ലോകം തകർക്കാൻ ഐഎസിന്റെ സൈബർ സേന: ലക്ഷ്യം വൻ ശക്തികളുടെ സൈനിക കംപ്യൂട്ടറുകൾ; ലക്ഷ്യം അണ്വായുധം വിക്ഷേപിക്കാനുള്ള രഹസ്യ ശേഷി; പട്ടികയിൽ ഇന്ത്യയും

ഇന്റർനാഷണൽ ഡെസ്‌ക്

ബെയ്‌റൂട്ട്: ഇന്ത്യ അടക്കമുള്ള ലോകത്തെ വൻ സൈനിക ശക്തികളുടെ പ്രതിരോധ രഹസ്യങ്ങൾ ചോർത്തി, കംപ്യൂട്ടർ നിയന്ത്രണത്തിലുള്ള അണ്വായുധം വിക്ഷേപിച്ചു ലോകത്തെ തകർക്കാൻ ലക്ഷ്യമിട്ട് ഐഎസ് ഹാക്കർമാർ രംഗത്ത്. ലോകത്തിന്റെ വിവിധ ഭാഗത്തു നിന്നുള്ള അരലക്ഷം സ്ലീപ്പർ സെൽ ഹാക്കർമാരുമായാണ് ഐഎസ് പോരാളികൾ വൻ ലോക രാജ്യങ്ങളെ തകർക്കാനുള്ള ഫൈനൽ ബാറ്റിലിനു തയ്യാറെടുക്കുന്നത്. ഇന്ത്യ അടക്കമുള്ള രാജ്യങ്ങളിൽ നിന്നുള്ള അരലക്ഷം ഹാക്കർമാരിൽ മലയാളികളും ഉണ്ടെന്ന സൂചനയാണ് ഐഎസ് വൃത്തങ്ങളിൽ നിന്നുള്ള റിപ്പോർട്ടുകളെ ഉദ്ധരിച്ച് ലോക മാധ്യമങ്ങൾ റിപ്പോർട്ട് ചെയ്യുന്നത്.
ഇറാഖിലും സിറിയയിലും വേരുറപ്പിച്ച ഐഎസ് സഖ്യസേനയുടെ ലക്ഷ്യം, ലോകം മുഴുവൻ പിടിച്ചടക്കി ഖലീഫയുടെ രാജ്യം സ്ഥാപിക്കലാണ്. ഇതിനായുള്ള തന്ത്രങ്ങൾ ഒരുക്കുകയാണ് ഐഎസ് ഇപ്പോൾ ചെയ്യുന്നത്. നേരിട്ട് സൈനികമായ ഏറ്റുമുട്ടലിലൂടെ ലോകത്തെ വൻ ശക്തികളെ പരാജയപ്പെടുത്താനാവില്ലെന്നു കൃത്യമായി ഐഎസ് തിരിച്ചറിയുന്നുണ്ട്. അതുകൊണ്ടു തന്നെ അമേരിക്കയും, ജപ്പാനും ചൈനയും റഷ്യയും അടക്കമുള്ള രാജ്യങ്ങളുടെ കംപ്യൂട്ടർ ശൃംഖലയിൽ കടന്നു കയറി ആക്രമണം നടത്തുകയാണ് ഇപ്പോൾ ഐഎസ് പദ്ധതി തയ്യാറാക്കിയിരിക്കുന്നത്.
ഓരോ രാജ്യങ്ങളിൽ നിന്നും കംപ്യൂട്ടർ രംഗത്ത് വിദഗ്ധരായവരെ ലക്ഷങ്ങൾ പ്രതിഫലം നൽകി സ്വന്തമാക്കിയാണ് ഐഎസ് ഇപ്പോൾ അരലക്ഷം വരുന്ന ഹാക്കർ ആർമി തയ്യാറാക്കിയിരിക്കുന്നത്. ഇന്ത്യയിൽ നിന്നും അഞ്ഞൂറു പേരുടെ പ്രാഥമിക പട്ടിക ഐഎസ് തയ്യാറാക്കിയിട്ടുണ്ടെന്നാണ് സൂചന. ഇതിൽ മലയാളികളും ഉൾപ്പെട്ടിട്ടുണ്ടെന്നും വിദേശ മാധ്യമങ്ങൾ ഐഎസ് വ്യക്താക്കളെ ഉദ്ധരിച്ചു റിപ്പോർട്ട് ചെയ്യുന്നു. ലോകത്തെ വൻശക്തികളുടെ സൈനിക കംപ്യൂട്ടറുകളിൽ ഹാക്ക് ചെയ്തു കയറുന്നതിനും, ഇവരുടെ അണ്വായുധം വഹിക്കാൻ ശേഷിയുള്ള മിസൈലുകൾ നിയന്ത്രിക്കുന്ന കംപ്യൂട്ടറുകളുടെ നിയന്ത്രണം തട്ടിയെടുക്കുന്നതിനും അവശ്യഘട്ടത്തിൽ ഇത് പ്രയോഗിക്കുന്നതിനുമാണ് ഇപ്പോൾ ഐഎസ് പദ്ധതിയിടുന്നത്.