കണ്ണൂർ : പയ്യാവൂരിനടുത്ത ഉപ്പ് പടന്നയിൽ പിതാവ് മകനെ കുത്തി കൊലപ്പെടുത്തി.ഇന്നലെ വൈകുന്നേരം 3 മണിയോടു കൂടി തേരകത്തിനാടി സജി മദ്യലഹരിയിൽ മകൻ ഷാരോണിനെ (20) കുത്തിയത്. പട്ടിക്ക് തീറ്റ കൊടുക്കാത്തതിനെ തുടർന്നുണ്ടായ തർക്കത്തിനിടെ മദ്യലഹരിയിലാണ് പിതാവ് മകനെ കുത്തിക്കൊന്നത് സംഭവത്തില്‍ പിതാവ് തേരകത്തിനടിയിൽ സജിയെ പയ്യാവൂർ പൊലീസ് കസ്റ്റഡിയിലെടുത്തു.
ശനിയാഴ്ച വൈകീട്ട് മൂന്നുമണിയോടെ മദ്യപിച്ച് വീട്ടിലെത്തിയ സജി, പട്ടിക്ക് തീറ്റ കൊടുക്കാത്തതിനെ ചൊല്ലി മകനുമായി വഴക്കിട്ടിരുന്നു. തുടർന്നാണ് ഇയാള്‍ കത്തികൊണ്ട് പുറത്ത് കുത്തിയത്. കുത്തേറ്റ് വീണ ഷാരോണിനെ ആദ്യം പയ്യാവൂരിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും നില ഗുരുതരമായതിനെ തുടര്‍ന്ന് കണ്ണൂരിലെ ആശുപത്രിയിലേക്ക് കൊണ്ടുപോകുംവഴി മരണപ്പെടുകയായിരുന്നു.സജി നിരന്തമായി മദ്യപിച്ച് വഴക്കിടുന്ന ആളാണെന്ന് നാട്ടുകാർ പറയുന്നു.സജിയുടെ ഭാര്യ ഇറ്റലിയിൽ നഴ്സാണ്. രണ്ട് മക്കളും സജിയും മാത്രമായിരുന്നു വീട്ടിലുണ്ടായിരുന്നത്.
Top