ഇഷ്ടപ്രകാരമല്ലാതെ നിശ്ചയിക്കാൻ പോയ വിവാഹം വേണ്ടന്ന് വെച്ചതിനാൽ പള്ളിക്കമ്മറ്റിക്കാർ ദ്രോഹിക്കുന്നു … ശബ്ന മറിയം തരീഷ്

പെണ്ണുകാണാൻ വന്ന വല്ല്യ തറവാട്ടുകാരിയായ ചെറുക്കന്റെ ഉമ്മ വളരെ പ്രസക്തമായ ഒരേ ഒരു ചോദ്യമേ ചോദിച്ചുള്ളൂ..’ മദ്രസേൽ എത്രവരെ പോയി?, ചോറും കറിയൊക്കെ വെക്കുമല്ലെ ല്ലേ?…’.

ചെറുക്കനാണെങ്കി ഒന്നും ചോദിച്ചുമില്ല. എല്ലാർക്കും മനസ്സിലായല്ലോ???? എന്തോരം വേദനിച്ചിട്ടുണ്ടെന്നറിയോ അന്ന്..

തുടർപഠനം ലക്ഷ്യമാക്കി ഇറങ്ങിയെങ്കിലും നിലനിൽപ് തന്നെ പരിതാപകരമായ അവസ്ഥയിൽ ഒന്നിനും കഴിയാതെ പലതരം crisis ലൂടെ എങ്ങെനെയൊക്കെയോ പിടിച്ചുനിന്നു, ജീവിതത്തിനും മരണത്തിനുമിടയിൽ ഒരു നൂൽപാലമുണ്ടായിരുന്ന അനേകം സന്ദർഭങ്ങൾ. എങ്ങെനെയോ നിലനിന്നു. ഇപ്പോൾ സ്‌നേഹനിധിയായ ജീവിതപങ്കാളിയോടൊത്ത് നല്ലൊരു മതാതീതജീവിതം നയിക്കുന്നു. മകളെയും മതമില്ലാതെ വളർത്തുന്നു.

ഈ സംഭവം മുതൽ വീട്ടീന്നും നാട്ടീന്നും ആദ്യമേ പുറത്താണ്, എല്ലാ കഷ്ട്ടപ്പാടും നമ്മക്ക് തന്നെ. പട്ടിണിക്കാലത്ത് പോലും വെള്ളം കുടിക്കാൻ വല്ലതും കിട്ടുന്നുണ്ടോന്നുപോലും അന്വേഷിക്കാത്ത പാർട്ടീസാണ ഇവരൊക്കെ്. ഓർമ്മ വച്ചപ്പോ മുതൽ നല്ലൊരു വാക്കു പറഞ്ഞതും ഓർമ്മയില്ല, ഒരുപാട് സ്‌നേഹമുണ്ടായിരുന്ന ബന്ധുക്കളെ ഇവര് തന്നെ നഷ്ട്ടപ്പെടുത്തേം ചെയ്തു. സങ്കടം ഇപ്പോഴും തലേൽ കയറി തലച്ചോറ് പൊട്ടിക്കുംവിധം നൃത്തംതന്നെ. ഒരു രക്ഷയുമില്ല, പരിഗണിക്കുന്നത് പോയിട്ട് ഒരിക്കലും സ്വസ്ഥത തരില്ല. നോക്കുന്നതും കാണുന്നതും കേൾക്കുന്നതും അറിയുന്നതും എല്ലാം കുറ്റത്തോട് കുറ്റം.

ഇതൊന്നുമല്ല ഇപ്പോ ഇതെഴുതാൻ കാരണം.അനിയത്തിക്ക് കല്ലാണാലോചനകൾ വരാൻ തുടങ്ങിയിട്ട് കുറച്ചായി. ഒന്നും ശരിയാവുന്നില്ല. എല്ലാരും ഇഷ്ട്ടപ്പെട്ടു പോകും, തൊട്ടുപിറകെ മുടക്കാനുള്ളവരും പോകും. അവൾ അതിസുന്ദരിയും ഡോക്ടറാവാൻ പഠിച്ചുകൊണ്ടിരിക്കുന്ന ആളുമാണ് ,നല്ല സ്ത്രീധനവും കൊടുക്കും(എന്നിട്ടാണ് ഈ അവസ്ഥ). നമ്മളാണ് എല്ലാത്തിനും കാരണം എന്ന് തുടക്കംമുതൽ പറയുന്നുണ്ടായിരുന്നു. അവസാനം കഴിഞ്ഞ ദിവസം പള്ളിക്കമ്മറ്റീന്ന് വന്ന് പറഞ്ഞിരിക്കുന്നു.

1: കള്ളന്മാർക്കും റേപ്പിസ്റ്റുകൾക്കും തീവ്രവാദികൾക്കും നിലവിൽ മൂന്നുഭാര്യകളുള്ളവന്മാർക്കും എല്ലാം പെണ്ണുകെട്ടികൊടുക്കുന്ന കമ്മറ്റിക്ക് ഇതിലെന്താണ് ഇത്രവലിയ പ്രശ്‌നം??

(പണ്ട് നാട്ടിൽ അറബികല്യാണങ്ങൾ സ്ഥിരമായിരുന്നു. പാവപ്പെട്ട കുടുംബത്തിൽ നിന്ന് അറബ്‌നാട്ടിൽ കുറെ ഭാര്യമാരുള്ള അറബികൾ വന്ന് പെണ്ണ് കെട്ടും. സ്ത്രീധന മൊന്നും വേണ്ട, മാത്രമല്ല ആദ്യമൊക്കെ ഇങ്ങോട്ട് കിട്ടേം ചെയ്യും. അവസാനം രണ്ട് കുട്ടിയൊക്കെയാകുമ്പോ അയാളുടെ വരവു കുറയും. വീട്ടിലും നാട്ടിലുമൊക്കെ ഈ പെണ്ണ് അധികപറ്റുമാവും.പറഞ്ഞുവന്നത് ഈ കല്ല്യാണങ്ങളും പള്ളിക്കല്യാണങ്ങൾ തന്നായിരുന്നു)