ഇനി പൂക്കൾ തേടി അലയേണ്ട ; തുമ്പിയിൽ ക്ലിക്ക് ചെയ്താൽ മതി

തിരുവനന്തപുരം : അത്തപൂക്കളമിടാൻ കേരളം ഒരുങ്ങി കഴിഞ്ഞു. പൂക്കളമൊരുക്കാൻ കുട്ടികളും, സംഘടനകളും സ്ഥാപനങ്ങളും പൂക്കൾ തേടി കമ്പോളങ്ങളിലേക്കു ഓടുന്ന കാഴ്ചയാണ് കഴിഞ്ഞ കുറെ വർഷങ്ങൾ ആയി കേരളത്തിൽ കണ്ടു വരുന്നത്. മലയാളികളുടെ പൂക്കൾ തേടിയുള്ള ഓട്ടത്തിന് അറുതി വരുത്താൻ കാർഷികോത്പന്ന  വിപണന സേവനങ്ങൾക്കായുള്ള ഇ-കോമേഴ്‌സ് വെബ് പോർട്ടൽ ആയ തുമ്പി ഡോട്ട് ഇൻ വിപുലമായ സൗകര്യങ്ങൾ ആണ് ഒരുക്കിയിരിക്കുന്നത്. പൂവ് ഉൽപാദകരുടെ പക്കൽ   നിന്നും ആവശ്യത്തിനുള്ള പൂക്കൾ ഇടനിലക്കാരുടെ കൈകടത്തലുകളില്ലാതെ നേരിട്ട് പൂക്കളങ്ങൾ ഒരുക്കുന്നവർക്ക് എത്തിക്കാനാണ് തുമ്പിയുടെ പ്രവർത്തകർ ക്രമീകരണങ്ങൾ ചെയ്തിരിക്കുന്നത്. അത്തം തുടങ്ങുന്ന ഇന്ന് മുതൽ അത്തപ്പൂക്കളം ആവശ്യമുള്ളവർ www.thumpi.in എന്ന വെബ് പോർട്ടലിൽ ലോഗിൻ ചെയ്തു ആവശ്യമായ പൂക്കൾ തിരഞ്ഞെടുത്തു ഓർഡർ നൽകിയാൽ ആവശ്യക്കാരുടെ അടുത്ത് പൂക്കൾ എത്തിക്കാനുള്ള സംവിധാനം ആണ് തുമ്പിയുടെ പ്രവർത്തകർ ഒരുക്കിയിരിക്കുന്നത് .