള്‍ പറഞ്ഞു